काठमाडौंमा शनिबार भोलि “स्कुटर एण्ड मोटरसाइकल र्‍याली “कार्यक्रम हुनेभएको छ।

लायन्स क्लब अफ काठमाडौं आधारको आयोजनामा भोलि उक्त कार्यक्रम सम्पन्न हुनेभएको हो। काठमाडौंको बुद्धमलदेखी र्‍याली सुरु हुने आयोजकले जनाएको छ।

आयोजकका अनुसार कार्यक्रम बिहान साढे सात बजेदेखि सुरु हुनेछ। र्‍याली बुद्धमल देखि चक्रपथ , चक्रपथ देखि लाजिम्पाट , लाजिम्पाट देखि किङस वे, भद्रकाली ,माइतीघर र बानेश्वर हुँदै कोटेश्वर पुगेर टुंगिने छ।

कार्यक्रममा र्‍याली सङ्गै ट्राफिक नियमको पालना सम्बन्धी सतर्कता कार्यक्रम रहेको र र्‍यालीमा उपस्थित हुनेलाई निशुल्क टि-सर्टको व्यवस्था रहेको पनि आयोजकले जनाएको छ।

युवाहरूलाई ट्राफिक नियम पालना गर्नुपर्छ, ट्राफिक नियम सम्बन्धी सबैजनालाई जनचेतना फैलाउनु पर्छ भन्ने भावना जागृत गराउने मुख्य उद्देश्यले “स्कुटर एण्ड मोटरसाइकल र्‍याली “को आयोजना गर्न लागेको आयोजकले बताएको छ।

रेड बर्ड ब्यानरको निर्माणमा बनेको चलचित्र “पोइ पर्यो काले”को एउटा गीत बाहेक सम्पुर्ण सुटिङ सकिएको छ।

मल्टीस्टारर उक्त चलचित्रको सम्पुर्ण छायांकन पोखरामा सकिएको निर्माण टिमले बताएको छ। शिशिर राणाको लेखन तथा निर्देशन रहेको उक्त चलचित्र तिहारलाई लक्षित गरि कात्तिक ८ गते प्रदर्शन हुँदैछ।

चलचित्रमा सौगात मल्ल,पूजा शर्मा, आकाश श्रेष्ठ, सृष्टि श्रेष्ठ, सुरक्षा पन्त, सोहित मानन्धर राजाराम पौडेल लगायतका कलाकारको मुख्य भूमिका रहने छ ।

दिपक मनाङ्गे र अ देवी राइको लगानी रहेको चलचित्रमा किरण नेपाली र रघु परियार कार्यकारी निर्माताको रुपमा रहेका छन् । चलचित्रको प्रस्तुतकर्ता भने श्याम बहादुर थापा रहेका छन।

कमेडी कथावस्तुमा निर्माण हुन लागेको चलचित्रलाई शिव ढकालले छायांकन गरेका छन। त्यस्तै चलचित्रमा सुवाष भुषाल र पुरुषोत्तम न्यौपानेले मिठो संगीत भरेका छन। कविराज गहतराज, रामजी लामिछाने र राहुल शाहको उक्त चलचित्रमा कोरियोग्राफी रहेको छ ।

राष्ट्रिय पाककला प्रतियोगितामा बर्दियाका ओम प्रसाद ढकाल सेकेण्ड रनर अप हुन सफल भएका छन।

उनी उक्त प्रतियोगिताको लागि प्रदेश पाँचबाट छनोट भएका थिए। पोखरामा सम्पन्न पाककला सम्बन्धि प्रतियोगितामा ढकालले सेकेन्ड रनरअपको विधा चुमेका हुन् ।

बाँके जिल्लाको नेपालगन्जमा रेष्टुरेन्ट सन्चालन गर्दै आएका ढकालले २ सय २३ अंक प्राप्त गर्दै सेकेण्ड रनरअप हुन सफल भएका हुन।सेकेन्ड रनरअप उपाधी प्राप्त गरेका ढकालले ५० हजार नगद रुपैयाँ समेत प्राप्त गरेका छन। उनी सातओटा प्रदेशबाट सहभागि १४ प्रतिस्प्रधि मध्येबाट सेकेन्ड रनरअप हुन सफल भएका हुन।

प्रतियोगितामा ७ प्रदेशका १ सय ६३ जना प्रतियोगिहरुबाट विभिन्न चरणमा छनोट गरि १४ जना प्रतिस्प्रधीहरुलाई उक्त प्रतियोगितामा सहभागितामा सहभागी गराइएको थियो। यो प्रतियोगिता नेपालमै पहिको पटक भएको हो।जसको उपाधी प्रदेश नम्बर ३ की सुनसरी नेपालीले जित्न सफल भएकी छिन।

नेपालीले २ सय ४१.५ अंक ल्याउंदै उक्त उपाधी जितेकी हुन। उनले १ लाख नगद रुपैयाँ पनि प्राप्त गरेकी छिन।
त्यस्तै उक्त प्रतियोगितामा प्रदेश नम्बर ३ कै रमेश थापाले दोश्रो स्थान हाँसिल गरेका छन । उनले २ सय २७.५ अंक प्राप्त गरी दोश्रो स्थान हाँसिल गरी नगद ७५ हजार रुपैया पनि प्राप्त गरेका छन ।
प्रतियोगिता सिटिइभिटि र राष्ट्रिय सीप परीक्षण विभागको आयोजनामा नेपालमै पहिलो पटक सम्पन्न भएको हो।

एक्स जेनेरेशन इभेन्ट एण्ड एड एजेन्सीले यहि अषाढ ९ गते नेपालगन्जमा ‘हिट द बिट’ पुल पार्टी गर्ने भएको छ । उक्त पुल पार्टी नेपालगंजका लागी यो बर्षको पहिलो पुल पार्टी हुने एक्स जेनेरेसनका संस्थापक संयोग जंग शाहको भनाइ छ । बिश्वव्यापी चर्चित ‘DJ 100 DJANE 2018’ मा पर्ने सफल विश्व प्रसिद्ध महिला डिजे ‘डिजे लिनेटा’ को प्रमुख आकर्षण पुल पार्टिमा रहने छ ।

जहाँ डिजे लिनेटा संगै नेपाल की ख्याती प्राप्त डिजे अर्पणा, डिजे बिधानको डिजे बिट्सका साथै युवा पिडीको रोजाईमा रहेको हिप हप संगितमा नाम चलेका गायक ‘सरकार ‘ , ‘टिक्रस’ र ‘दंगाली बोवाई’को संगितिक प्रस्तुती रहने छ ।

आयोजकका अनुसार कार्यक्रमको संचालन मोस्ट पपुलर मोडल RJ/VJ पुजन थापाले गर्ने छिन् । यो पुल पार्टीले नेपालगंजबासी लाई यो प्रचण्ड गर्मीमा थेरौ भए पनि राहत दिनुका साथ अन्तराष्ट्रिय स्तरको इभेन्टको मनोरञ्जन दिनेकुरामा बिश्वस्त रहेको शाहले बताएका छन् ।

शाहले यो बर्ष यस्तो अन्तराष्ट्रिय लेडी डिजे सहितको दुई वटा पुल पार्टी हुने र चाडैनै एक्स जेनेरेशनले आफ्नो बार्षिक इभेन्ट “मिस नेपालगंज” र “लिटिल मिस भेरी ” पनि सुरु गर्ने जानकारी दिए ।

“बिट द हिट” पुल पार्टी को हस्पिटालिट पार्टनर समेत रहेको स्नेहा कालर्श इन स्विट्सका अपरेश मेनेजर कपिल गान्जोका अनुसार यो पार्टी लाई लक्ष्यित लाइभ “बार बिक्यु” गर्नुका साथै अन्य स्वादिष्ट परिकारको परिकल्पना होटल ले गरेको बताए ।

उक्त पुल पार्टी स्नेहा कालर्श इन स्विट्समा दिउसो २ बजे देखी शुरू हुने छ ।

बाँकेको नेपालगन्जमा गएराति एक विद्यार्थीले आत्महत्या गरेका छन।

नेपालगन्ज उपमहानगरपालिका वडा नं १२ स्थित नेपालगन्ज मेडिकल कलेज पछाडि रहेको आँप बगैंचामा आंपको रुखमा डोरी लगाई बर्दियाको बढैयाताल मैनापोखर घर भई हाल नेपालगन्जको भेरी प्राविधिक शिक्षालयमा सिभिल ईन्जिनियर अध्ययन गर्दै गरेका विद्यार्थी बालकृष्ण मल्लले आत्महत्या गरेको बाँके प्रहरीले बताएको छ।

नीज बिद्यार्थीले यसपालि विज्ञान संकायबाट कक्षा १२ को परीक्षा पनि नेपालगन्जमा रहेको मंगल प्रसाद मा-वि- बाट दिएको उनका परिवारले बताएका छन् । पढ्नमा तेज रहेका उनले के कति कारणले अात्महत्या गरे भनेर उनका अाफन्तजन सबै चकित परेकाले छन् ।

अहिले उनको भेरी अञ्चल प्रदेश अस्पतालमा पोष्टमार्टम गर्न पठाएको र पोष्टमार्टमको रिपोर्ट अाएपछि अात्महत्या कि कसैले हत्या गरेको भन्ने भन्न सकिने जिल्ला प्रहरी कार्यालय बाँकेले बताएको छ ।

नेपालगन्ज उपमहानगरपालिका वडा नं १२ को अार्थिक वर्ष २०७६/०७७ को योजना तथा कार्यक्रम छनोट गर्नका लागि अाज वडा भेला सम्पन्न भएको छ ।

अाफनो वडामा कुन कुन योजना लाई प्राथमिकतामा पार्ने, वडाका समस्याहरु के के छन्, अार्थिक वर्षमा उपमहानगरपालिका बाट कति बजेट वडामा पार्न सफल भईयो लगायतका समसामयिक विषयहरुमा वडाबासी, वडाका प्रतिनिधि, वडाका वुद्दिजिबी , बालबालिका , पत्रकारहरु, राजनीति दलका प्रतिनिधिहरुको उल्लेख्य उपस्थितिमा छलफल तथा योजना तथा कार्यक्रम छनोट कार्यक्रम गरिएको छ ।

वडा नं १२ कै नवनिर्मित अाफनै वडा भवनमा भेला अायोजना गरिएको थियो । अाज बुधबार साझ ४ बजे जम्मा गरिएको भेलामा उपस्थिति वडा बासीहरुले अाफना अाफना टोलमा कार्यक्रमहरु प्राथमिकता का साथ पारिदिनका लागि लिखित रुपमा मागहरु वडा अध्यक्ष बुद्धि सागर सुवेदी समक्ष पेश गरेका छन् ।

कार्यक्रममा बोल्दै वडा अध्यक्ष बुद्धि सागर सुवेदीले म स्थानीय जनताको नोकर भएको हुनाले तपाईंहरुको चाहना अनुसार र वडामा विकास गर्नका लागि वडा अध्यक्ष भएको बताउनुभयो । यस अार्थिक वर्ष २०७६/०७७ का लागि अाफनो वडामा १ करोड ११ लाख वजेट उपमहानगरपालिका बाट बिनियोजन भएको र अझै लडेर भए पनि २० देखि २५ लाख सम्म बजेट बढाउने उहाले वडावासीहरु समक्ष प्रतिवद्दता व्यक्त गरेनु भएको थियो ।

यति मात्र रकमले वडामा विकास धेरै गरेन नसकिने भएकोले यसै क्षेत्रबाट नेपाल सरकारका शहरी विकास मन्त्री भएकोले उहाँसंग पनि वडामा चिल्ड्रेन पार्क र खेलकुद मैदान बनाउनका लागि कुरा गरेको र उहाले बजेट पारिदिने अाश्वासन दिएको अध्यक्ष सुवेदीले बताउनुभयो ।

उक्त कार्यक्रम वडा अध्यक्ष बुद्धि सागर सुवेदीको अध्यक्षतामा भएको थियोे । कार्यक्रम वडा सदस्यहरु तरुण व्रजाचार्य , दिनेश पन्थ, लगायतका वडाका सदस्यहरु, स्थानीय समाजसेवी तेज बहादुर शाह, नेकपाका स्थानीय नेता नारायण शर्मा, महिला समुहकी अध्यक्ष ईता शर्मा, समाजसेवी टंक पौडेल , भरत पोखरेल , विकास ब्रजाचार्य, डिलाराम पौडेल , पत्रकार लगायत उल्लेख्य मात्रामा वडाबासीहरुको उपस्थिति रहेको थियो । कार्यक्रम वडा सचिव सुरेश पौडेलले चलाउनु भएको थियोे ।

यहि अाउदो जुन २१ तारिख शुक्रबारका दिन गुल्मी सेबा समाज यु.ए.इ को चौथो अधिबेशन हुने भएको छ।

तेस्रो अधिवेशनको दुई बर्षे कार्यकाल सकिएता पनि बिबिध कारणबस समय मै अधिबेसन गर्न नसकिएको गुल्मी सेबा समाज यु ए इ को अधिबेशन गराउन लागिएको गुल्मी सेवा समाज यु-ए-ई- का सचिबालय समिती सदस्य किसोर के- सी- ले बिहानी अनलाईन खबरलाई जानकारी गराउनु भएको छ ।

अधिबेशनमा सहमति बाट टुंगो मा नगए प्रजातान्त्रिक विधिबाट निर्बाचन प्रणाली गराएर भए पनि नयाँ नेतृत्व चयन गरिने कुरा पनि उहाले बताउनु भएको छ।
तेस्रो कार्यकालका समाजका अध्यक्ष लक्ष्मण अर्यालले अति राम्रो काम गरेर नमूना को रुपमा अगाडी देखिनु भएको उहाँले जानकारी गराउनु भयो ।

यसपालि उहाँ अध्यक्ष पद को निम्ति चुनाबी मैदान मा प्रतिस्पर्धा नगर्ने कुरा जानकारी गराउनु भयो।साथै ख्याती प्राप्त राष्ट्रिय स्तरका कलाकार र स्थानीय कलाकार को बेजोड प्रस्तुति रहने कुरा समेत समितका सदस्य के-सी-ले जानकारी गराउनु भयो । दुबईबाट रुद्र थापाको सहयोगमा समाचार तयार पारिएको।

बाँकेको नेपालगन्जमा सक्रिय रहेको नेपाल अटो मेकानिक्स ट्रेड युनियन नाटुको भेला तथा प्रशिक्षण कार्यक्रम नेपालगन्जमा सम्पन्न भएको छ ।

नेपालगन्जको पुष्पलाल चोकमा रहेको होटल रोयल बाकेमा भएको कार्यक्रमको अध्यक्षता नाटुका नेपालगन्ज उपमहानगरपालिका का नगर अध्यक्ष पारसमणि अर्याल , प्रमुख अतिथिमा नाटुका केन्द्रीय सचिव रत्न लाल न्यौपाने , बिशिस्ट अतिथिमा प्रेम प्यासी अर्याल अोम शाही अटो मोबाइल का अाधिकारिक बिक्रेता , बिशेष अतिथि अबदुल मोहम्मद वागवान, अतिथिहरुमा नेपाल ट्रेड युनियन महासंघ जिफन्टका प्रदेश नं ५ का सचिवालय सदस्य , बरिस्ठ युनियन सञ्जालका केन्द्रीय सदस्य केशब गिरी, जगदम्बा कम्पनीका टिभिएसका प्रशिक्षक बद्री प्रसाद अधिकारी लगायतका रहनु भएको थियो ।

अाजको उक्त कार्यक्रममा टिभिएस कम्पनीले लगभग ५४ जना मेकानिक्सहरुलाई बिमा सम्वन्धी तथा टेक्निकल तालिमको अायोजना गरेको थियोे । कार्यक्रममा नेपाल अटो मेकानिक्स ट्रेड युनियन नाटुसंग टिभिएस कम्पनीको सहकार्यमा गरिएको थियोे । कार्यक्रममा बोल्दै जिफन्टका प्रदेश नं ५ का सचिवालय सदस्य पुर्ण बहादुर के-सी- ले कार्यक्रममा सिकेका सीप, बिमा, तालिमलाई व्यवहारमा लागू गर्नुपर्नेमा जोड दिनु भएको थियोे ।

त्यसैगरी बरिस्ठ युनियन सञ्जालका केन्द्रीय सदस्य केशब गिरी, नाटुका केन्द्रीय सचिव रत्नलाल न्यौपाने लगायतका वक्ताहरूले कार्यक्रममा उपस्थिति सबैलाई सक्रिय भएर संगठनमा लाग्न र सिकेका तालिममा व्यवहारमा लागू गर्नुपर्ने बताउनुभएको थियोे । उक्त कार्यक्रम नेपाल ट्रेड युनियन महासंघ जिफन्टकी केन्द्रीय अो-एच-एस- कमिटी सदस्य सुमन गिरीले सञ्चालन गर्नु भएको थियो ।

बाँकेको कोहलपुर नगरपालिका वडा नम्बर १ कौशिलानगरका हेमन्त सिंह ठकुरीको दुबै मृगौला फेल भएपछी उनलाई उपचार अभाव भएको छ ।

फाल्गुन महिनादेखि ओछ्यानमै थला परेका हेमन्तको घरको आर्थिक अवस्था निकै दयनिय भएपछि उपचार गराउन नसकेर ओछ्यानमै थलिनुपरेको छ । २८ वर्षीया हेमन्त हिडडुल मात्र नभएर उठेर बस्न पनि नसक्ने अवस्थामा पुगिसकेका छन । उनको शरीरमा अहिले हाड र छाला बाहेक अरु केही छैन ।

गत मंसिर ७ गते भेरी अञ्चल अस्पताल नेपालगन्जबाट दुईवटै मृगौला फेल भएको थाहा भएपछि उनलाई उपचारको लागि काठमाडौ र भारतको लखनउसम्म लगिएको थियो । नेपालगन्जको सोल्टी होटलमा सिकेको कुकको सिपलाई उनले सदुपयोग गर्न सकिरहेका छैनन । उनलाई हेर्दा लाग्छ उनी मृत्युलाई पर्खिरहेका छन ।

उनको दयनीय अवस्था भएकाले सबैमा उनले सहयोगको अपिल गरेका छन । दुबै मृगौला पिडित हेमन्तले प्लस टु सम्मको अध्ययन गरेका छन । भाइको स्याहारसुसार अहिले उनकी दिदी सुमित्रा सिंह ठकुरीले गर्दै आएकि छिन । सुमित्रा भाडामा बस्छिन । एउटा सटरमा सानोतिनो सिलाईकटाई गर्छिन ।

त्यही पसलबाट कमाएको केही पैसाले आफू र भाइ हेमन्तलाई खर्च गर्ने गरेको बताउँछिन । भाइको त्यस्तो दयनीय अबस्था देख्दा सुमित्रा भक्कानिदै भनिन् मेरो भाईलाई बचाइदिनुस । सुमित्राका अनुसार हेमन्त कामको सिलसिलामा गत कार्तिक महिनामा पोखरा गएका थिए । गएको १७ दिन हुन नपाउँदै हेमन्तको घाँटी लगायत शरिरमा घाउ देखा पर्न थाल्यो ।

त्यसपछि हेमन्तले पोखरामा काम गर्न सकेनन । उनी कोहलपुर फर्किए । फर्किएपछि उनलाई भेरी अञ्चल अस्पताल नेपालगन्जमा डाइगोनोसिस गराइयो। डाइगोसिसपछि पत्ता लाग्यो हेमन्तको दुबै मृगौला फेल भएछन । परिवारमा निराशा छायो । हेमन्त पहिले जस्तो बोल्न सक्दैनन ।

उनको परिवारमा अहिले आमा, बुवा र उनकी श्रीमती छ्न। श्रीमती लगायत आमा बुवा सल्यानमा रहेको हेमन्त बताउँछन । हेमन्तले बिहे गरेको डेढ वर्ष भयो । उनलाई बचाउन गाउँलेले पहल समेत गरेका थिए । उनको बुवाले एउटा मृगौला दिए हेमन्त बाँच्न सक्ने बताइएको थियो । हेमन्त रुँदै भन्छन्, “बुवाले म मृगौला कुनै हालतमा दिन्न भन्नुभयो । त्यसपछी बाँच्ने आश हरायो । अहिले उपचार अनि मृगौला फेर्न आफुसंग पैँसा छैन । उपचार गर्नको लागि डाक्टरले १५ र २० लाख भन्दा सम्म लाग्छ भनेको हेमन्तको भनाई छ ।

आफू संग हजार छैन कसरी यत्रो पैसा ल्याउनु उनले भावुकहुदै भने, – ‘अब मृत्यु कुर्न बाहेक केही उपाय छैन ।’ सबैले सहयोग गर्दिए आफू पहिलेकै अवस्थामा फर्किन सक्ने उनी बताउँछन । उनले सबैलाई आर्थिक सहयोग गरिदिन समेत आगामी गरेका छन। उनकी दिदी सुमित्राले पनि आफ्नो भाइलाई बचाईदिन आग्रह गरेकी छिन। सुमित्रा रुँदै भन्छिन,“सबैले सहयोग गरिदिनु भयो भने मेरो भाइ बाँच्ने थियो ।

हेर्नुस भिडियो…

नेपालगन्जमा जारी अन्तर वडा स्तरीय क्रिकेट प्रतियोगितामा वडा नं. २३ र ३ विजयी भएका छन् ।

नेपालगन्जको मंगलप्रसाद माविमा आइतबार भएको प्रतियोगिताको पहिलो खेलमा वडा नं. २१ लाई ३३ रनले पराजित गर्दै वडा नम्बर २३ बिजयी भएको हो । खेलमा टस जितेर पहिला व्याटिङ गरेको वडा नं. २३ ले निर्धारित १५ ओभरमा ६ विकेट गुमाउँदै १ सय ४९ रन बनाएको थियो । त्यसका लागि हसिब सिद्धीकिले ३२,साहिद अन्सारिले २७ र अतिस शेखले २२ रनको पारी खेलेका थिए । २१ का बलर गौरभ जग शाही र सहिद रिजाले २ /२ बिकेट लिए ।

जवाफि व्याटिङगमा आएको वडा नं. २१ ले १५ ओभरमा ८ बिकेट गुमाएर १ सय १६ रन मात्र बनाउन सक्यो। उसका लागि बिक्रम बुढाथोकि ३३ र पुष्कर शर्माले १२ रन बनाउनु बाहेक अन्य ले राम्रो प्रदर्शन गर्न सकेनन् । २३ का अक्रम शेख,अनिश शेख, बलर नसि मुल्लाले समान २/२ बिकेट लिए ।खेलमा हसिब शेख म्यानअफ द म्याच घोषित भए ।

त्यस्तै दोस्रो खेलमा वडा न ३ बिजयी भयो । उसले वडा नम्बर १ लाई ६ बिकेटले पराजित गरेको हो । खेलमा पहिला व्याटिङ गरेको १ ले निर्धारित १५ ओभरमा ७ बिकेट गुमाउदै १ सय ३७ रन वनायो । उसका लागि राष्ट्रिय खेलाडी समेत रहेका सिद्धान्त राज शाहीले ४८ अमित पौडेलले ४१ र रोहन केसीले १५ रन बनाए ।

शाहीले २७ बलमा २ चौका र ४ छक्का प्रहार गरे । उनी रन आउट हुन पुगे । ३ का बलर मुजिब अन्सारीले २,रिजवान अन्सारी र दिल्साद अन्सारीले १ बिकेट लिए । जबाफी व्याटिङमा आएको ३ ले १४ ओभर २ बलमा लक्ष्य भेटायो । उसका लागि अब्दुला अन्सारीले ३९,सोयब हल्बाइले ३८ र मुजिब अन्सारी ३५ रन बनाए ।

१ का बलर रकिब रानाले २ तथा सुगम बिसि ले १ बिकेट लिए । प्रतियोगितामा मुजिब अन्सारी म्यान अफ द म्याच घोषित भए । प्रतियोगितामा मंगलबार पहिलो खेलमा ७ र ११ तथा दोस्रोमा १२ र १४ वडा बिच खेल हुने प्रतियोगिताका संयोजक तरुन बज्राचार्यले जानकारी दिए ।

प्रतियोगिताको विजेताले १ लाख रुपैयाँ नगद पुरस्कार प्राप्त गर्नेछ भने उपविजेताले ५० हजार नगद प्राप्त गर्ने छ । एक्सपर्ट एजुकेशन एण्ड भिसा सर्भिसले मुख्य प्रायोजन, कैलपाल कलेजको सह प्रायोजन रहेको छ । नेपालगन्ज उपमहानगरपालिकाको कार्यालय, वडा नं. ७, १०, ११ र १२ को आर्थिक सहयोगमा द गु्रप अफ सिक्टिनले सो प्रतियोगिताको आयोजना गरेको हो ।

प्रतियोगितामा खेलाडी तथा दर्शकले एक हातले बल क्याच गरेमा नगद १ हजार पुरस्कारको व्यवस्था गरिएको छ । अहिले सम्म ११ जनाले सो नगद पाएका छ्न । एक्सपर्ट एजुकेशन एण्ड भिसा सर्भिसले यसको व्यवस्था गरेको हो । त्यसै गरि खेल हेर्न आउने दर्शक मध्य प्रत्येक दिन१ जना लाई गोला प्रथाबाट फ्यान अफ द डे घोषणा गरि आकर्षक पुरस्कर दिइने छ । सो पुरस्कार पनि एक्सपर्टले नै प्रदान गरेको छ । सोमबार सो पुरस्कार नेपालगन्जका शाहले प्राप्त गरे ।