टोकियो,वैशाख,५-फुकुओकामा दुई दिने १३ औँ नेपाल फेस्टिवल आज देखि सुरु भएको छ।

यो फेस्टिवल फुकुओका स्थित तेन्जिन सेन्ट्रल पार्कमा आज अप्रिल १८ तारिख शनिबार र भोली अप्रिल १९ तारिख आईतबार सम्म हुने क्यूसु एनआरएनए जापानले जनाएको छ।

यस फेस्टिवल गर्नुको मुख्य उद्देश्य जापानीज समुदाय माझ नेपाली समुदायको कला, संस्कृति, परम्परा, स्वादिष्ट नेपाली परिकार तथा पर्यटन प्रवर्द्धनका लागि उत्सव मनाउन लागेको यस फेस्टिवलका सल्लाहकार देवराज उप्रेतीले बिहानी अनलाईलाई जानकारी दिनुभयो।

उहाँका अनुसार यस १३ औं नेपाल फेस्टिवलमा विभिन्न व्यवसायका स्टलहरु र दुई दर्जन बढी नेपाली स्थानीय कलाकार र जापानीज कलाकारको साँस्कृतिक कार्यक्रम रहेको जानकारी दिनुभयो।

यो उत्सवलाई सफल पार्न फुकुओका लगायत जापानभरी रहेका सम्पूर्ण नेपाली दाजुभाइ तथा दिदीबहिनीहरूलाई समय मिलाएर आफ्ना जापानी साथीहरूलाई समेत साथमा लिएर उपस्थित भई फेस्टिवललाई भव्य र सभ्य रूपमा सम्पन्न गर्न सबैलाई उपस्थितिका लागि आयोजकले अनुरोध पनि गरेको छ।

नेपाल फेस्टिवल कार्यक्रम बिहान १० बजे देखि बेलुकि ५ बजे सम्म संञ्चालन हुनेछ।

टोकियो,चैत्र,२६-नेपाल मगर संघ केन्द्रिय समिति जापानले भुम्या पर्व मनाउने भएको छ।

हरेक वर्ष जस्तै यस वर्ष पनि भुम्या पर्व संगै बाबिक्यू (BBQ) वनभोज कार्यक्रमगरि मनाउन लागेको नेपाल मगर संघ जापानका अध्यक्ष भिक्टर ठाडा मगरले जानकारी दिनुभयो।

उहाँका अनुसार भुम्या पर्वमा भूमिलाई देवताको रुपमा पूजा गर्ने गरीन्छ।भूमिको पूजाले प्राकृतिक विपत्तिबाट बचिने जनविश्वास रहेको हुनाले पुर्खौ देखी चलिआएको यस रितिरिवाजलाई प्रवासमा पनि मनाउन लागेको बताउनुभयो।

साथै भुम्या पर्वको अवसरमा बाबिक्यू कार्यक्रम पनि राखिएको हुनाले यस्ता कार्यक्रमले प्रवासमा रहेका एक अर्का नेपाली समुदायको बिचमा भाईचाराको सम्बन्ध प्रगाढ रहने र हाम्रो पुर्खो देखि चलिआएको रितिरिवाज नयाँ पुस्ताले पनि सिक्न पाउने र पुस्तान्तरण हुने भएकोले गर्दा पनि यो कार्यक्रम हरेक वर्ष जापानमा पनि गर्दै आईरहेको अध्यक्ष भिक्टर ठाडा मगरले बिहानी अनलाईनलाई जानकारी दिनुभयो।

यो भुम्या पर्व नेपाल लगायत विश्वभर छरिएर रहेका मगर समुदायले हरेक वर्ष असारको पहिलो साता मनाउने गर्दछन्। जहाँ मगर समुदायले पुर्ख्यौली पूजापाठ र मौलिक कला संस्कृति प्रस्तुत गर्ने गर्दछन्।

यसैबिच : यस वर्ष नेपाल मगर संघ जापानले भने भुम्या पर्व संगै बाबिक्यू कार्यक्रम आउने जुन महिनाको ७ तारिख आईतबारको दिन टोकियो स्थित खासाई रिन्काई पार्कमा गर्न लागेको नेपाल मगर संघ जापानका महासचिव सागर थापाले जानकारी दिनुभयो। 

उहाँका अनुसार उक्त दिन कार्यक्रममा टोकियो आसपासमा बस्दै आउनु भएका र जापानमा भएका सबै प्रवासी नेपालीलाई समय मिलाएर उपस्थित भैईदिन अनुरोध गर्नु भएको छ।

साथै कार्यक्रममा उपस्थित हुँदा सके सम्म संस्कृति झल्किने भेषभूषासहित आईदिईन अपिल गर्नु भएको छ।

कार्यक्रम हुने मिति र स्थान तल उल्लेख गरिएको छ।

कार्यक्रम : भुम्या पर्व तथा बाबिक्यू (BBQ)
मिति : जुन ७ तारिख आईतबारको दिन
समय : बिहान ११ बजे देखि अपरान्ह ४ बजे सम्म
ठेगाना : खासाई रिन्काई पार्क / 134-0086 Tokyo to Edogawa ku Rinkaicho 6-2

जापान,माघ,४-टोकियोमा आज आईतवार माघे संक्रान्ती कार्यक्रम भव्य रुपमा सम्पन्न भएको छ।

नेपाल मगर संघ जापान केन्द्रिय समितिको आयोजनामा भएको माघे संक्रान्ती विशेष साँस्कृतिक साँझ कार्यक्रममा उपस्थित भरिभराऊ दर्शकले हल हाउसफुल भएको थियो।

टोकियो स्थित नाकानो जिरो हलमा भएको माघे संक्रान्ती विशेष साँस्कृतिक साँझ कार्यक्रम सफलता पुर्वक सकिएको र कार्यक्रममा एक हजार भन्दा बढी दर्शकको उपस्थित भएको र क्षमता भन्दा बढी दर्शक भएपछि केहि हल भित्र प्रवेश गर्न नपाई घर फर्किन परेको नेपाल मगर संघ जापानका अध्यक्ष भिक्टर ठाडा मगरले जानकारी दिनुभयो।

उहाँले भन्नुभयो हलमा दर्शक नअटाएपछि घर फर्किन परेकोमा आयोजक नेपाल मगर संघ जापान केन्द्रिय समिति क्षमा माग्दछौं।जुन तरिकाले रमाईलो गर्नको लागि धेरै ताढा ताढाबाट आउनु भयो, यी सबै कुरालाई मध्यनजर गर्दै आगामी वर्षमा हुने कार्यक्रममा त्यस्तो हुन नदिन ठुलो हलको व्यवस्था गर्ने बताउनुभयो। 

यसैबिच : माघे संक्रान्ती विशेष कार्यक्रममा प्रमुख अतिथी जापान स्थित नेपाली कार्यवहाक राजदुत र विशिष्ट अतिथी ज्यूहरुले छोटो मन्तव्य राख्दै माघे संक्रान्तिको शुभकामना दिनु भएको नेपाल मगर संघ जापान केन्द्रिय समितिका महासचिव सागर थापाले जानकारी दिनुभयो।

कार्यक्रममा नेपाल देखि आउनु भएका चर्चित लोक तथा दोहोरी गायक देविराम राना मगर जापानमा रहेका लोक तथा दोहोरी गायक चेतन घर्ती मगर, रचना राना मगर, पवित्रा मगर, युवराज मगर, परिचय व्याण्डको विजोड प्रस्तुती रहेको थियो।

यस्तै : नृत्य तर्फ भने कामना फगामी मगर र नेपाल मगर संघ जापानको साँस्कृतिक समुहको टिमले प्रस्तुती दिएका थिए।प्रवासमा रहेका नेपाली मगर समुदाय लगायत नेपालीजनलाई समेट्दै मगर संघ जापानले माघे संक्रान्ती विशेष साँस्कृतिक साँझ कार्यक्रम गरेको हो।मगर समुदायले माघे संक्रान्ती पर्वलाई हरेक वर्ष राष्ट्रिय पर्वको रुपमा मनाउदै आएको छ।

आज टोकियोमा भएको माघे संक्रान्ती विशेष साँगितिक साँझ कार्यक्रमको औपचारिक संञ्चालन महासचिव सागर थापाले गर्नु भएको थियो,भने साँस्कृतिक कार्यक्रमको सञ्चालन द्धय दिपेन बलाल मगर र लक्ष्मी अर्गेजा मगरले गर्नु भएको थियो।कार्यक्रम बेलुकि ६ बजे देखी ९:३० बजे सम्म संञ्चालन भएको थियो।

टोकियो,माघ,४-नेपाल मगर संघ केन्द्रिय समिती जापानले आज आईतवारका दिन माघे संक्रान्ती पर्व मनाउदै छ।

प्रवासमा रहेका नेपाली मगर समुदाय लगायत गैर नेपालीजनलाई समेट्दै हाम्रो भाषा,भेषभुषा, कला , संस्कृतिको पहिचानलाई संरक्षण र सम्बर्धन गर्दै सामाजिक न्याय, एकता र सद्भावलाई कायम राख्ने उद्देश्यका साथ नेपाल मगर संघ जापानको केन्द्रिय समितीले आज टोकियो स्थित नाकानो जिरो हलमा माघे संक्रान्ति विशेष साँस्कृतिक साँझ कार्यक्रमको आयोजना गरी मनाउन लागेको नेपाल मगर संघ जापानका अध्यक्ष भिक्टर ठाडा मगरले बिहानी अनलाईनलाई जानकारी दिनुभयो।

उहाँका अनुसार जापानभरी नै रहेका नेपाल मगर संघ क्षेत्रीय समिती जापानका अध्यक्ष र प्रतिनिधी ज्यूहरुको पनि कार्यक्रममा उपस्थित हुने बताउनुभयो।

यसैबिच : आज टोकियोमा हुने माघि विशेष साँस्कृतिक साँझ कार्यक्रममा नेपालबाट आउनु भएका चर्चीत कलाकार देविराम राना मगर, जापानमा रहेका चर्चीत लोक तथा दोहोरी गायक चेतन घर्ती मगर, लोक तथा दोहोरी गायीका रचना राना मगर, पवित्रा मगर, दिपन मगर, युवराज मगर डान्सर कामना फगामी मगर र नेपाल मगर संघ जापानको सांस्कृतिक समुहको विजोड प्रस्तुती रहने नेपाल मगर संघ केन्द्रिय समिति जापानका महासचिव सागर थापाले जानकारी दिनुभयो।

उहाँका अनुसार प्रवासमा रहेका नेपाली मगर समुदाय लगायत नेपालीजनलाई समेट्दै यो सांगीतीक कार्यक्रम गर्न लागेको बताउनुभयो।मगर समुदायले माघे संक्रान्ती पर्वलाई हरेक वर्ष राष्ट्रिय पर्वको रुपमा मनाउदै आएको छ।

आज टोकियोमा हुने माघे संक्रान्ती विशेष साँगितिक साँझ कार्यक्रममा जापानभरी रहेका सम्पुर्ण नेपाली समुदायलाई उपस्थीतीको लागि नेपाल मगर संघ केन्द्रिय समितिले आग्रह समेत गरेको छ।कार्यक्रम बेलुकि ५ देखी ९:३० बजे सम्म संञ्चालन हुनेछ।

टोकियो,माघ,१-नेपाल मगर संघ जापान क्षेत्रिय समिति नागोयाले आज माघे संक्रान्ती पर्व मनाउदै छ।

नेपाल मगर संघ जापानको केन्द्रिय समिती र क्षेत्रिय समिती नागोयाको संयुक्त आयोजनामा माघे संक्रान्ति विशेष साँस्कृतिक साँझ कार्यक्रम आज शनिवारका दिन मनाउन लागेको हो।

प्रवासमा रहेका नेपाली मगर समुदाय लगायत गैर नेपालीजनलाई समेट्दै यो सांस्कृतिक साँझ कार्यक्रम गर्न लागेको हो।मगर समुदायले माघे संक्रन्ती पर्वलाई हरेक वर्ष महान पर्वको रुपमा मनाउदै आएको छ।

आज नागोयामा हुने माघि विशेष साँस्कृतिक साँझ कार्यक्रममा नेपालबाट आउनु भएका चर्चीत कलाकार देविराम राना मगर, जापानमा रहेका चर्चीत लोक तथा दोहोरी गायक चेतन घर्ती मगर, लोक तथा दोहोरी गायीका रचना राना मगरको प्रस्तुती रहेको नेपाल मगर संघ जापान क्षेत्रीय समिती नागोयाका अध्यक्ष रोशन थापा मगरले जानकारी दिनुभयो।

यस्तै : माघे संक्रान्ति कार्यक्रममा एकल तथा सामुहिक नृत्य हुनेछ।कार्यक्रमा साके सन सिटी भवनमा दिँउसो ३ बजे देखी राती ८ बजे सम्म हुनेछ।

टोकियो,माघ,२-ओकिनावामा माघे संक्रान्ती कार्यक्रम भव्य रुपमा सम्पन्न भएको छ।

नेपाल मगर संघ जापानको क्षेत्रीय समिति ओकिनावाले आयोजना गरेको माघे संक्रान्ती विशेष साँस्कृतिक साँझ कार्यक्रम बिहिवार सम्पन्न भएको हो।

ओकिनावमा माघे सक्रान्ती कार्यक्रम सफलता पुर्वक सकिएको र कार्यक्रममा उल्लेखिय दर्शकको उपस्थित रहेको नेपाल मगर संघ क्षेत्रीय समिती ओकिनावा अध्यक्ष राम थापा मगरले बिहानी अनलाईनलाई जानकारी दिनुभयो।

कार्यक्रममा विभिन्न संघ संस्थाका अध्यक्ष लगायत प्रतिनिधीको उपस्थिती रहेको र उहाँहरुले छोटो मन्त्व्य राख्दै माघे संक्रान्तीको अवसरमा शुभकामना दिएका थिए।

यसैगरी: कार्यक्रममा चर्चीत लोक तथा दोहोरी गायक चेतन घर्तीले उपस्थित दर्शकलाई सालैजो भाका संगै विभिन्न गित गाउदै छमछमी नचाएका थिए।

कार्यक्रम अवधीभर थुप्रै स्थानीय कलाकारले एकल र सामुहिक नृत्य प्रस्तुत देखाएका थिए।

नेपाल मगर संघ जापानको क्षेत्रीय समिति कान्साईले आयोजना गरेको माघे संक्रान्ती विशेष साँस्कृतिक साँझ कार्यक्रम सम्पन्न भएको हो।

ओसाकामा माघे सक्रान्ती कार्यक्रम सफलता पुर्वक सकिएको र कार्यक्रममा आठ सयको हाराहारीमा दर्शकको उपस्थित रहेको नेपाल मगर संघ क्षेत्रीय समिती कान्साईका अध्यक्ष पुर्ण गर्बुजा मगरले जानकारी दिनुभयो।

कार्यक्रममा विभिन्न संघ संस्थाका अध्यक्ष लगायत प्रतिनिधीको उपस्थिती रहेको र उहाँलेहरुले छोटो मन्त्व्य राख्दै माघि पर्वको शुभकामना दिएका थिए।

कार्यक्रममा नेपालबाट आमन्त्रित चर्चीत राष्ट्रीय कलाकार देविराम राना मगर, चेतन घर्ती, रचना राना मगर, पार्वती मगरले आफ्नो गायन प्रस्तुती मार्फत दर्शकलाई छमछमी नचाएका थिए।नेपाल मगर संघ कान्साईको समुहले विजोड नृत्य प्रस्तुत देखाएका थिए।

टोकियो,पुस,२८-नेपाल मगर संघ क्षेत्रिय समिति ओसाका जापानले आज माघे संक्रान्ती पर्व मनाउदै छ।

नेपाल मगर संघ जापानको केन्द्रिय समिती र ओसाका क्षेत्रिय समितीको संयुक्त आयोजनामा भएको माघे संक्रान्ति विशेष साँस्कृतिक साँझ कार्यक्रम आज सोमबारका दिन मनाउन लागेको हो।

प्रवासमा रहेका नेपाली मगर समुदाय लगायत गैर नेपालीजनलाई समेट्दै यो सांस्कृतिक साँझ कार्यक्रम गर्न लागेको मगर संघ जापानले जनाएको छ।मगर समुदायले माघे संक्रन्ती पर्वलाई हरेक वर्ष महान पर्वको रुपमा मनाउदै आएको छ।

ओसाकाको साँस्कृतिक साँझ कार्यक्रममा नेपालबाट आमन्त्रीत राष्ट्रिय लोक तथा दोहोरी गायक देवि राम राना मगर र चर्चित लोक दोहोरी गायक चेतन घर्ती मगर, रचना राना मगर र पवित्रा सारतुङ्गे मगरको विजोड गायन प्रस्तुती रहने नेपाल मगर संघ क्षेत्रीय समिती ओसाकाले जनाएको छ।

यस्तै : गल्कोट नौमती पञ्चेबाजा समुह र नृत्यमा कान्साई मगर समुहका कलाकारहरुले प्रस्तुती दिनेछन्।

उक्त कार्यक्रम निसीनारी कुमिन सेन्माटरमा  दिउँसो ३ बजेदेखि साँझ ९ बजेसम्म सञ्चालन हुनेछ।

आजको माघे संक्रान्ति विशेष, साँस्कृतिक साँझ कार्यक्रममा सम्पुर्णलाई उपस्थितीको लागि नेपाल मगर संघ क्षेत्रिय समिति ओसाका जापानले हार्दिक अनुरोध गरेको छ।

टोकियो,पुस,२७-जापानको राजधानी टोकियोमा आउने जनवरी १८ तारिख हुने माघे संक्रान्ती विशेष साँस्कृतिक साँझ कार्यक्रमको तयारी पुरा भएको नेपाल मगर संघ केन्द्रिय समितिले आज पत्रकार सम्मेलन गरि जानकारी दिएको छ।

पत्रकार सम्मेलनमा बोल्दै “नेपाल मगर संघ केन्द्रिय समिति जापानका अध्यक्ष भिक्टर ठाडा मगरले भन्नभयो” यस वर्ष नेपालको प्रथम शहिद लखन थापाको सम्झनामा लखन साँस्कृतिक संग्राहलय निमार्णमा सहयोगार्थ भन्ने मुख्य उद्देश्यका साथमा मगर समुदायले महान पर्व माघे संक्रान्ती जापानभरी नै मनाउन लागेको बताउनु भयो। 

उहाँले “भन्नुभयो आज हामी माझ नेपाल देखि गायक देविराम राना मगर ज्यू आउनु भएको छ।यो हाम्रो निमन्त्रणालाई स्विकार गरि आईदिनु भएकोमा धन्यवाद दिदै स्वागत गर्नु भयो।

उहाँले अगाडी भन्नुभयो हामीले यो हप्तैभरी जापानभरी नै माघे संक्रान्ती विशेष कार्यक्रम गरि मनाईरहेका छौ।जसलाई जहाँ पायक पर्छ उपस्थित भैईदिनुहोला।तसर्थ आगामी १८ तारिखको दिन टोकियोमा हुने कार्यक्रममा सबैलाई उपस्थितीको लागि अनुरोध समेत गर्नुभयो।

यसैविच : पत्रकार सम्मेलन कार्यक्रममा बोल्दै निवर्तमान अध्यक्ष रामहरी खपाङ्गी मगरले “भन्नुभयो” नेपाल मगर संघ जापानमा स्थापना भएको अब ३१ औं वर्षमा पुग्नै लाग्दा आफूलाई मगर संघको २ वर्षे कार्यकालमा रहि नेतृत्व गर्ने मौका मिलेको र आफ्नो कार्यकालमा सबैले साथ दिएको प्रति धन्यवाद व्यक्त गर्नुभयो। 

आगामी दिनमा यस्ता कार्यक्रम सफल पार्न सबैले एक साथ भएर लाग्नु पर्ने बताउनुभयो।माघे संक्रान्ती पर्व जुन मगर समुदायले आफ्नो प्रमुख चाड पर्वको रुपमा अपनत्व लिदै मनाई रहेको छ।यसमा साँस्कृतिक जोडेर सदा झैं यस वर्ष पनि सबैको प्रेम आशिर्वाद र समर्थन र सहयोग रहने छ भन्नेमा अपेक्षा राखेको बताउनुभयो।

उहाँले “भन्नुभयो” हामीले साँस्कृतिक भन्ने वित्तिकै नेपालबाट मगर समुदायलाई उल्लेखिय योगदान दिईरहेका मगर कलाकार यहाँ आएर हाम्रो संस्कृति झल्किने खालको प्रस्तुति दिदाँ सुनमा सुगन्ध हुने भन्दै यस पटक कैयौं प्रयासका बाबजुँद कलाकार देविराम राना मगरलाई पाएको प्रति खुशी व्यक्त गर्दै जापानमा स्वागत गर्नुभयो।

जापानभरी नै माघे संक्रान्ती कार्यक्रम हुने भएको हुदाँ सबै जनालाई जुन  जुन ठाँउमा जान पायक पर्छ उपस्थितिको लागि आग्रह गर्नुभयो।

यसैविच कार्यक्रममा संरक्षक थानु राना मगर, नेपाल पत्रकार महासंघ जापानका संस्थापक अध्यक्ष तिलक मल्ल, लक्ष्मण घर्ती, मोन जापानका अध्यक्ष लगायतले बोल्दै कार्यक्रमको सफलताका लागि शुभकामना दिदै नेपालबाट आमन्त्रीत कलाकार देविराम राना मगर लाई स्वागत गर्नु भएको थियो।

यस्तै : टोकियो पुग्नु भएका गायक देविराम राना मगरले आफूलाई यति सम्मान गरि स्वागत गरि कार्यक्रम गरेको प्रति धन्यवाद दिदै “भन्नुभयो” परिवारको माया बुझ्नको लागि परिवार छोड, तर परिवार नबिर्स, देशको माया बुझ्नको लागि देश छोड,तर देश नविर्स”भन्ने भनाई सम्झिदै भन्नुभयो तपाईहरु देश छोड्नु भएको छ। देश भल्नु भएको छैन्।देशको संस्कार संस्कृतिलाई भल्नु भएको छैन्, र यसलाई जगेर्ना गर्नको लागि विदेशको भुमिमा बसेर जसरी अहोरात्र खटिनु भएको छ, यो एकदमै सर्हानिय रहेको बताउनुभयो।

जसले जिम्मेवार बोकेको छ उसैलाई चिन्ता र चासो हुने भन्दै यो मगर समाजलाई यसरी बिशाल बनाउनु भएको छ।यस मानेमा आफूलाई निकै गर्व लागेको बताउनुभयो।

अन्य कलाकार विभिद कारणले जापान आउन पाउनु भएन म उहाँहरुको जिम्मेवारी आफूले बोकेर आएको भन्दै त्यसको अभिभारा आफूले पुरा गर्ने बताउदै नाच्न नपाईने पो हो कि भनेर चिन्ता नलिई कार्यक्रममा आउनको लागि सबैलाई चुले निम्तो दिनुभयो।

यसैविच : नेपाल मगर संघ केन्द्रिय समिति जापानले यहि जनवरी १८ तारिख आईतबारका दिन बेलुकि ५ बजे देखि  राती १० बजे सम्म माघे संक्रान्ती विशेष साँस्कृतिक साँझ कार्यक्रम टोकियो स्थित नाकानो जिरो हलमा हुने नेपाल मगर संघ केन्द्रिय समिति जापानका महासचिव सागर थापाले बताउनुभयो।

उक्त कार्यक्रममा टोकियो वरिपरी बस्ने मगर समुदाय र गैर मगर समुदायलाई उपस्थितीको लागि नेपाल मगर संघ जापानले हार्दिक अनुरोध गरेको छ।

यस वर्ष नेपालको प्रथम शहिद लखन थापाको सम्झनामा लखन साँस्कृतिक संग्राहलय निमार्णमा सहयोगार्थ भन्ने मुख्य उद्देश्यका साथमा मगर समुदायले महान पर्व माघे संक्रान्ती जापानभरी नै मनाउन लागेको हो।

विशेष त मगर समुदायले परापुर्वकाल देखि मान्दै आएको माघी पर्व जापानको फुकुओकामा रहेका सम्पुर्ण मगर समुदायले एक साथ भेला भई माघे संक्रान्ती पर्व मनाउन लागेका हुन्।

माघे संक्रान्ती पर्वको रुपमा आयोजना गरिएको कार्यक्रममा शुभकामना आदान प्रदान गरिनेछ,भने लोकल ब्याण्डले आफ्नो गायन प्रस्तुती देखाउने छ,भने आधा दर्जन स्थानीय कलाकारहरुको नृत्य रहेको नेपाल मगर संघ क्षेत्रिय समिति क्यूस्यू जापानका अध्यक्ष यूकेश राना मगरले बिहानी अनलाईनलाई जानकारी दिनुभयो।

कार्यक्रममा पुर्खौ देखि चलन चल्तीमा आएको माघी विशेष परिकारहरु बनाएर खानपिन गरिनेछ।मगर समुदायले पछिल्लो समय माघी पर्वलाई आफ्नो महान पर्वको रुपमा मात्र नभई राष्ट्रिय पर्वको रुपमा मनाउदै आएको छ ।

उक्त कार्यक्रममा शुभकामना आदान प्रदानका लागी फुकुओकामा बस्दै आएका अग्रज व्यक्ति र विभिन्न सामाजीक कार्यमा सक्रिय संघ संस्था र समाजका प्रतिनिधीहरुलाई  आमन्त्रण गरिएको छ।

क्युस्यू क्षेत्रमा आसपासमा बस्ने सम्पुर्ण मगर समुदाय र गैर मगर समुदायका व्यक्तिहरुलाई उपस्थितीको लागी आयोजकले आग्रह समेत गरेको छ।

कार्यक्रम बेलुकि ६ बजे देखी राति ११ बजे सम्म संञ्चालन हुनेछ।