टोकियो,असोज,१५-जापान सरकारले विदेशी नागरिकको बसोबाससम्बन्धी विभिन्न प्रक्रियामा लाग्ने शुल्कमा उल्लेख्य वृद्धि गरेको छ।नयाँ शुल्क संरचना आज अक्टोबर १, २०२६ (बिहीबार) देखि लागू भएको हो।

जापानको अध्यागमन सेवा एजेन्सी (ISA) का अनुसार, बसोबासको हैसियत परिवर्तन (Change of Status) वा बसोबास अवधि नवीकरण (Extension of Period of Stay) गर्दा अब स्वीकृत हुने बसोबास अवधिका आधारमा फरक-फरक शुल्क लाग्नेछ। (法務省⁠)

नयाँ शुल्क संरचना

• ३ महिनासम्म: ¥१०,०००
• ३ महिनाभन्दा बढीदेखि ६ महिनासम्म: ¥१८,०००
• ६ महिनाभन्दा बढीदेखि १ वर्षभन्दा कम: ¥२५,०००
• १ वर्ष: ¥३३,०००
• १ वर्षभन्दा बढीदेखि ३ वर्षभन्दा कम: ¥४८,०००
• ३ वर्षदेखि ५ वर्षभन्दा कम: ¥६४,०००
• ५ वर्ष वा सोभन्दा बढी: ¥७५,०००

यी शुल्कहरू अध्यागमन कार्यालयमा गरिने आवेदनका लागि हुन्।अनलाइन आवेदनमा भने शुल्क केही कम तोकिएको छ, जसमा भुक्तानी सेवा शुल्कसमेत थपिन सक्छ। (法務省⁠)

पीआर शुल्कमा अझ ठूलो वृद्धि

स्थायी बसोबास (Permanent Residence/PR) का लागि लाग्ने शुल्कमा पनि ठूलो वृद्धि गरिएको छ। यसअघि ¥१०,००० रहेको पीआर अनुमति शुल्क अब ¥२००,००० पुगेको छ। (Metropolis Japan⁠)

नयाँ नियमअनुसार शुल्क आवेदन गरेको मितिअनुसार लागू हुनेछ। सेप्टेम्बर ३०, २०२६ सम्म दर्ता भएका आवेदनमा पुरानै शुल्क लागू हुने र त्यसपछि दर्ता हुने आवेदनमा नयाँ शुल्क लागू हुने अध्यागमन सेवा एजेन्सीले जनाएको छ। (法務省⁠)

अध्यागमन सेवा एजेन्सीका अनुसार आर्थिक कठिनाइ वा विशेष कारण भएका निश्चित अवस्थामा शुल्कमा छुट वा पूर्ण/आंशिक माफीको व्यवस्था पनि हुन सक्नेछ। (法務省⁠)

नोट:आवेदन गर्नुअघि आफ्नो प्रक्रियाअनुसार लागू हुने पछिल्लो शुल्क र भुक्तानी विधि जापानको अध्यागमन सेवा एजेन्सीबाट जाँच गर्न उपयुक्त हुनेछ।

काठमाण्डौं,असोज,९-अमेरिकी राष्ट्रपति डोनाल्ड ट्रम्पले इरानले प्रस्ताव गरेको सातदिने युद्धविराम अस्वीकार गरेपछि सोमबार अन्तर्राष्ट्रिय बजारमा कच्चा तेलको मूल्य बढेको छ।

तेलको मूल्यमा भएको वृद्धिसँगै विश्वव्यापी मुद्रास्फीति बढ्न सक्ने चिन्ता पनि बढेको छ।यसको असर विभिन्न देशका सेयर बजारमा समेत परेको छ।इरानले गत साता संयुक्त राष्ट्रसंघको महासभामा सातदिने युद्धविरामको प्रस्ताव अघि सारेको थियो।

उक्त प्रस्ताव कार्यान्वयन भए होर्मुज जलडमरूमध्य पुनः खुल्ने र विश्वव्यापी ऊर्जा आपूर्तिमा देखिएको समस्या केही सहज हुने अपेक्षा गरिएको थियो।विश्वको महत्वपूर्ण ऊर्जा आपूर्ति मार्गका रूपमा रहेको होर्मुज जलडमरूमध्य अहिले अमेरिका र इरानबीचको तनावको महत्वपूर्ण विषय बनेको छ।

तर, ह्वाइट हाउस बाहिर सञ्चारकर्मीसँग कुरा गर्दै राष्ट्रपति ट्रम्पले इरानको प्रस्ताव स्वीकार गर्न नसकिने बताउनुभएको छ।यद्यपि, उहाँले अमेरिका र इरानबीच वार्ता पुनः सुरु हुन सक्ने संकेत दिनुभयो।अमेरिकी सञ्चारमाध्यमका अनुसार दुवै देशबीच अप्रत्यक्ष वार्ता सोमबारदेखि नै हुन सक्ने सम्भावना रहेको छ।

होर्मुज जलडमरूमध्य पुनः खोल्न इरानले केही सर्तहरू अघि सारेको छ।रोक्का गरिएका इरानी सम्पत्ति फुकुवा गर्नुपर्ने, इरानी तेलमाथिका प्रतिबन्ध हटाउनुपर्ने तथा अमेरिकी नौसैनिक नाकाबन्दी अन्त्य गर्नुपर्ने उसका प्रमुख माग रहेका छन्।युद्धविरामको प्रस्ताव सार्वजनिक भएपछि शुक्रबार दुई प्रतिशतभन्दा बढी घटेको कच्चा तेलको मूल्य सोमबार पुनः बढेको हो।

अन्तर्राष्ट्रिय बजारमा उत्तर समुद्री कच्चा तेलको मूल्य १.८ प्रतिशत बढेर प्रतिब्यारेल १०६.१९ अमेरिकी डलर पुगेको छ। त्यस्तै, अमेरिकी पश्चिमी टेक्सास क्षेत्रको कच्चा तेलको मूल्य १ प्रतिशत बढेर प्रतिब्यारेल ९३.३४ डलर पुगेको छ।

तेलको मूल्य बढेसँगै मुद्रास्फीति बढ्ने चिन्ता पनि पुनः बढेको छ।यसको प्रभाव एसियाली सेयर बजारमा देखिएको छ। लामो बिदापछि खुलेको दक्षिण कोरियाली बजार दुई प्रतिशतभन्दा बढी घटेको छ।जापानको टोकियो, चीनको सांघाई, फिलिपिन्सको मनिला, थाइल्यान्डको बैंकक र इन्डोनेसियाको जकार्ताका बजारमा पनि गिरावट आएको छ।

यता हङकङ, अस्ट्रेलियाको सिड्नी, सिंगापुर र न्युजिल्यान्डको वेलिङ्टनका सेयर बजारमा भने वृद्धि देखिएको छ।

यसैबीच, विश्व ऋणपत्र बजारमा पनि प्रतिफल बढेको छ। गत साता विश्व ऋणपत्रको औसत प्रतिफल चार प्रतिशतभन्दा माथि पुगेको थियो।यो सन् २००७ यताकै उच्च स्तर भएको बताइएको छ।

अब लगानीकर्ताको ध्यान अमेरिकी केन्द्रीय बैंकको आगामी मौद्रिक नीति निर्णयतर्फ केन्द्रित भएको छ।अक्टोबरको अन्त्यमा हुने बैठकअघि यसै साता अमेरिकाको मुद्रास्फीतिसम्बन्धी महत्वपूर्ण तथ्यांक तथा रोजगारीसम्बन्धी विवरण सार्वजनिक हुँदैछन्।यी तथ्यांकले आगामी ब्याजदरसम्बन्धी निर्णयमा महत्वपूर्ण प्रभाव पार्न सक्ने अपेक्षा गरिएको छ ।

विश्लेषकहरूका अनुसार मध्यपूर्वमा तनाव पुनः बढेपछि तेलको मूल्यमा वृद्धि भएको छ र एसियाली सेयर बजारमा दबाब देखिएको छ।यद्यपि, अमेरिका र इरानबीच पुनः वार्ता सुरु हुन सक्ने सम्भावनाले बजारमा केही आशा भने कायम राखेको छ।एजेन्सी 

टोकियो,असोज,९-नेपालीहरूको महान् पर्व बडादसैँको शुभारम्भ अर्थात् घटस्थापना तथा क्षत्री दिवसको अवसरमा क्षत्री समाज नेपाल जापान शाखाले विशेष भेटघाट तथा शुभकामना आदानप्रदान कार्यक्रम आयोजना गर्ने भएको छ।

समाजले जापानमा रहेका नेपाली समुदायबीच आपसी एकता, सद्भाव, भाइचारा तथा नेपाली मौलिक संस्कृति र परम्पराको संरक्षण एवं प्रवर्द्धन गर्ने उद्देश्यसहित कार्यक्रम आयोजना गर्न लागेको जनाएको छ।

समाजका अनुसार कार्यक्रम सन् २०२६ अक्टोबर ११ गते आइतबार साँझ ६ बजे जापानको रोयल गार्डेन, शिनओकुबो (Royal Garden, Shin-Okubo) मा आयोजना हुनेछ।

कार्यक्रममा समाजका अग्रज, पदाधिकारी, सदस्यलगायत जापानवासी नेपाली दाजुभाइ तथा दिदीबहिनीहरूलाई उपस्थितिका लागि हार्दिक निमन्त्रणा गरिएको छ।

समाजले कार्यक्रममा सहभागी भई आपसी भेटघाट, शुभकामना आदानप्रदान तथा नेपाली संस्कृति र परम्पराको संरक्षणमा हातेमालो गर्न सम्पूर्ण नेपाली समुदायलाई आग्रह गरेको छ।

घटस्थापना तथा क्षत्री दिवसको अवसरमा समाजले जापानवासी सम्पूर्ण नेपालीमा सुख, शान्ति, समृद्धि, सु-स्वास्थ्य तथा उत्तरोत्तर प्रगतिको शुभकामना समेत व्यक्त गरेको छ।

टोकियो,असोज,९-नेपाल मगर संघ जापान केन्द्रीय समितिले ऐतिहासिक साधारण सभा तथा तेस्रो पूर्ण बैठक आयोजना गर्ने भएको छ।

नेपाल मगर संघ जापानले आफ्नो संगठनात्मक गतिविधि, आगामी कार्ययोजना तथा समुदायसँग सम्बन्धित विभिन्न विषयमा छलफल गर्ने उद्देश्यले साधारण सभा तथा पूर्ण बैठक आयोजना गर्न लागेको हो।

संघका अनुसार कार्यक्रम २०२६ अक्टोबर ११ गते आइतबार जापानको शिजुओकामा आयोजना हुनेछ।कार्यक्रम बिहान ११ बजेदेखि दिउँसो ५ बजेसम्म सञ्चालन हुने जनाइएको छ।

कार्यक्रम शिजुओका स्थित Asian Dining Curry Nan House, Shizuoka मा आयोजना हुने नेपाल मगर संघ केन्द्रिय समिति जापानले जनाएको छ।

नेपाल मगर संघ जापानले मगर समुदायको भाषा, धर्म, संस्कार, संस्कृति तथा पहिचानको संरक्षण र प्रवर्द्धन गर्दै आएको छ।

उक्त साधारण सभा तथा पूर्ण बैठकमार्फत संघको आगामी गतिविधि र योजनाबारे महत्वपूर्ण छलफल हुने अपेक्षा गरिएको छ।

कार्यक्रम हुने स्थान र मिति र समय तालिका 

मिति : २०२६ अक्टोबर ११, आइतबार
समय : बिहान ११:०० देखि साँझ ५:०० बजेसम्म
स्थान : Asian Dining Curry Nan House, Shizuoka

ओकिनावा,भदौ,२९-वैदिक सनातन हिन्दु नारीहरूको महान पर्व हरितालिका तीजको पावन अवसरमा आज (सेप्टेम्बर १४) तारिख जापानको ओकिनावामा बृहत् तीज सांस्कृतिक कार्यक्रम आयोजना हुँदैछ।

“Team Everest Okinawa” को आयोजनामा हुने उक्त कार्यक्रम दिउँसो ३:०० बजेदेखि साँझ ६:३० बजेसम्म सञ्चालन हुनेछ।कार्यक्रम Makishi Station नजिकै रहेको Union को माथिल्लो तेस्रो तल्लामा आयोजना गरिने आयोजकले जनाएको छ।

तीजको मौलिक संस्कृति, परम्परा तथा नेपाली नारीहरूको सांस्कृतिक पहिचानलाई प्रवर्द्धन गर्ने उद्देश्यले आयोजना गर्न लागिएको कार्यक्रममा विभिन्न सांस्कृतिक प्रस्तुति तथा तीज विशेष कार्यक्रमहरू रहनेछन्।

त्यसैगरी: सोही दिन आज साँझ ७:०० बजेदेखि राति १०:०० बजेसम्म वैदिक सनातन धर्ममा आधारित भजन-कीर्तन कार्यक्रम समेत आयोजना गरिनेछ।

तीज सांस्कृतिक कार्यक्रम तथा भजन-कीर्तनमा सहभागी भई पर्वको धार्मिक, सांस्कृतिक तथा सामाजिक महत्वलाई आत्मसात् गर्न सम्पूर्ण श्रद्धालु नेपाली दाजुभाइ तथा दिदीबहिनीहरूलाई “Team Everest Okinawa” परिवारले हार्दिक निमन्त्रणा गरेको छ।

कार्यक्रम विवरण:
मिति:भाद्र २९ गते (सेप्टेम्बर १४)
स्थान:Makishi Station नजिकै,Union को माथिल्लो तेस्र तला
तीज सांस्कृतिक कार्यक्रम: दिउँसो ३:००-६:३० बजे
भजन–कीर्तन: साँझ ७:००-राति १०:०० बजे
आयोजक: Team Everest Okinawa परिवार

हिन्दु नेपाली महिला दिदिबहिनीहरुको महान चाड अर्थात महत्वपूर्ण सांस्कृतिक तथा धार्मिक पर्व हरितालिका तीज आज नेपालसहित विश्वका विभिन्न देशमा रहेका नेपाली आमा-दिदीबहिनीहरूले श्रद्धा, उत्साह र उमंगका साथ मनाउँदैछन्।

तीजको अवसरमा नेपाली महिलाहरूले परम्परागत रातो पहिरन, गरगहना तथा श्रृंगारमा सजिएर शिव-पार्वतीको पूजा-आराधना गर्ने, व्रत बस्ने तथा सुख, शान्ति र समृद्धिको कामना गर्ने परम्परा रहिआएको छ।

तीज नेपाली समाजमा धार्मिक आस्था मात्र नभई महिला दिदीबहिनीबीचको आत्मीयता, भेटघाट र सांस्कृतिक पहिचानलाई जोड्ने महत्वपूर्ण पर्वका रूपमा समेत स्थापित छ।

नेपालका विभिन्न स्थानमा तीज विशेष कार्यक्रम, पूजा-आराधना, दर खाने तथा सांस्कृतिक कार्यक्रम आयोजना भइरहेका छन्।

यस्तै, रोजगारी, अध्ययन तथा विभिन्न पेशा–व्यवसायका सिलसिलामा विदेशमा रहेका नेपाली समुदायले पनि आफ्नो मौलिक संस्कृति र परम्परालाई निरन्तरता दिँदै तीज मनाइरहेका छन्।

जापान, दक्षिण कोरिया, अमेरिका, बेलायत, अस्ट्रेलिया, युरोप तथा खाडी मुलुकलगायतका देशमा रहेका नेपाली महिलाहरूले समेत सामूहिक रूपमा तीज कार्यक्रम आयोजना गर्दै नेपाली गीत-संगीतमा नाचगान, भेटघाट तथा शुभकामना आदानप्रदान गरिरहेका छन्।

परदेशमा रहे पनि नेपाली भाषा, संस्कृति, परम्परा र चाडपर्वलाई जीवन्त राख्ने प्रयासले तीजलाई विश्वभर छरिएका नेपालीहरूलाई भावनात्मक रूपमा जोड्ने अवसरसमेत बनाएको छ।

हरितालिका तीजले नेपाली महिलाहरूको धार्मिक आस्था, सांस्कृतिक पहिचान र आपसी सद्भावलाई अझ बलियो बनाउँदै परिवार तथा समाजमा सुख, शान्ति र समृद्धिको कामना गर्ने अवसर प्रदान गरेको छ।

बिहानी अनलाइन परिवार सम्पूर्ण नेपाली आमा, दिदीबहिनी तथा देश-विदेशमा रहनुभएका सम्पूर्ण नेपालीमा हरितालिका तीजको हार्दिक मंगलमय शुभकामना व्यक्त गर्दछ।

टोकियो,भदौ,२९-नेपाल-चीन सीमावर्ती तिब्बत क्षेत्रबाट रसुवा जिल्लाको ल्हेन्देखोला तथा भोटेकोशी क्षेत्रमा भदौ १० गते बुधबार बिहान आएको विध्वंशक बाढीले व्यापक जनधनको क्षति भएको छ।

बाढीले रसुवाको टिमुरे बजार, नुवाकोटको स्याफ्रुबेसी, बेत्रावती र त्रिशूलीका बजार तहसनहस गरेको थियो।

उक्त बाढी प्रभावित परिवारको राहत तथा पुनःस्थापनाका लागि सहयोग जुटाउने अभियान अहिले देश तथा विदेशमा तीव्र रुपमा चलिरहेको छ।

यसै मानवीय अभियानमा बाढी तथा पहिरोका कारण उत्पन्न विषम परिस्थितिलाई मध्यनजर गर्दै नेपाल मगर संघ जापान तथा विभिन्न क्षेत्रीय समितिहरूले पीडितहरूको राहत तथा सहयोगका लागि आर्थिक सहयोग संकलन गरेका छन्।

पीडित नेपाली दाजुभाइ तथा दिदीबहिनीहरूलाई केही राहत पुग्ने उद्देश्यले संकलन गरिएको उक्त रकम नेपाल मगर संघ केन्द्रीय समितिको खातामा पठाइसकिएको जनाइएको छ।

ययैविच विभिन्न देशहरुमा रहेका मगर संघबाट एकमुष्ट राहत संकल गरि नेपाल मगर संघ केन्द्रीय समितिले प्राप्त रकम चाँडै नै सरकारी राहत कोषमा जम्मा गर्ने जानकारी दिएको छ।

जापानबाट संकलन गरी पठाइएको सहयोग रकमको विवरणअनुसार:

•नेपाल मगर संघ क्षेत्रीय समिति ओकिनावा-१२७,००० येन
•नेपाल मगर संघ क्षेत्रीय समिति नागोया-७५,६२५ येन
•नेपाल मगर संघ केन्द्रिय समिति टोकियो-१३१,००० येन
•संस्थागततर्फबाट थप सहयोग-२३,५१९ येन 

यसरी विभिन्न क्षेत्रबाट संकलित रकम गरी कुल ३५७,१४येन(नेपाली रुपैयाँ करिब ३ लाख ५० हजार) राहत सहयोग पठाइएको हो।

नेपालमा बाढी–पहिरोबाट प्रभावित परिवारहरूलाई तत्काल राहत तथा सहयोग पुर्‍याउने उद्देश्यले गरिएको यस अभियानमा सहयोग गर्नुहुने नेपाल मगर संघ जापानका विभिन्न क्षेत्रीय समिति, संघ–संस्था तथा व्यक्तिगत रूपमा योगदान गर्नुहुने सम्पूर्ण सहयोगी दाताप्रति नेपाल मगर संघ जापानले हार्दिक धन्यवाद व्यक्त गरेको छ।

विपद्को कठिन समयमा पीडितहरूको साथमा उभिँदै गरिएको यस मानवीय सहयोगले प्रभावित परिवारहरूलाई राहत पुग्ने नेपाल मगर संघ केन्द्रिय समितिले विश्वास लिएको छ।

टोकियो,भदौ,२६-चीनको तिब्बती क्षेत्रमा रहेका जोखिमपूर्ण हिमतालमा आएको पहिरो र त्यसपछिको विस्फोटका कारण रसुवाको ल्हेन्देखोला तथा भोटेकोशी क्षेत्रमा भदौ १० गते बुधबार बिहान आएको विध्वंशक बाढीले जनधनको ठूलो नोक्सानी गरेको थियो।

बाढीले रसुवाको टिमुरे बजार, नुवाकोटको स्याफ्रुबेसी, बेत्रावती र त्रिशूलीका बजार तहसनहस गरेको थियो।

उक्त बाढी प्रभावित परिवारको राहत तथा पुनःस्थापनाका लागि सहयोग जुटाउने अभियान अहिले देश तथा विदेशमा तीव्र रुपमा चलिरहेको छ।

यसै मानवीय अभियानमा ऐक्यबद्धता जनाउँदै जापान रेमिट फाईनान्स (JRF) ले जापानमा रहेका नेपाली तथा सहयोगी मनहरूका लागि विशेष सुविधा घोषणा गरेको छ।

JRF मार्फत ‘प्रधानमन्त्री दैवी प्रकोप राहत कोष’मा रकम पठाउँदा सेप्टेम्बर ३०, २०२६ सम्म कुनै पनि सेवा शुल्क नलाग्ने JRF ले जनाएको छ।

विपद्को यस कठिन घडीमा बाढीपीडित परिवारलाई सहयोग गर्न इच्छुक सबैलाई उक्त सुविधाको उपयोग गर्दै राहत अभियानमा सहभागी हुन JRF ले आग्रह गरेको छ।

काठमाडौं,भदौ,१३-रसुवाको भोटेकोशी नदीमा आएको विनाशकारी बाढीमा परी मृत्यु हुनेको संख्या एक हजार नाघेको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले मंगलबार दिउँसो सार्वजनिक गरेको विवरणअनुसार बाढीमा परी हालसम्म एक हजार तीन जनाको शव फेला परेको छ।

प्राधिकरणका अनुसार विभिन्न जिल्लाबाट प्राप्त विवरणअनुसार चितवनमा ३२१, पूर्वी नवलपरासीमा २१६, पश्चिम नवलपरासीमा १७०, नुवाकोटमा ९५, गोरखामा ६५, धादिङमा ५७, रसुवामा ४१ र तनहुँमा ३८ जनाको शव फेला परेको छ।फेला परेका शवको संख्यामा विभिन्न मानव अङ्गसमेत समावेश छन्।

विपद्मा परी हालसम्म २७९ जना घाइते भएका छन् । घाइतेमध्ये १६८ जना विभिन्न अस्पतालबाट उपचारपछि डिस्चार्ज भइसकेका छन्।नेपाली सेनामार्फत हालसम्म दुई हजार ७४० जनाको स्वास्थ्य उपचार गरिएको प्राधिकरणले जनाएको छ।

बाढीका कारण तीन हजार ९१६ जना अझै सम्पर्कविहीन छन् । बेपत्तामध्ये नेपाल प्रहरीका २५, नेपाली सेनाका ४५, सशस्त्र प्रहरी बलका १३, भन्सार कार्यालयका १५, अध्यागमनका तीन, क्वारेन्टाइन कार्यालयका तीन तथा लाङटाङ राष्ट्रिय निकुञ्जका तीन कर्मचारी रहेका छन् ।

प्राधिकरणका अनुसार रसुवाबाट करिब ८६५, नुवाकोटबाट एक हजार ५५८ र विभिन्न जलविद्युत आयोजनाबाट ६३९ जना सम्पर्कविहीन छन्।सम्पर्कविहीन हुनेमा ५८३ विदेशी नागरिक तथा विदेशी पर्यटकसँगै गएका १६४ नेपाली नागरिकसमेत रहेका छन्।

प्रभावित क्षेत्रमा खोज तथा उद्धारका लागि २१ हजार ३१४ सुरक्षाकर्मी परिचालन गरिएको छ।तीमध्ये नेपाली सेनाका नौ हजार १९९, नेपाल प्रहरीका सात हजार ९१२ र सशस्त्र प्रहरी बलका चार हजार २०३ जना छन्।

हालसम्म ११ हजार ८८४ जनाको उद्धार गरिएको प्राधिकरणले जनाएको छ।नेपाली सेनाले ५९२ पटक हवाई उडान गरी २७३ विदेशी र तीन हजार ५०९ नेपाली गरी कुल तीन हजार ७८२ जनाको हवाई उद्धार गरेको छ।निजी क्षेत्रबाट समेत काठमाडौं–प्रभावित क्षेत्रबीच २९ वटा उडान सञ्चालन भएका छन्।हाल नुवाकोटमा दुई हजार ४६६, रसुवामा ३९८, धादिङमा २६० र काठमाडौंमा ३२९ जना होल्डिङ सेन्टरमा रहेका छन्।

सरकारले प्रभावित जिल्लामा नगद राहतसमेत उपलब्ध गराएको छ।रसुवा र नुवाकोटलाई एक-एक करोड तथा धादिङलाई ५० लाख रुपैयाँ उपलब्ध गराइएको छ।त्यस्तै, प्रभावित १५ स्थानीय तहका लागि कुल ६ करोड ७५ लाख रुपैयाँ विनियोजन गरिएको छ।

राहत सामग्रीतर्फ ३७ वटा ट्रक र ३७ वटा बोलेरोमार्फत खाद्य तथा गैरखाद्य सामग्री प्रभावित क्षेत्रमा पठाइएको छ।सशस्त्र प्रहरीले ७७ पटक हवाई उडान गरी राहत सामग्री ढुवानी गरेको छ।बुधबार मात्रै नुवाकोटमा १६ र रसुवामा ११ वटा उडानमार्फत राहत सामग्री पुर्‍याइएको प्राधिकरणले जनाएको छ।प्रभावित क्षेत्रमा इन्धन आपूर्ति सहज राख्न ४२ हजार लिटर डिजेल, १८ हजार लिटर पेट्रोल र छ हजार लिटर हवाई इन्धन मौज्दात राखिएको छ।

सञ्चार सेवातर्फ नेपाल टेलिकमका क्षतिग्रस्त ११० वटै टावर सञ्चालनमा आएका छन् भने एनसेलका ७८ मध्ये ७५ वटा टावर सुचारु भइसकेका छन्।पहिचान खुल्न नसकेका शव विभिन्न जिल्लाका २१ वटा अस्पतालमा राखिएको प्राधिकरणले जनाएको छ।

टोकियो,भदौ,१६-जापानमा क्रियाशिल रहेको बोहोराफाँट समाज जापानले नेपालमा आएको विनाशकारी बाढी-पहिरोबाट प्रभावित पीडित परिवारको पीडामा साथ दिन सहयोग तथा पुनःस्थापनाका लागि ६ लाख ६० हजार येन आर्थिक सहयोग हस्तान्तरण गरेको छ।

समाजले यस वर्ष आयोजना गर्न लागेको तीज विशेष दर खाने कार्यक्रम रद्द गरी राहत स्वरुप आर्थीक सहयोग गरेको हो।

नेपालमा बाढी-पहिरोले ठूलो धनजनको क्षति पुर्‍याएको र धेरै परिवार घरबारविहीन बनेको दुःखद परिस्थितिमा रमाइलो कार्यक्रम गर्नु उचित नहुने भन्दै समाजका महिला दिदीबहिनी तथा कार्यसमितिको सामूहिक छलफल र सहमतिमा तीज कार्यक्रम रद्द गरी कार्यक्रमका लागि खर्च हुने रकम तथा समाजका सदस्य एवं शुभेच्छुकहरूबाट संकलित सहयोग बाढीपीडितहरूको लागि राहतमा उपलब्ध गराउने निर्णय गरि हस्तान्त्रण गरिएको बोहोराफाँट समाज जापानका अध्यक्ष प्रकाश बोहोरा क्षेत्रीले बिहानी अनलाईनलाई जानकारी दिनुभयो।

“उहाँका भन्नुभयो”विपद्को समयमा आफ्नो मातृभूमि र पीडित नागरिकप्रतिको जिम्मेवारी पूरा गर्नु प्रत्येक प्रवासी नेपालीको मानवीय कर्तव्य भएको बताउनुभयो।उहाँले राहत अभियानमा साथ,सहयोग र समर्थन प्रदान गर्ने सम्पूर्ण सहयोगी मनहरूप्रति आभार व्यक्त गर्नुभयो।

यस्तै:समाजका वरिष्ठ उपाध्यक्ष पवन बोहोरा क्षेत्रीले तीज कार्यक्रम रद्द गरेर पीडितहरूको सहयोगमा जुट्ने निर्णयले समाजको मानवीय भावना, एकता र सामाजिक उत्तरदायित्वलाई अझ बलियो बनाएको बताउनुभयो।

यसैगरी:उपाध्यक्ष नारायण बोहोरा क्षेत्रीले दुःखमा परेका नेपाली दाजुभाइ तथा दिदीबहिनीहरूको घाउमा थोरै भए पनि मलम लगाउने उद्देश्यले समाजले राहत अभियान सञ्चालन गरेको बताउनुभयो।

यता:समाजका कोषाध्यक्ष छम बोहोरा क्षेत्रीले बाढीपिडितका लागि सहयोगार्थ अभियानमार्फत संकलित सम्पूर्ण सहयोग रकम पारदर्शी ढङ्गले सम्बन्धित निकाय जापान रेमिट फाईनान्स मार्फत आज मगंलबार नेपाल सरकारले जारी गरेको प्रधानमन्त्री दैवी प्रकोप उद्धार कोषमा ६ लाख ६० हजार येन अर्थात नेपाली (रु. ६ लाख २७ हजार) सहयोग हस्तान्तरण गरेको जानकारी दिनुभयो।

त्यसैगरी:समाजका महासचिव केशव कार्कीले समाजले मनोरञ्जनभन्दा मानवीय सेवाको कार्यलाई प्राथमिकता दिँदै तीज कार्यक्रम रद्द गरि बाढीपिडितका लागि आर्थीक सहयोग अभियान सञ्चालित गरि ७६ जना सहयोगी मनहरुबाट आर्थिक सहयोग प्राप्त भएको जानकाकरी दिदैँ अभियानमा सहभागी सबैलाई धन्यवाद व्यक्त गर्नुभएको थियो।

त्यस्तै:यता निवर्तमान अध्यक्ष एकबहादुर बोहोरा क्षेत्रीले समाजको निर्णय उदाहरणीय र प्रशंसनीय रहेको बताउँदै विपद्को घडीमा सबै नेपाली एकजुट भएर पीडितहरूको साथमा उभिनु एकदमै सकारात्म रहेको धारणा राख्नुभयो।

बोहोराफाँट समाज जापानले राहत अभियानलाई सफल बनाउन आर्थिक, नैतिक तथा व्यवस्थापकीय रूपमा सहयोग गर्ने सम्पूर्ण सदस्य, महिला दिदीबहिनी, जापानवासी नेपाली समुदाय तथा शुभेच्छुकहरूप्रति हार्दिक धन्यवाद एवं कृतज्ञता व्यक्त पनि गरेको छ।

“उत्सवभन्दा ठूलो मानवता, रमाइलोभन्दा ठूलो पीडितको सेवा।” (जय बोहोराफाँट समाज जापान )

सहयोगीहरूको संशोधित नामावली

१. प्रकाश बोहोरा — रु. २०,००० येन
२. छम बोहोरा (लाहुरे) — रु. १०,००० येन
३. भुवन बोहोरा (बेसी) — रु. ५,००० येन
४. कौशल बोहोरा — रु. १०,००० येन
५. केशब कार्की — रु. १०,००० येन
६. कृष्णा बोहोरा (काडरुखा) — रु. १०,००० येन
७. एक बहादुर बोहोरा — रु. १५,००० येन
८. कृष्णा बोहोरा (गलिपरी) — रु. १०,००० येन
९. गोविन्द खड्का — रु. १०,००० येन
१०. जेनिश बोहोरा — रु. १०,००० येन
११. नारायण बोहोरा (जिम्माल) — रु. १०,००० येन
१२. भुवन बोहोरा (गैरावारी) — रु. १०,००० येन
१३. दिप्सन बोहोरा (डाँडाबारी) — रु. १०,००० येन
१४. राम बहादुर बोहोरा (पिपलारुखा) — रु. २०,००० येन
१५. पवन बोहोरा — रु. १०,००० येन
१६. काजी बोहोरा — रु. ५,००० येन
१७. बसन्त बोहोरा — रु. १०,००० येन
१८. ईश्वर बोहोरा — रु. ५,००० येन
१९. रबिन बोहोरा (ढुङ्गेघरा) — रु. ५,००० येन
२०. सुनिल बोहोरा (मुखे) — रु. ५,००० येन
२१. तेजुन खड्का — रु. ५,००० येन
२२. अर्जुन बोहोरा (मजारा) — रु. १५,००० येन
२३. सुनिल बोहोरा (काडारुखा) — रु. ७,००० येन
२४. बिनोद बोहोरा (जिम्माल) — रु. ५,००० येन
२५. सन्देश बोहोरा (सिर्मरुख) — रु. १०,००० येन
२६. कोपिला बोहोरा (बुरचउरा) — रु. १०,००० येन
२७. सरु कार्की — रु. १०,००० येन
२८. खडक बोहोरा (जिम्माल) — रु. २१,००० येन
२९. जमुना बोहोरा क्षेत्री (चनपाटा) — रु. ५,००० येन
३०. कमला बोहोरा (जिम्माल) — रु. १०,००० येन
३१. बुद्ध बोहोरा (चनपाटा) — रु. १०,००० येन
३२. पुष्पा बोहोरा (निउरे) — रु. ५,००० येन
३३. सेरु बोहोरा र ईश्वर बोहोरा (मजारा) — रु. १०,००० येन
३४. कशमीरा बोहोरा — रु. ५,००० येन
३५. हरि पौडेल (बेसी) — रु. ५,००० येन
३६. मेखबहादुर बोहोरा (पाखरमाथि) — रु. १५,००० येन
३७. रिमा खत्री बोहोरा — रु. ५,००० येन
३८. लक्ष्मण बोहोरा (डाँडाबारी) — रु. १०,००० (नेपालबाट)
३९. मधु थापा — रु. १०,००० येन
४०. नरबहादुर बोहोरा (लाहुरे) — रु. ५,००० येन
४१. देवी बोहोरा (बस्नेत) — रु. १०,००० येन
४२. हरि बोहोरा (जिम्माल) — रु. ५,००० येन
४३. छम बोहोरा (अमृत बोहोराको पाखारा) — रु. २०,००० येन
४४. उदय बोहोरा (जिम्माल) — रु. ५,००० येन
४५. एम बोहोरा (मुखे) — रु. ५,००० येन
४६. लक्ष्मण बोहोरा (बेरपाटा) — रु. १०,००० येन
४७. राम बोहोरा र लाल बोहोरा (पुइँयरुखा) — रु. १०,००० येन
४८. राजन बोहोरा (भुल्केपानी) — रु. १०,००० येन
४९. पुरन बोहोरा, राजु बोहोरा र निर्मल बोहोरा (माझघरा) — रु. १५,००० येन
५०. रेशम बोहोरा (लाहुरे) — रु. ५,००० येन
५१. केशब बोहोरा (डाँडाबारी) — रु. ५,००० येन
५२. सहल बहादुर बोहोरा (बुरचउरा) — रु. ५,००० येन
५३. अनुराग शर्मा — रु. ५,००० येन
५४. जीवन कार्की — रु. ५,००० येन
५५. राजु खत्री (रातामाटा) — रु. १०,००० येन
५६. मन बोहोरा (माजरा) — रु. ५,००० येन
५७. अमर बोहोरा (माजरा) — रु. ५,००० येन
५८. अर्जुन खत्री (रातामाटा) — रु. १०,००० येन
५९. किशान बोहोरा (डाँडाबारी) — रु. ५,००० येन
६०. रामु बोहोरा (बुरचउरा) — रु. १०,००० येन
६१. चन्दु बोहोरा अधिकारी — रु. १०,००० येन
६२. प्रकाश बोहोरा (खरिया) — रु. १०,००० येन
६३. कुल बोहोरा (नायघरा) — रु. २०,००० येन
६४. निर्मल बोहोरा (ढुङ्गेघरा) — रु. ५,००० येन
६५. कुल बोहोरा (गैरपखरा) — रु. ५,००० येन
६६. हुम बोहोरा (पिपलारुखा) — रु. ५,५०० येन
६७. अनमोल र गुन्जा बोहोरा (डाँडाबारी) — रु. ५,००० येन
६८. चित्र बोहोरा (गल्लीपरी) — रु. ६,००० येन
६९. पम्फा बोहोरा थापा — रु. ५,००० येन
७०. भगवान् बोहोरा (गल्लीपरी) — रु. ५,५०० येन
७१. जीवन बोहोरा — रु. ५,००० येन
७२. अर्जुन बोहोरा (उझिन्डुगा) — रु. ५,००० येन
७३. माचुमोटो–सान (जापान) — रु. ५,००० येन
७४. जङ्ग बोहोरा (बुडचौरा) — रु. ५,००० येन
७५. मनबहादुर बोहोरा (पाखरमाथि) — रु. १५,००० येन
७६. गोमा बोहोरा — रु. १०,००० येन