जापानको टोकियो शहरमा पहिलो पटक आउन लागेको आयोजक टिम परिचयका म्यानेजर दिपन मगरले बिहानी अनलाईनलाई जानकारी दिनुभयो।

उहाँका अनुसार ‘द एक्स’ ब्यान्ड नेपाली रक संगीत प्रेमीमाझ निकै लोकप्रिय ब्यान्ड हो।जापानमा रहेका नेपाली दर्शक यो ब्यान्डको प्रत्यक्ष प्रस्तुति हेर्न उत्साहित हुने आफूहरुले विस्वास लिएको बताउनुभयो।

टिम परिचय जापानको आयोजना र Royal Lounge Bar को प्रायोजन रहेको यस कार्यक्रमले जापानमा रहेका नेपाली संगीत प्रेमीलाई एकै स्थानमा नेपाली रक संगीतको ऊर्जा र उत्साह अनुभव गर्ने अवसर प्रदान गर्नेछ।

नेपालको चर्चित रक ब्यान्ड ‘द एक्स’ (The Axe) को विगतलाई हेर्दा ।

सन् १९९३ मा स्थापना भएको ‘द एक्स’ नेपाली रक संगीतको ईतिहासमा स्थापित भएको एक ब्यान्ड हो।नेपाली लोक भाकालाई रक संगीतसँग मिश्रण गर्दै यो ब्यान्डले तीन दशकभन्दा बढी समयदेखि श्रोताको मन जित्दै आएको छ।

‘द एक्स’ ब्याण्डको चर्चीत एल्बमहरु एउटा ‘चिठ्ठी’,को साहाराले, चिया बारिमा,‘मेरो एउटा साथी छ’ लगायतका लोकप्रिय गीतमार्फत नेपालभित्र मात्र होइन, विश्वभर रहेका नेपालीमाझ पनि विशेष स्थान बनाएको छ।

विशेष गरि यस ब्याण्डले नेपाली रक संगीतलाई मुख्यधारामा स्थापित गर्न योगदान पुर्‍याएको छ।लाइभ कन्सर्टमा ऊर्जा र दर्शकसँगको अन्तरक्रियाका कारण निकै लोकप्रिय बनेको पुरानो ब्याण्ड पनि हो।

तीन दशकभन्दा बढी समयदेखि नेपाली संगीत क्षेत्रमा सक्रिय भई युवा पुस्तादेखि पुराना संगीतप्रेमीहरू सम्मको रोजाइमा पर्ने यस ब्यान्डले नेपाली रक इतिहासका सफल र दीर्घकालीन ब्यान्डमध्येमा आफ्नो नाम पनि दर्ज गरेको छ।

आयोजकका अनुसार कार्यक्रमलाई भव्य र स्मरणीय बनाउन विशेष तयारी गरिरहेको जनाएको छ।जापानमा रहेका नेपाली समुदायबीच यस कार्यक्रमप्रति उत्साह बढ्दै गएको छ।

जुलाई १२ मा जापानको टोकियोस्थित Atom Tokyo, Shinjuku मा नेपालको चर्चित रक ब्यान्ड ‘द एक्स (The Axe)’ ले विशेष सांगीतिक प्रस्तुति दिने आयोजक परिचय टिमका म्यानेजर दिपन मगरले जानकारी दिनुभयो।

यस कार्यक्रमको लागि टिकट तपाई बस्ने नजिकैको नेपाली रेष्टुरेण्ट र नेपाली हलाल पसलमा पाईनुका साथै अनलाईन टिकटको व्यवस्था पनि गरिको आयोजकले जनाएको छ।

अनलाईन टिकटका लागि तल दिएको लिंकमा क्लिक गर्नुहोस्।

https://www.ticketkhai.com/the-axe

काठमाडौं,जेठ,२८-विश्वकप फुटबल खेल आज देखी सुरु हुदैछ।

फिफा विश्वकप फुटबलको २३औं संस्करण आज बिहिबार देखी सुरु हुँदैछ।यसपालीको विश्वकप इतिहासमै पहिलोपटक तीन देशको १६ सहरमा आयोजना हुन लागेको प्रतियोगितामा साबिक विजेता अर्जेन्टिनासहित ४८ राष्ट्रको सहभागिता छ।

करिब एक महिना चल्ने विश्वकपमा सहभागी ४८ टोलीलाई १२ समूहमा विभाजन गरिएको छ। छनोट चरणको यात्रा पार गरेर युरोपका १६, एसियाका ९, अफ्रिकाका १०, तीन आयोजक देशसहित उत्तरी अमेरिका, क्यारेबियन र मध्यअमेरिकाका ६, दक्षिण अमेरिकाका ६ र ओसियानाका एक गरी ४८ देशले विश्वकपको २३औं सस्करण खेल्दै छन्।

विश्वकपको उद्घाटन समारोह तीनवटै आयोजक राष्ट्र अमेरिका, क्यानडा र मेक्सिकोमा हुनेछ।जहाँ विश्व चर्चित सेलेब्रेटी क्याटी पेरीदेखि नोरा फतेहीसम्मले प्रस्तुति दिनेछन्।

उत्तर अमेरिकाका तीन राष्ट्रमा पहिलोपटक हुन लागेको विश्वकपमा फुटबल, संगीत र मनोरञ्जनलाई एकसाथ जोडिने जनाइएको छ। फिफा विश्वकपको इतिहासमै पहिलोपटक तीन फरक राष्ट्रमा उद्घाटन समारोह आयोजना गर्न लागिएको हो।

बिहीबार राति मोक्सिकोस्थित मेक्सिको सिटीमा विश्वकपको उद्घाटन हुनेछ। विश्वकपको पहिलो खेलमा आयोजक मेक्सिको र दक्षिण अफ्रिका आमनेसामने हुन लागेकाले पनि मेक्सिको सिटीमा उद्घाटन गर्न लागिएको हो।

विश्वकपको उद्घाटन हेर्न संसारभरका फुटबलप्रेमी मेक्सिको सिटी पुग्न थालेका छन्।मेक्सिको र दक्षिण अफ्रिकाबीचको उद्घाटन खेलअघि विभिन्न चर्चित तथा स्थानीय कलाकारले आफ्नो प्रस्तुति दिनेछन्।आयोजक राष्ट्रको प्रतिनिधित्व गर्दै अलेक्जान्द्रो फर्नान्डिजले मेक्सिकोको राष्ट्रिय गान गाउनेछन् भने टाइलाले दक्षिण अफ्रिकाको राष्ट्रगान गाउनेछिन्।

उद्घाटन समारोहमा फिफा विश्वकप २०२६ की विशेषदूत सलमा हायेक पिनाउल्टले समर्थकहरूलाई स्वागत गर्नेछिन्।उनले विश्व फुटबलको यो मञ्चमा फुटबलको एकताको सन्देश प्रवाह गर्नेछिन्।

त्यसपछि रयान कास्त्रो र जे बाल्विनले आफ्नो सांगीतिक प्रस्तुति पस्किने छन्। उनीहरूसँगै साकिरा, जो बेलिन्डा, बनाए राय, ड्यानी ओसन, लिला डाउन्स, लस एञ्जल्स, अजुरेस, मानालगायतले मेक्सिको सिटी रंगशालामा धुम मच्चाउने छन्।

मेक्सिको सिटीको उद्घाटन समारोहमा फुटबल, संगीत र सांस्कृतिक उत्सवको जोजोल्यमान हुने विश्वास गरिएको छ।

त्यसैगरी : शुक्रबार बिहान अमेरिकाको लस एन्जलसमा उद्घाटन समारोह हुनेछ।जहाँ क्याटी पेरी, फुचुरे, अनित्ता, लिसा, रेमा र टाइलाले प्रस्तुत दिनेछन्। ९० मिनेटको उद्घाटन समारोहले विश्वकपको असाधारण स्तरलाई प्रदर्शन गर्ने फिफाले जनाएको छ।

फिफा अध्यक्ष जियानी इन्फान्टिनोले यहाँ हुने उद्घाटन समारोहले अमेरिकाको सांस्कृतिक विविधता, विभिन्न आप्रवासी समुदायको जीवन्तता र त्यसले संगीत, मनोरञ्जन र संस्कृतिमा परेको प्रभावलाई उजागर गर्नुका साथै विश्वभरका मानिसलाई एकताबद्ध गर्न संगीतको शक्तिलाई प्रदर्शित गरिने बताउनुभयो।

यस्तै, क्यानडामा शुक्रबार हुने उद्घाटन समारोहमा अलानिस मोरिसेट, एलेस्सिया कारा, एलिएना, जेस्सी रेयेज, माइकल बबल, नोरा फतेही, सन्जोए, भेगेड्रिम र विलियम प्रिन्सले प्रस्तुति दिनेछन्।

फिफा विश्वकपको उद्घाटन खेलमा सहआयोजक मेक्सिको र दक्षिण अफ्रिकाबीच हुँदा अर्को खेलमा समूह ‘ए’मा रहेका चेक गणतन्त्र (चेकिया) र दक्षिण कोरिया आमने सामने हुनेछन्। समूह ‘ए’का अधिकांश खेल मेक्सिकोमा हुनेछ।

दुई खेल मेक्सिको सिटीमा हुनेछ भने ग्वाडालाजारा र मोन्टेरीमा एक एक खेल हुनेछ।मेक्सिको बाहिर यो समूहको एउटामात्र खेल हुनेछ।त्यो जुन १८ मा चेकिया र दक्षिण अफ्रिकाले अमेरिकाको एट्लान्टामा खेल्नेछन्।

मेक्सिकोका तीनमध्ये दुई खेल हालै मात्र पुनर्निर्माण गरिएको एज्टेका रंगशालामा हुनेछ।यो त्यही रंगशाला हो,जसमा सन् १९७० र १९८६ को विश्वकपका फाइनल खेल आयोजना गरिएको थियो।

चार दशकपछि पहिलोपटक विश्वकप आयोजना गर्न लागेको मेक्सिको चार वर्षअघि कतारमा समूह चरणबाटै बाहिरिएको थियो।त्यो निराशा बिर्संदै टोली सफलताको अर्को अध्याय सुरु गर्न चाहन्छ।

मेक्सिको यसअघि सन् १९७० र १९८६ मा आफैंले विश्वकप आयोजना गर्दा मात्र अन्तिम आठमा पुगेको थियो।मेक्सिकोको अहिलेको योजना कम्तीमा पुरानो इतिहास दोहोर्याउने हुनेछ।मेक्सिकोको यो लक्ष्यमा धेरै आशा १७ वर्षीय गिल्बर्टो मोरामाथि टिकेको छ।

मेक्सिकोको राष्ट्रिय टिमबाट खेल्ने इतिहासकै सबैभन्दा कम उमेरको खेलाडीका रूपमा गत वर्ष मोराले १६ वर्षमा अन्तर्राष्ट्रिय ‘डेब्यु’ गरेका थिए। मेक्सिका भेट्रान प्रशिक्षक जाभियर अग्विरेको नेतृत्वमा विश्वकपमा मैदान उत्रँदै छ।

यसैगरी : यता दक्षिण अफ्रिकाले सन् २०१० मा आफैंले विश्वकप आयोजना गरेको थियो। त्यो संस्करणपछि दक्षिण अफ्रिका विश्वकपको मैदानमा फर्किएको यसपालि पहिलो पटक हो। १६ वर्षअघि फ्रान्समाथि २–१ को स्तब्धतापूर्ण जित निकाले पनि दक्षिण अफ्रिका समूह चरणबाट माथि उठ्न सकेको छैन।

दक्षिण अफ्रिकालाई प्रशिक्षकको भूमिकामा रहेर बेल्जियमका ह्युगो ब्रुसले नेतृत्व गरिरहेका छन्।सन् २०२१ देखि लगातार दक्षिण अफ्रिकी टिमको नेतृत्वमा रहेका ब्रुसले अधिकांश स्थानीय क्लबका खेलाडीहरूबाट विश्वकपको टिम तयार गरेका छन्।

यस्तै : विश्वकप इतिहासमा सबैभन्दा सफल एसियाली राष्ट्र हो, दक्षिण कोरिया। विश्व फुटबलको सबैभन्दा ठूलो प्रतियोगितामा यसपालि दक्षिण कोरियाको १२औं सहभागिता हो।

सन् २००२ मा जापानसँग मिलेर आफैंले प्रतियोगिता आयोजना गर्दा सेमिफाइनल पुग्नु विश्वकपमा दक्षिण कोरियाको हालसम्मको सबैभन्दा उत्कृष्ट नतिजा हो।एसियाली छनोट प्रतियोगितामा अपराजित हुँदै उत्तर अमेरिकाको टिकट काट्न सफल भए पनि यसको अभ्यास खेलहरूमा टिमको प्रदर्शन सोचेजस्तो रहन सकेको छैन।

गत महिनाका अभ्यास खेलमा टोलीले आइभोरी कोस्टलाई ४-० र अस्ट्रियालाई १-० को नतिजा सुम्पिएको थियो। कोरियाका सबैभन्दा ठूला स्टार तथा कप्तान सन ह्युङ मिन हुन्।

सन् अहिले अमेरिकी मेजर लिग सकरको टोली लस एञ्जल्स एफसीबाट खेलिरहेका छन्। टिममा उपलब्ध अरू स्टार नाम भनेको पेरिस सेन्ट जर्मनका मिडफिल्डर ली काङ इन र बायर्न म्युनिखका रक्षक किम मिन जाई हुन्।

त्यसैगरी : चेक गणतन्त्रले सन् २००६ पछि पहिलो पटक विश्वकपमा स्थान बनाउनका लागि युरोपियन प्लेअफमा पेनाल्टी सुटआउटसम्म संघर्ष गर्दै डेनमार्कलाई हराउनु परेको थियो।

२० वर्षअघि उच्च वरीयताका टिममध्ये एकको रूपमा विश्वकपका लागि जर्मनी पुगेको चेक गणतन्त्र समूह चरणबाटै घर फर्किएको थियो।टिमलाई विश्वकपसम्म दोहोर्याउने अभियानमा सहयोग गर्न ३५ वर्षे पूर्वकप्तान भ्यादिमिर डारिया सन्न्यास फिर्ता लिएर मैदान फर्किएका थिए।

टोकियो,वैशाख,५-फुकुओकामा दुई दिने १३ औँ नेपाल फेस्टिवल आज देखि सुरु भएको छ।

यो फेस्टिवल फुकुओका स्थित तेन्जिन सेन्ट्रल पार्कमा आज अप्रिल १८ तारिख शनिबार र भोली अप्रिल १९ तारिख आईतबार सम्म हुने क्यूसु एनआरएनए जापानले जनाएको छ।

यस फेस्टिवल गर्नुको मुख्य उद्देश्य जापानीज समुदाय माझ नेपाली समुदायको कला, संस्कृति, परम्परा, स्वादिष्ट नेपाली परिकार तथा पर्यटन प्रवर्द्धनका लागि उत्सव मनाउन लागेको यस फेस्टिवलका सल्लाहकार देवराज उप्रेतीले बिहानी अनलाईलाई जानकारी दिनुभयो।

उहाँका अनुसार यस १३ औं नेपाल फेस्टिवलमा विभिन्न व्यवसायका स्टलहरु र दुई दर्जन बढी नेपाली स्थानीय कलाकार र जापानीज कलाकारको साँस्कृतिक कार्यक्रम रहेको जानकारी दिनुभयो।

यो उत्सवलाई सफल पार्न फुकुओका लगायत जापानभरी रहेका सम्पूर्ण नेपाली दाजुभाइ तथा दिदीबहिनीहरूलाई समय मिलाएर आफ्ना जापानी साथीहरूलाई समेत साथमा लिएर उपस्थित भई फेस्टिवललाई भव्य र सभ्य रूपमा सम्पन्न गर्न सबैलाई उपस्थितिका लागि आयोजकले अनुरोध पनि गरेको छ।

नेपाल फेस्टिवल कार्यक्रम बिहान १० बजे देखि बेलुकि ५ बजे सम्म संञ्चालन हुनेछ।

टोकियो,चैत्र,२६-नेपाल मगर संघ केन्द्रिय समिति जापानले भुम्या पर्व मनाउने भएको छ।

हरेक वर्ष जस्तै यस वर्ष पनि भुम्या पर्व संगै बाबिक्यू (BBQ) वनभोज कार्यक्रमगरि मनाउन लागेको नेपाल मगर संघ जापानका अध्यक्ष भिक्टर ठाडा मगरले जानकारी दिनुभयो।

उहाँका अनुसार भुम्या पर्वमा भूमिलाई देवताको रुपमा पूजा गर्ने गरीन्छ।भूमिको पूजाले प्राकृतिक विपत्तिबाट बचिने जनविश्वास रहेको हुनाले पुर्खौ देखी चलिआएको यस रितिरिवाजलाई प्रवासमा पनि मनाउन लागेको बताउनुभयो।

साथै भुम्या पर्वको अवसरमा बाबिक्यू कार्यक्रम पनि राखिएको हुनाले यस्ता कार्यक्रमले प्रवासमा रहेका एक अर्का नेपाली समुदायको बिचमा भाईचाराको सम्बन्ध प्रगाढ रहने र हाम्रो पुर्खो देखि चलिआएको रितिरिवाज नयाँ पुस्ताले पनि सिक्न पाउने र पुस्तान्तरण हुने भएकोले गर्दा पनि यो कार्यक्रम हरेक वर्ष जापानमा पनि गर्दै आईरहेको अध्यक्ष भिक्टर ठाडा मगरले बिहानी अनलाईनलाई जानकारी दिनुभयो।

यो भुम्या पर्व नेपाल लगायत विश्वभर छरिएर रहेका मगर समुदायले हरेक वर्ष असारको पहिलो साता मनाउने गर्दछन्। जहाँ मगर समुदायले पुर्ख्यौली पूजापाठ र मौलिक कला संस्कृति प्रस्तुत गर्ने गर्दछन्।

यसैबिच : यस वर्ष नेपाल मगर संघ जापानले भने भुम्या पर्व संगै बाबिक्यू कार्यक्रम आउने जुन महिनाको ७ तारिख आईतबारको दिन टोकियो स्थित खासाई रिन्काई पार्कमा गर्न लागेको नेपाल मगर संघ जापानका महासचिव सागर थापाले जानकारी दिनुभयो। 

उहाँका अनुसार उक्त दिन कार्यक्रममा टोकियो आसपासमा बस्दै आउनु भएका र जापानमा भएका सबै प्रवासी नेपालीलाई समय मिलाएर उपस्थित भैईदिन अनुरोध गर्नु भएको छ।

साथै कार्यक्रममा उपस्थित हुँदा सके सम्म संस्कृति झल्किने भेषभूषासहित आईदिईन अपिल गर्नु भएको छ।

कार्यक्रम हुने मिति र स्थान तल उल्लेख गरिएको छ।

कार्यक्रम : भुम्या पर्व तथा बाबिक्यू (BBQ)
मिति : जुन ७ तारिख आईतबारको दिन
समय : बिहान ११ बजे देखि अपरान्ह ४ बजे सम्म
ठेगाना : खासाई रिन्काई पार्क / 134-0086 Tokyo to Edogawa ku Rinkaicho 6-2

टोकियो,चैत,७-रोल्पा समाज जापानको अध्यक्षमा गुरु प्रसाद राना मगर दोस्रो कार्यकालको लागि निर्वाचित हुनु भएको छ।अध्यक्षमा उहाँ सर्वसहमतिमा दोस्रो पटक निर्विरोध चयन हुनु भएको हो।

रोल्पा समाज जापानले आज शनिबारका दिन सम्पन्न गरेको चौंथो अधीवेशन मार्फत आगामी २०२६~२०२८ का लागि अध्यक्ष गुरुप्रसाद राना मगरको नेतृत्वमा ३१ जनाको नयाँ कार्यसमिति गठन भएको छ। 

जसमा अध्यक्ष पदमा गुरुप्रसाद राना मगर त्यस्तै वरिष्ठ उपाध्यक्षमा चन्द्र बहादुर घर्ति मगर, उपाध्यक्षहरुमा राजेन्द्र झाक्रि मगर, क्षितिज रोका मगर, रिदम रोका मगर, सुजन बुढा मगर यस्तै महिला उपाध्यक्षमा कुसुम बुढा मगर चयन हुनु भएको छ। 

यस्तै:रोल्पा समाज जापानको नयाँ कार्यसमितिको महासचिव पदमा रुपचन्द्र के.सी. सचिवमा गौतम के.सी. निर्वाचीत हुनु भएको छ। “भने यता कोषाध्यक्षमा योगेश भारती चयन हुदाँ सह-कोषाध्यक्षहरुमा अञ्जु बुढा मगर र रामसिङ रोका मगर निर्वाचित हुनु भएको छ।

त्यसैगरी: रोल्पा समाजको प्रवक्तामा प्रगती बुढा मगर चयन हुदाँ, खेलकुद संयोजकमा हिमाल पुन मगर निर्वाचीत हुनुभयो,भने सांस्कृतिक संयोजकमा बिमल पुन मगर चयन हुनु भएको छ।त्यस्तै उता सेन्दाई क्षेत्रिय संयोजकमा भने खीम पुन मगर निर्वाचीत हुनु भएको छ।

यसैगरी:रोल्पा सपाज जापानको नयाँ कार्यसमितिको सदस्यहरुमा निशा बुढा मगर, देबेन्द्र पुन मगर, कुलराज घर्ति मगर, विनोद पुन मगर, हिमाल बुढा मगर, सन्जय घर्ति मगर , करुणा घर्ति मगर, रमिता झाक्री मगर, सरिता घर्ति मगर, दीपक डाँगी, अनिल कुमार वली, इन्द्रजीत वली, दिनेश पुन मगर, दीपेन्द्र वली, विजय वली निर्वाचीत भएका छन्।

यसैविच:रोल्पा समाज जापानले संरक्षकमा प्रेम प्रकाश रोका मगरलाई चयन गरेको छ।समाजले राखेको सात सदस्यी सल्लाहकारहरूमा तारा प्रकाश बुढा मगर,दया प्रसाद बुढा मगर, कृष्ण ब. रोका मगर, मिन के.सी.,रबी पुन मगर, लक्षिन पुन मगर, बासु घर्ति मगर रहेका छन्।

रोल्पा समाज जापानको आगामी दुई वर्षे कार्यकालका लागि नवनिर्वाचीत कार्यसमितीको विवरण ।।

अध्यक्ष-गुरुप्रसाद राना मगर
वरिष्ठ उपाध्यक्ष-चन्द्र ब. घर्ति मगर
उपाध्यक्ष-राजेन्द्र झाक्रि मगर
उपाध्यक्ष-क्षितिज रोका मगर
उपाध्यक्ष-रिदम रोका मगर
उपाध्यक्ष-सूजन बुढा मगर
महिला उपाध्यक्ष-कुसुम बुढा मगर
महासचिव-रूपचन्द्र के.सी.
सचिव-गौतम के.सी.
कोषाध्यक्ष-योगेश भारती
सह-कोषाध्यक्ष-अन्जु बुढा मगर
सह-कोषाध्यक्ष-रामसिङ रोका मगर
प्रवक्ता-प्रगती बुढा मगर
खेलकूद संयोजक-हिमाल पुन मगर
सांस्कृतिक संयोजक-बिमल पुन मगर
सेन्दाई क्षेत्रिय संयोजक-खीम पुन मगर

सदस्यहरु-
निशा बुढा मगर
देबेन्द्र पुन मगर
कुलराज घर्ति मगर
विनोद पुन मगर
हिमाल बुढा मगर
सन्जय घर्ति मगर
करुणा घर्ति मगर
रमिता झाक्री मगर
सरिता घर्ति मग़र
दीपक डाँगी
अनिल कुमार वली
इन्द्रजीत वली
दिनेश पुन मगर
दीपेन्द्र वली
विजय वली

संरक्षक:प्रेम प्रकाश रोका मगर
सल्लाहकारहरू:
तारा प्रकाश बुढा मगर
दया प्रसाद बुढा मगर
कृष्ण ब. रोका मगर
मिन के.सी.
रबी पुन मगर
लक्षिन पुन मगर
बासु घर्ति मगर

भेटमा उनीहरूले इरानको तनावपूर्ण अवस्था सहित धेरै विषयमा छलफल गरेका हुन्।ताकाइची भन्छिन् कि जापानी कानूनको दायरा भित्र जापानले गर्न सक्ने र गर्न नसक्ने कारबाहीहरू छन् भनेर व्याख्या गरेकि थिईन्।

ट्रम्पले बिहीबार बिहान ताकाइचीलाई ह्वाइट हाउसमा स्वागत गरेका थिए।त्यसको केही समयपछि, उनीहरू ओभल अफिस गए, जहाँ उनीहरूले पत्रकारहरूको अगाडि आफ्ना कुराहरु राखेका थिए।

उनीहरुले राखेको कुराको अंश जस्ताको त्यस्तै ।।

ताकाइची साने / जापानी प्रधानमन्त्री
अहिले, मध्य पूर्व र सम्पूर्ण विश्वको परिस्थितिमा, हामी वास्तवमा धेरै गम्भीर सुरक्षा वातावरणको अनुभव गरिरहेका छौं, र यस विकासको कारणले गर्दा विश्वव्यापी अर्थतन्त्रले पनि ठूलो धक्का भोग्न लागेको छ।तर यस्तो पृष्ठभूमिमा पनि, म दृढ विश्वास गर्छु कि तपाईं मात्र हुनुहुन्छ, डोनाल्ड, जसले विश्वभर शान्ति प्राप्त गर्न सक्नुहुन्छ।आज, म हाम्रा दुई राष्ट्रहरू, जापान र संयुक्त राज्य अमेरिका दुवैलाई बलियो र समृद्ध बनाउन कसरी सहकार्य गर्न सक्छौं भन्ने बारेमा छलफल गर्न तत्पर छु, र मैले विश्वव्यापी ऊर्जा बजारलाई शान्त पार्न विशेष प्रस्तावहरू पनि ल्याएको छु।

डोनाल्ड ट्रम्प / अमेरिकी राष्ट्रपति
म जापानले कदम चाल्ने अपेक्षा गर्छु, किनकि हाम्रो त्यस्तो सम्बन्ध छ, र हामी जापानसँग कदम चाल्छौं। मलाई लाग्छ कि मानिसहरूले कदम चाल्नु उपयुक्त छ। जापानको सन्दर्भमा, मैले सुनेको छु कि उनीहरूले आफ्नो ९० प्रतिशतभन्दा बढी तेल स्ट्रेटबाट प्राप्त गरे। त्यसैले कदम चाल्नुको यो ठूलो कारण हो। तर, हामी आज राम्रो वार्ता गर्नेछौं, र म प्रायः व्यापारको बारेमा सोच्छु। किनभने तिनीहरू धेरै व्यापार गर्न चाहन्छन्। तिनीहरू विशेष गरी अलास्काबाट हाम्रो ऊर्जा, हाम्रो तेल, ग्यासको एक ठूलो खरिदकर्ता हुन्।

यो गत अक्टोबरमा टोकियोमा भएको पछि दोस्रो प्रत्यक्ष भेटघाट थियो।धेरैले मध्य पूर्वको अवस्थाप्रति ताकाइचीले कसरी प्रतिक्रिया दिन्छन् भन्ने कुरामा ध्यान दिइरहेका छन्।

‘मैले जापानले गर्न सक्ने र गर्न नसक्ने केही कदमहरू छन् भनेर व्याख्या गरें’ बैठक पछि, ताकाचीले भने कि उनीहरूले जापान-अमेरिकी गठबन्धनको गुणस्तरलाई अझ धैरे सहयोगका क्षेत्रहरू सुधार गर्ने कुरामा सकरात्मक भएको पुष्टि गर्नुभयो।ट्रम्पले पहिले जापान र अन्यलाई होर्मुजको जलडमरू सुरक्षित गर्न जहाजहरू पठाउन आग्रह गरेका थिए, यद्यपि उनले पछि भने कि उनलाई उनीहरूको मद्दतको आवश्यकता छैन,भनेर बताईएको थियो।

शिखर सम्मेलन पछिको ब्रीफिंगमा पत्रकारहरूले ताकाचीलाई इरानको बारेमा प्रश्न सोथेका थिए।

उक्त प्रश्नको जवाफ दिदै जापानी प्रधानमन्त्री ताकाइची साने  भने “मैले जापानको विचार स्पष्ट रूपमा व्यक्त गरें, जसमा परिस्थितिलाई चाँडै कम गर्ने आवश्यकता समावेश छ। हामीले पुष्टि गर्यौं कि जापान र संयुक्त राज्य अमेरिकाले मध्य पूर्वमा शान्ति र स्थिरता प्राप्त गर्न नजिकको सम्पर्क कायम राख्नेछन्, जसमा होर्मुज जलडमरूमा नेभिगेसनको सुरक्षा र स्थिर ऊर्जा आपूर्ति सुनिश्चित गर्ने समावेश छ। मैले जापानी कानूनको ढाँचा भित्र जापानले गर्न सक्ने र गर्न नसक्ने कार्यहरू गर्ने बताएका थिए।

उनी भन्छिन् कि दुई देशहरूले अमेरिकी कच्चा तेल उत्पादन बढाउन सहयोग गर्ने योजना बनाइरहेका छौ।उनका अनुसार त यो शिखर सम्मेलनमा महत्वपूर्ण खनिज र ऊर्जा सहित आर्थिक मुद्दाहरूमा छलफल केन्द्रित रहेका बताईन्।

ताकाइची एक फरक प्रसंगमा भनिन्, चीन र उत्तर कोरिया सम्बन्धी मुद्दाहरूमा पनि छलफल गरे र जापान र अमेरिकाले सँगै मिलेर काम जारी राख्ने बताईकि छन्।

टोकियो,चैत,१-पछिल्लो समय सामाजिक सञ्जालमा डिग्री अध्ययन नगरेका व्यक्तिहरूले पनि Graduation Cap लगाएर फोटो खिच्ने वा आकाशतर्फ टोपी उडाउने दृश्य बढ्दै गएका छन्।

कतिपयले यसलाई प्रेरणादायी अभिव्यक्ति मान्दा केहीले भने शिक्षाको प्रतीकलाई कमजोर बनाउने प्रवृत्ति भएको टिप्पणी गरेको पाउछौ।

तर यो अहिले सामाजिक सञ्जाल फेसबुक, टिकटक र इन्स्टाग्राम जस्ता प्लेटफर्महरूमा युवाहरूले ग्राजुएसन टोपी लगाएर फोटो वा भिडियो बनाउने ट्रेन्डको लोकप्रिय बढ्दो देखिन्छ।यो एक किसिमको सामाजीक सञ्जालको युगमा विभिन्न प्रतिक र शैली प्रयोग गरेर आफ्ना अनुभव व्यक्त गर्न चाहन्छन्।यस्ता व्यक्तीहरुको लागि ग्राजुएसन टोपी यस्तै क्रिएटिभ कन्टेन्ट बन्न पुगेको छ। 

यसै शिलशिलामा हामीले ति दृश्यहरु अध्ययन गर्दा धेरैजसो अवस्थामा ती व्यक्तिहरूले औपचारिक रूपमा विश्वविद्यालयको डिग्री प्राप्त गरेका हुँदैनन्।तर उनीहरूले जीवनका अन्य उपलब्धिलाई उत्सवको रूपमा मनाउन यस्तो शैली अपनाउने गरेको पाईएको छ।

कसैले नयाँ व्यवसाय सुरु गर्दा,कसैले विदेश पुगेको खुशीमा त,कसैले जीवनको संघर्ष पार गरेको क्षणलाई चिनाउन पनि यस्तो प्रतीक प्रयोग गर्ने गरेका छन्।

आज हामीले यो ग्राजुएसन टोपि लगाएर उत्पन्न भएका विभिन्न प्रश्नहरु जस्तै :
१. डिग्री बिना ग्राजुएसन टोपी ?
२.ग्राजुएसन टोपीको नयाँ ट्रेन्ड ?
३.सफलता कि देखावटी ट्रेन्ड ?
४.टोपी उडाउने नयाँ फेसन ?
५.डिग्री बिना उत्सव किन ?
६.शिक्षाको प्रतीक विवादमा ?
७.ग्राजुएसन टोपी बहसमा ?
८.सफलताको प्रतीक कि ट्रेन्ड ? लगायत प्रश्न सहितको जवाफ खोज्ने काम र यसको ईतिहासको बारेमा चर्चा गर्ने प्रयत्न गरेका छौं।

सुरुमा लागौं यो Graduation Cap जसलाई Mortarboard Cap पनि भनिन्छ।यो टोपि विश्वविद्यालय वा विद्यालयको दीक्षान्त समारोहमा विद्यार्थीहरूले अन्तिममा यो टोपी आकाशमा उडाउने परम्परा विश्वभर अहिले निकै लोकप्रिय छ।यसको इतिहास अझै रोचक छ।

ग्राजुएसन टोपी उडाउनको इतिहास

-यो विश्वभर फैलिएको एक शताब्दी पुरानो परम्परा हो।विश्वका धेरै विश्वविद्यालय र विद्यालयहरूमा दीक्षान्त समारोह (Graduation Ceremony) को अन्तिम क्षणमा विद्यार्थीहरूले एकसाथ आफ्नो टोपी आकाशतिर उडाउँछन्।खुशी,सफलता र नयाँ जीवनको सुरुवातको प्रतीक मानिने यो दृश्य आज संसारभर सामान्य भए पनि यसको इतिहास करिब एक सय वर्षभन्दा पुरानो मानिन्छ।

मध्ययुगीन युरोपबाट सुरु भएको पोशाक ग्राजुएसनमा लगाइने कालो गाउन र चौकोर टोपीको परम्परा भने निकै पुरानो छ।

इतिहासकारका अनुसार यसको जरा १२ औँ शताब्दीबाट युरोपेली विश्व विद्यालयहरूबाट सुरु भएको पाईन्छ। त्यतिबेला शिक्षक र विद्यार्थीहरू धार्मिक विद्वान (clerics) जस्तै लामो गाउन लगाउँथे,जसले उनीहरूको विद्वत्ता र शैक्षिक पहिचान जनाउँथ्यो।

चौकोर आकारको टोपीलाई “Mortarboard” भनिन्छ, किनभने यसको आकार इँटा जोड्दा प्रयोग हुने “mortar board” जस्तै देखिन्छ।बदलिदो समयसँगै यो टोपी विश्वविद्यालयहरूको आधिकारिक रुपमा शैक्षिक पोशाक बन्न पुगेको थियो।

टोपी उडाउने परम्परा कहाँबाट सुरु भयो ?

आज सबैले गर्ने टोपी उडाउने परम्परा भने १९१२ सालबाट मात्र सुरु भएको मानिन्छ।त्यो वर्ष अमेरिकाको United States Naval Academy (नौसेना अकादमी) मा दीक्षान्त समारोह भइरहँदा एउटा अनौठो घटना भएको थियो।

पहिले त्यहाँ पढेका विद्यार्थीहरूले स्नातक भएपछि पनि दुई वर्ष “Midshipman” पदमा सेवा गर्नुपर्थ्यो।त्यसैले उनीहरूले आफ्नो पुरानो नौसेना टोपी राखिराख्नु पर्थ्यो।

तर १९१२ मा नियम परिवर्तन भयो र विद्यार्थीहरू स्नातक भएपछि सिधैं “Officer”बन्ने निर्णय भएको थियो।अधिकारी बनेपछि उनीहरूले नयाँ टोपी पाउने भएकाले पुरानो टोपी आवश्यक परेन,त्यसपछि दीक्षान्त समारोह सकिएपछि विद्यार्थीहरूले खुशी मनाउँदै पुरानो टोपी आकाशमा फ्याँकिदिएका थिए।यही क्षणबाट ग्राजुएसन टोपी उडाउने परम्परा सुरु भएको मानिन्छ।

विश्वभर कसरी फैलियो ?

अमेरिकामा सुरु भएको यो परम्परा छिट्टै अन्य विश्वविद्यालयहरूमा फैलियो।केही दशकभित्रै यो दृश्य अमेरिका,बेलायत,युरोप र एशियाका विश्वविद्यालयहरूमा पनि लोकप्रिय बन्न पुगेको थियो।

आज दीक्षान्त समारोहको अन्त्यमा हजारौं विद्यार्थीहरूले एकैसाथ टोपी उडाउने दृश्यलाई सफलताको उत्सव र नयाँ जीवनको सुरुवातको प्रतीक मानिन्छ।तर केहि विश्श्वविद्यालयले भने रोक्न खोजेको हामीले पाएका छौं।

केही विश्वविद्यालयले किन रोक्न थाले ?

हालका वर्षहरूमा केही विश्व विद्यालयहरूले यो परम्परा रोक्ने वा सीमित गर्ने प्रयास पनि गरेका छन्।कारण के हो भने टोपीको कडा कुनाले कसैलाई चोट लाग्ने सम्भावना भएको हुनाले केही ठाउँमा टोपी नउडाउन आग्रह गरिन्छ।वा फोटो खिच्दा मात्र प्रतीकात्मक रूपमा उडाउन लगाईने पनि भनिएको छ।

तर यो ग्राजुएसन टोपीको महत्वको बारेमा हामीले बुझ्न भने अत्यन्तै जरुरी छ।म यसको बारेमा केहि बुदाँगत रुपमा लेख्ने छु।

सबैभन्दा पहिले,यो टोपी शिक्षा प्राप्तिको प्रतीक हो।विद्यार्थीले वर्षौँको मेहनतपछि डिग्री प्राप्त गरेको खुशी यही टोपीले झल्काउँछ।यो टोपी पहिरनकै भएपनि विद्यार्थीहरु मेहेनत गरेर पढ्ने गर्दछन्।जसले गर्दा उनिहरुको शिक्षामा समेत राम्रो हुने गर्दछ।

दोस्रो, कुरा के छ भने यो परम्परा र संस्कृतिसँग जोडिएको चिन्ह पनि हो।युरोपका पुराना विश्वविद्यालयहरूबाट सुरु भएको यो परम्परा अहिले विश्वभर फैलिएको छ।

त्यसैगरी तेस्रो, कुरा के छ भने जब ग्राजुएसन टोपीले विद्यार्थीको आत्मविश्वास र भविष्यको आशा झल्काउँछ।जसले गर्दा विद्यार्थी मेहेनत गर्न बाध्य हुन्छन्।धेरै ठाउँमा दीक्षान्त समारोहमा टोपी आकाशतर्फ फाल्ने परम्परा पनि छ, जसले नयाँ जीवनको सुरुवातलाई संकेत पनि गर्छ,यस्ता विभिद् महत्वहरु यस टोपिको रहेको छ।

हामीले ग्राजुएसन टोपीको महत्वको कुरा लेखिसकेपछि यसका तथानाम आलोचना र नराम्रो पक्षको बारेमा पनि लेख्नै पर्छ।

यद्यपि यसको आलोचना किन गरिन्छ,भन्ने कुरा बुदाँगत रुपमा लेख्दा सबैलाई बुझ्न र पढ्न अझै सहज हुने भएको हुदाँ मुख्य बुदाँहरु यस्ता रहेका छन्।

पहिलो:कतिपयले यो टोपीलाई पश्चिमी संस्कृतिको नक्कल भनेर आलोचना गर्छन्।उनीहरूका अनुसार स्थानीय सांस्कृतिक पहिचानभन्दा विदेशी शैलीलाई प्राथमिकता दिइएको देखिन्छ।

दोस्रो : केही विद्यार्थीका लागि अनावश्यक खर्च पनि हुन सक्छ।दीक्षान्त समारोहका लागि मात्रै प्रयोग हुने पोशाक र टोपी किन्न वा भाडामा लिन खर्चिलो हुन सक्छ।

तेस्रो : कतिपयले शिक्षा प्रणालीको आलोचना गर्दै भन्छन् कि टोपी र समारोहभन्दा वास्तविक सीप र रोजगारी अवसर महत्वपूर्ण हुन्छ, भनेर पनि आलोचना गर्ने गरेको प्रशस्तै सुन्न पाईन्छ।

यसैविच यो ग्राजुएसन टोपी लगाउदा धेरै मान्छेहरुले शिक्षाको प्रतीक कमजोर हुने चिन्ता व्यक्त गरेका छन्।किनकि डिग्री बिना प्रयोग गर्दा केही शिक्षाविद्हरूले यसलाई शिक्षाको महत्व कम गर्ने प्रवृत्ति भनेर आलोचना गरेका छन्।

कतिपयले यसलाई गलत सन्देश जाने सम्भावना भएको भनेर पनि ठम्याएका छन्।उनीहरुले के पनि भनेका छन् भने यस्तो ट्रेन्डले युवाहरूलाई औपचारिक शिक्षा आवश्यक छैन भन्ने गलत सन्देश दिन सक्ने तर्क गरेका छन्।

अर्को परम्पराको अवमूल्यन भयो भन्नेहरु पनि थुप्रै भेटिन्छन्।जस्तो कि दीक्षान्त समारोहमा वर्षौँको अध्ययनपछि मात्र टोपी लगाउने परम्परा छ।यसलाई सामान्य फोटो वा मनोरञ्जनका लागि प्रयोग गर्दा परम्पराको गम्भीरता घट्ने भन्ने धारणा राख्ने गरेका छन्।

तर पनि यी सबै विवादका बाबजुद, ग्राजुएसन टोपी आज पनि विश्वभर शिक्षा, उपलब्धि र नयाँ यात्राको प्रतीक बनेको छ।यसले विद्यार्थीलाई आफ्नो परिश्रमको परिणाम सम्झाउने मात्र होइन, भविष्यतर्फ अघि बढ्न प्रेरणा पनि दिन्छ।जुन यसको राम्रो पक्षको रुपमा यसलाई हेरिएको छ।

टोकियो,माघ,२६-जापानको सत्तारुढ लिबरल डेमोक्रेटिक पार्टीले आइतबारको चुनावमा प्रतिनिधि सभामा दुई तिहाइ बहुमत हासिल गरेको छ।

यो जित संगै प्रधानमन्त्री साने ताकाचीलाई आफ्नो रूढिवादी नीतिगत एजेन्डा अगाडि बढाउन ठूलो प्रोत्साहन दिनेछ।

४६५ सदस्यीय तल्लो सदनमा ३१० सिटको दुई तिहाइ बहुमत रेखा पार गर्नुको अर्थ युद्धपछिको जापानमा यो उपलब्धि हासिल गर्ने पहिलो दल एलडीपीले संविधान संशोधन गर्ने र विधेयकहरू पारित गर्ने दिशामा अगाडि बढ्न सहज हुनेछ।

यदि उनीहरूलाई हाउस अफ काउन्सिलरहरूले अस्वीकृत गरे पनि, सत्तारुढ गठबन्धन अल्पसंख्यकमा रहने छ।

चुनाव अघि १९८ सिटबाट आएको तीव्र वृद्धि, ताकाचीको व्यक्तिगत लोकप्रियताले गर्दा बहुमतका साथ जित्न सम्भव भएको हो। गत अक्टोबरमा पदभार ग्रहण गरेपछि उहाँलाई प्रधानमन्त्रीको रूपमा रहनको लागि आधार तयार पारेको थियो।एलडीपी र यसको गठबन्धन साझेदार, जापान इनोभेसन पार्टीको सँगै चेम्बरमा ठूलो उपस्थिति हुनेछ।

यसैबीच, चुनावले भर्खरै सुरु भएको प्रमुख विपक्षी केन्द्रवादी सुधार गठबन्धनलाई कमजोर पार्ने धक्का दिएको छ।

जसले गर्दा यसका सह-नेताहरू योशिहिको नोडा र तेत्सुओ साइतोले चुनाव अघि १६७ बाट आधा सिट घटेको नतिजाप्रति राजीनामा दिने संकेत गर्नु भएको छ।

बिजय भएपछि साने ताकाचीको भनाई

लामो समयसम्म मुद्रास्फीति र बढ्दो गम्भीर अन्तर्राष्ट्रिय वातावरणको बीचमा, ताकाइचीले “जिम्मेवार तर आक्रामक” वित्तीय नीति अपनाउने र राष्ट्रको रक्षा क्षमता बढाउने वाचा गर्नु भएको छ।

“हामीले गरेका अभियानका प्रतिज्ञाहरूलाई निरन्तर रूपमा पूरा गर्नमा ध्यान केन्द्रित गर्ने अत्यन्तै भारी जिम्मेवारी वहन गर्छौं,” ताकाइचीले एलडीपीको विजयको रिपोर्ट पछि एक टिभी कार्यक्रममा बकाउनुभयो।

उहाँले एक छुट्टै कार्यक्रममा यो पनि संकेत गर्नु भयो कि उहाँ चार महिना भन्दा कम समय अघि उद्घाटन भएदेखि अपेक्षाकृत बलियो जनसमर्थन प्राप्त गरेको मन्त्रिपरिषद्को लाइनअपमा ठूलो परिवर्तन नगरी यथास्थिति कायम राख्ने आशय पनि व्यक्त गर्नु भएको छ।

उहाँले भन्नुभयो आशा गर्छु कि LDP प्रति सावधानीपूर्वक अडान लिँदै गठबन्धन गठन गर्दा मन्त्री पद नलिने निर्णय गर्ने JIP ले “मन्त्रिपरिषद्मा सँगै आफ्नो जिम्मेवारी” पूरा गर्ने बताउनुभयो।

यसैविच : निप्पोन इशिन भनेर चिनिने JIP ले आफ्नो वरिष्ठ सहयोगीको तुलनामा गतिको कमी देखाएको थियो, यद्यपि यसले तल्लो सदनमा ३४ सिटको आफ्नो पूर्वनिर्वाचन शक्तिमा एक सिट थप्न सफल भयो।LDP र JIP ले चुनावमा आफ्ना उम्मेदवारहरूबिच कुनै पनि गठबन्धन गरेनन्।

“यो एउटा चुनाव थियो जसमा हामीले LDP बाट दबाब महसुस गर्यौं,” JIP नेता हिरोफुमी योशिमुराले पश्चिमी जापानको ओसाकास्थित आफ्नो पार्टीको गृह प्रान्तमा पत्रकार सम्मेलनमा “भन्नुभयो” यसले चुनावमा गठबन्धनमा खेल्ने महत्त्वपूर्ण भूमिका रहेको मतदाताहरूलाई विश्वस्त पार्ने प्रयास गर्नु भएको थियो।

यस्तै: “जापानी पहिलो” नाराका लागि परिचित लोकप्रिय समूह सान्सेइतो पार्टीले चुनाव अघि दुई सिट जितेको थियो भने राजनीतिक सहभागिता बढाउन डिजिटल प्रविधि अपनाउने वकालत गर्ने टिम मिराईले तल्लो सदनमा नौ सिट जितेर पहिलो सिट सुरक्षित गरेको छ।

जापानमा आईतबार ४६५ सिटका लागि भएको निर्वाचनमा लगभग १,३०० उम्मेदवारहरूले प्रतिस्पर्धा गरेका थिए, जसमध्ये २८९ जना प्रत्यक्षबाट निर्वाचित भएका थिए।भने १७६ समानुपातिक प्रतिनिधित्व मार्फत निर्वाचीत भएका हुन्।जापानभरका ११ क्षेत्रीय ब्लकहरूमा प्राप्त मतको आधारमा दलहरूलाई सिट बाँडफाँड गरिएको थियो।

आइतबार भएको निर्वाचनमा यस अघिका दिनहरूमा २७.०२ मिलियनले आफ्नो मत खसालेको रेकर्डको कारण प्रारम्भिक मतदानमा वृद्धि भएको छ, जुन २०२४ को अघिल्लो चुनावको तुलनामा लगभग ६० लाख बढी हो।

सोमबार बिहान ३ बजेसम्म क्योडो न्यूजको अनुमान अनुसार, मतदाता मतदान ५६.२३ प्रतिशत रहेको छ, जुन अघिल्लो दौडको तुलनामा लगभग २ प्रतिशतले बढी हुन सक्छ।

जापानले ३६ वर्षमा पहिलो पटक फेब्रुअरीमा आम चुनाव गराएको थियो। देशका धेरै भागहरूमा भारी हिमपातका कारण प्रचारप्रसार कठिन भएको कारण ताकाइचीको यो कदमले आलोचना खेप्नु परेको छ।टोकियो र यसका नजिकैका क्षेत्रहरूमा आइतबार पनि हिमपात भएको थियो।

दलहरुले चुनावी अभियानका क्रममा सामान्य घरपरिवारहरूले बढ्दो जीवनयापनको लागतसँग जुध्न संघर्ष गरिरहेकाले, प्रमुख राजनीतिक दलहरूले करको बोझ घटाउने वाचा गरेका थिए।

सुरक्षा पक्षधर ताकाइचीको नेतृत्वमा, सत्तारुढ दलहरूले बढ्दो गम्भीर सुरक्षा वातावरणको सामना गर्दै देशको प्रतिरक्षालाई बलियो बनाउने आफ्नो उद्देश्यको लागि समर्थन पनि खोजेका थिए।

जापानको संवैधानिक लोकतान्त्रिक पार्टी र कोमेइटो पार्टीका तल्लो सदनका सदस्यहरूलाई एकताबद्ध गर्ने केन्द्रवादी सुधार गठबन्धनको अन्तिम मिनेटको सुरुवातले उनीहरूको विलय चुनावी लाभको लागि भएको आलोचना सामना गरेपछि उल्टो परिणाम दिएको हो।

जापानको सबैभन्दा ठूलो सामान्य बौद्ध संगठन सोका गक्काईद्वारा समर्थित कोमेइटो २६ वर्षदेखि एलडीपीको सहयोगी र अक्टोबरमा विभाजित हुनु अघि उनीहरूको गठबन्धनको लागि अभियान समर्थनको प्रमुख स्रोत थियो।

अक्टोबर २०२४ मा भएको अघिल्लो चुनावले एउटा महत्वपूर्ण क्षण साबित गर्‍यो किनकि ताकाचीको पूर्ववर्ती नेतृत्वको एलडीपीले आफ्नो तत्कालीन गठबन्धन साझेदार कोमेइतो पार्टीसँग चेम्बरको बहुमत नियन्त्रण गुमान पुगेको थियो।

ताकाचीको तत्काल चुनाव बोलाउने निर्णयको राजनीतिक विचारलाई प्राथमिकता दिएकोमा आलोचना गरिएको छ।किनकि यसले आर्थिक वर्ष २०२६ को लागि प्रारम्भिक बजेटको संसदीय कार्यान्वयनमा ढिलाइ गर्ने निश्चित छ।

जुन मूल रूपमा मार्चको अन्त्यसम्ममा आर्थिक वर्षको सुरुवात अघि अपेक्षित थियो।उहाँले आफ्नो निर्णयलाई जायज ठहराउँदै तर्क गर्दै भन्नुभयो “आफ्नो प्रधानमन्त्रीत्वमा योजना गरिएका “प्रमुख नीतिगत परिवर्तनहरू”, जस्तै उहाँको वित्तीय अडान, र अक्टोबरमा गठन भएको नयाँ सत्तारूढ गठबन्धनको लागि सार्वजनिक समर्थन प्राप्त गर्न बाँकी छ।

लगभग सबै सत्तारूढ र विपक्षी दलहरूले लामो समयसम्म मुद्रास्फीतिको सामना गर्ने प्रयासमा खाद्य उत्पादनहरूमा उपभोग कर निलम्बन वा खारेज गर्न जोड दिएका छन्।

ताकाचीले आफ्नो टिभी उपस्थितिको क्रममा भन्नुभयो कि उहाँको सरकारले उहाँको पार्टीले अभियानका क्रममा गरेका प्रतिज्ञाहरू मध्ये एक, खाद्यमा ८ प्रतिशत उपभोग करको दुई वर्षको निलम्बनको योजनामा ​​छलफललाई गति दिने बताएको थियो।जुन उहाँको पार्टीको अभियान प्रतिज्ञाहरू मध्ये एक हो।

नेपाल मगर संघ जापानको क्षेत्रीय समिति कान्साईले आयोजना गरेको माघे संक्रान्ती विशेष साँस्कृतिक साँझ कार्यक्रम सम्पन्न भएको हो।

ओसाकामा माघे सक्रान्ती कार्यक्रम सफलता पुर्वक सकिएको र कार्यक्रममा आठ सयको हाराहारीमा दर्शकको उपस्थित रहेको नेपाल मगर संघ क्षेत्रीय समिती कान्साईका अध्यक्ष पुर्ण गर्बुजा मगरले जानकारी दिनुभयो।

कार्यक्रममा विभिन्न संघ संस्थाका अध्यक्ष लगायत प्रतिनिधीको उपस्थिती रहेको र उहाँलेहरुले छोटो मन्त्व्य राख्दै माघि पर्वको शुभकामना दिएका थिए।

कार्यक्रममा नेपालबाट आमन्त्रित चर्चीत राष्ट्रीय कलाकार देविराम राना मगर, चेतन घर्ती, रचना राना मगर, पार्वती मगरले आफ्नो गायन प्रस्तुती मार्फत दर्शकलाई छमछमी नचाएका थिए।नेपाल मगर संघ कान्साईको समुहले विजोड नृत्य प्रस्तुत देखाएका थिए।

टोकियो,पुस,२७-जापानको राजधानी टोकियोमा आउने जनवरी १८ तारिख हुने माघे संक्रान्ती विशेष साँस्कृतिक साँझ कार्यक्रमको तयारी पुरा भएको नेपाल मगर संघ केन्द्रिय समितिले आज पत्रकार सम्मेलन गरि जानकारी दिएको छ।

पत्रकार सम्मेलनमा बोल्दै “नेपाल मगर संघ केन्द्रिय समिति जापानका अध्यक्ष भिक्टर ठाडा मगरले भन्नभयो” यस वर्ष नेपालको प्रथम शहिद लखन थापाको सम्झनामा लखन साँस्कृतिक संग्राहलय निमार्णमा सहयोगार्थ भन्ने मुख्य उद्देश्यका साथमा मगर समुदायले महान पर्व माघे संक्रान्ती जापानभरी नै मनाउन लागेको बताउनु भयो। 

उहाँले “भन्नुभयो आज हामी माझ नेपाल देखि गायक देविराम राना मगर ज्यू आउनु भएको छ।यो हाम्रो निमन्त्रणालाई स्विकार गरि आईदिनु भएकोमा धन्यवाद दिदै स्वागत गर्नु भयो।

उहाँले अगाडी भन्नुभयो हामीले यो हप्तैभरी जापानभरी नै माघे संक्रान्ती विशेष कार्यक्रम गरि मनाईरहेका छौ।जसलाई जहाँ पायक पर्छ उपस्थित भैईदिनुहोला।तसर्थ आगामी १८ तारिखको दिन टोकियोमा हुने कार्यक्रममा सबैलाई उपस्थितीको लागि अनुरोध समेत गर्नुभयो।

यसैविच : पत्रकार सम्मेलन कार्यक्रममा बोल्दै निवर्तमान अध्यक्ष रामहरी खपाङ्गी मगरले “भन्नुभयो” नेपाल मगर संघ जापानमा स्थापना भएको अब ३१ औं वर्षमा पुग्नै लाग्दा आफूलाई मगर संघको २ वर्षे कार्यकालमा रहि नेतृत्व गर्ने मौका मिलेको र आफ्नो कार्यकालमा सबैले साथ दिएको प्रति धन्यवाद व्यक्त गर्नुभयो। 

आगामी दिनमा यस्ता कार्यक्रम सफल पार्न सबैले एक साथ भएर लाग्नु पर्ने बताउनुभयो।माघे संक्रान्ती पर्व जुन मगर समुदायले आफ्नो प्रमुख चाड पर्वको रुपमा अपनत्व लिदै मनाई रहेको छ।यसमा साँस्कृतिक जोडेर सदा झैं यस वर्ष पनि सबैको प्रेम आशिर्वाद र समर्थन र सहयोग रहने छ भन्नेमा अपेक्षा राखेको बताउनुभयो।

उहाँले “भन्नुभयो” हामीले साँस्कृतिक भन्ने वित्तिकै नेपालबाट मगर समुदायलाई उल्लेखिय योगदान दिईरहेका मगर कलाकार यहाँ आएर हाम्रो संस्कृति झल्किने खालको प्रस्तुति दिदाँ सुनमा सुगन्ध हुने भन्दै यस पटक कैयौं प्रयासका बाबजुँद कलाकार देविराम राना मगरलाई पाएको प्रति खुशी व्यक्त गर्दै जापानमा स्वागत गर्नुभयो।

जापानभरी नै माघे संक्रान्ती कार्यक्रम हुने भएको हुदाँ सबै जनालाई जुन  जुन ठाँउमा जान पायक पर्छ उपस्थितिको लागि आग्रह गर्नुभयो।

यसैविच कार्यक्रममा संरक्षक थानु राना मगर, नेपाल पत्रकार महासंघ जापानका संस्थापक अध्यक्ष तिलक मल्ल, लक्ष्मण घर्ती, मोन जापानका अध्यक्ष लगायतले बोल्दै कार्यक्रमको सफलताका लागि शुभकामना दिदै नेपालबाट आमन्त्रीत कलाकार देविराम राना मगर लाई स्वागत गर्नु भएको थियो।

यस्तै : टोकियो पुग्नु भएका गायक देविराम राना मगरले आफूलाई यति सम्मान गरि स्वागत गरि कार्यक्रम गरेको प्रति धन्यवाद दिदै “भन्नुभयो” परिवारको माया बुझ्नको लागि परिवार छोड, तर परिवार नबिर्स, देशको माया बुझ्नको लागि देश छोड,तर देश नविर्स”भन्ने भनाई सम्झिदै भन्नुभयो तपाईहरु देश छोड्नु भएको छ। देश भल्नु भएको छैन्।देशको संस्कार संस्कृतिलाई भल्नु भएको छैन्, र यसलाई जगेर्ना गर्नको लागि विदेशको भुमिमा बसेर जसरी अहोरात्र खटिनु भएको छ, यो एकदमै सर्हानिय रहेको बताउनुभयो।

जसले जिम्मेवार बोकेको छ उसैलाई चिन्ता र चासो हुने भन्दै यो मगर समाजलाई यसरी बिशाल बनाउनु भएको छ।यस मानेमा आफूलाई निकै गर्व लागेको बताउनुभयो।

अन्य कलाकार विभिद कारणले जापान आउन पाउनु भएन म उहाँहरुको जिम्मेवारी आफूले बोकेर आएको भन्दै त्यसको अभिभारा आफूले पुरा गर्ने बताउदै नाच्न नपाईने पो हो कि भनेर चिन्ता नलिई कार्यक्रममा आउनको लागि सबैलाई चुले निम्तो दिनुभयो।

यसैविच : नेपाल मगर संघ केन्द्रिय समिति जापानले यहि जनवरी १८ तारिख आईतबारका दिन बेलुकि ५ बजे देखि  राती १० बजे सम्म माघे संक्रान्ती विशेष साँस्कृतिक साँझ कार्यक्रम टोकियो स्थित नाकानो जिरो हलमा हुने नेपाल मगर संघ केन्द्रिय समिति जापानका महासचिव सागर थापाले बताउनुभयो।

उक्त कार्यक्रममा टोकियो वरिपरी बस्ने मगर समुदाय र गैर मगर समुदायलाई उपस्थितीको लागि नेपाल मगर संघ जापानले हार्दिक अनुरोध गरेको छ।