टोकियो,जापान,साउन,२७,अभिनेता दयाहाङ राई र अभिनेत्री मिरुना मगरको अभिनित फिल्म ‘घरज्वाइँ” फिल्म आज अगस्ट ११ तारिख आईतवार टोकियोमा प्रदर्शन भएको छ।

नेपाल मगर संघ जापानको आयोजनामा प्रदर्शन भएको “घरज्वाइँ” फिल्मका अभिनेत्री मिरुना मगरले दर्शक संगै बसेर  फिल्म हेरेका थिए।

नेपाल मगर संघ जापानको आयोजनामा यो फिल्म जापानव्यापी रिलिज हुनेछ।यो फिल्म जापानका विभिन्न शहरहरुमा लाग्नेछ,यस्तै अगष्ट १४ मा नागोया शहरमा लाग्ने छ,भने अन्य दिन ओसाका, सिजुओका, फुकुओका, क्योटो, हिरोसिमा, ओकिनावा लगायतका शहरमा पनि फिल्म प्रदर्शन हुने आयोजक टिमले जनाएको छ।आयोजकका अनुसार दर्शकको मागअनुसार अभिनेत्री मिरुना मगर टोकियो आई पुगेकि हुन्।

प्रदर्शनमा नेपाली राजदूत दुर्गाबहादुर सुवेदीसहित गैरआवासीय नेपाली संघका प्रतिनिधिको पनि सहभागिता रहेको थियो।घरज्वाइँ फिल्म नेपालको पूर्वी रुकुमस्थित तकसेरा, बाच्चिगाउँ र लुगुम गाउँमा छायांकन गरिएको फिल्मले मगर समुदायमा प्रचलित घरज्वाइँ प्रथा र उक्त क्षेत्रमा हुने जवर्जस्ती विवाह गर्ने परम्परागत शैलीलाई छायाँङकनमा देखाईएको छ।

टोकियो पुगेर अभिनेत्री मिरुना मगरले के भनिन् ॥

टोकियोमा फिल्म प्रदर्शन हुनु पुर्व दर्शक सामु देखिएका अभिनेत्री मिरुना मगरले भनिन, यो “घरज्वाइँ” फिल्म नेपालमा पनी अत्याधिक मन पराईदिनु भएको र जापान लगायत अन्य मुलकमा अर्थात विदेशमा पनि यो फिल्म उत्तिकै मन मराईदिनु भएको र विदेशमा बसेर पनि आफ्नो पसिना बगाई काम गरेर नेपाली फिल्म लाई मन पराईदिनु भएकोमा अभिनेत्री मिरुना मगरले उपस्थित दर्शकलाई धन्यवाद आभार व्यक्त गर्दै आगामी दिनमा पनि यसरी नै आफ्ना फिल्महरुलाई मन पराईदिनु हुनेछ,भन्नेमा आशा व्यक्त गरिन्।साथै उनले भनिन:फिल्म हेरे पछि आफू यो फिल्म प्रति दर्शकको प्रतिकृया सुन्न आतुर रहेको बताउदै दर्शक संगै बसेर फिल्म हेरेका थिए।

अनिल बुढा मगरको निर्देशन र जनक घर्ती मगरको निर्माण रहेको फिल्ममा दयाहाङ राई र मिरुना मगरको अभिनय छ । यो फिल्म शुक्रबारदेखि ५औं हप्तामा प्रवेश गरेको छ।

टोकियो स्थित बुन्क्यौ सिभिई सेण्टर हलमा प्रदर्शनको भएको घरज्वाइँ फिल्म हेर्न सन्तोष जनक दर्शकको उपस्थित रहेको आयोजक टिमले बताएको छ।

“कबड्डी” फिल्मको टेलर पनि हेर्नुहोस् !!

ललितपुरको कुसुन्ती हाईट १३ मा अबस्थित श्री नेहा पोखरेल द्वारा संचालित मानशिक संतुलन गुमाएका महिला र अनाथ बालबालिकाको संरक्षण गरिरहेको संस्था नेपाल स्नेही काखको सहयोगार्थ दक्षिण कोरियाको गजेदो मा नेपाली कथानक चलचित्र जात्रै जात्रा पर्दर्शन गरिएको छ ।

DSME मगर समाजले सेप्टेम्बर ७ तारिखका दिन एक कार्यक्रमको आयोजना गरी नेपालमा अबस्थित नेपाल स्नेही काखको सहयोग गर्ने हेतुले नेपाली कथानक चलचित्र “जात्रै जात्राको” च्यारिटी सो प्रदर्शन गरिएको आयोजकले जनाएको हो ।

कार्यक्रम गजेदोको दुई ठुला पानी जहाज कम्पनी डेउ र सामसुङमा रहेका नेपाली लाई लक्षित गरि प्रदर्शन गरिएको थियो । कार्यक्रममा दर्शकको उल्लेख्नीय सहभागीता रहेको थियो ।

अनौपचारिक कार्यक्रम लाई सम्बोधन चलचित्र प्रदर्शन समितिका संयोजक नारायण थापाले गर्नु भएको थियो, भने संन्चालन मगर समाजका सचिव गोपाल तुम्सिङ मगरले गर्नु भएको थियो ।गजे देहाक्योको हलमा प्रदर्शन गरिएको उक्त चलचित्रको प्रायोजन लुम्बिनी रेस्टुरेन्टले गरेको थियो ।

फोटो फिचर

रेड बर्ड ब्यानरको निर्माणमा बनेको चलचित्र “पोइ पर्यो काले”को एउटा गीत बाहेक सम्पुर्ण सुटिङ सकिएको छ।

मल्टीस्टारर उक्त चलचित्रको सम्पुर्ण छायांकन पोखरामा सकिएको निर्माण टिमले बताएको छ। शिशिर राणाको लेखन तथा निर्देशन रहेको उक्त चलचित्र तिहारलाई लक्षित गरि कात्तिक ८ गते प्रदर्शन हुँदैछ।

चलचित्रमा सौगात मल्ल,पूजा शर्मा, आकाश श्रेष्ठ, सृष्टि श्रेष्ठ, सुरक्षा पन्त, सोहित मानन्धर राजाराम पौडेल लगायतका कलाकारको मुख्य भूमिका रहने छ ।

दिपक मनाङ्गे र अ देवी राइको लगानी रहेको चलचित्रमा किरण नेपाली र रघु परियार कार्यकारी निर्माताको रुपमा रहेका छन् । चलचित्रको प्रस्तुतकर्ता भने श्याम बहादुर थापा रहेका छन।

कमेडी कथावस्तुमा निर्माण हुन लागेको चलचित्रलाई शिव ढकालले छायांकन गरेका छन। त्यस्तै चलचित्रमा सुवाष भुषाल र पुरुषोत्तम न्यौपानेले मिठो संगीत भरेका छन। कविराज गहतराज, रामजी लामिछाने र राहुल शाहको उक्त चलचित्रमा कोरियोग्राफी रहेको छ ।

 
शुक्रबारबाट प्रदर्शनमा आएको चलचित्र ” कुम्भ करण”लाई  हेर्ने दर्शकले खुलेर तारिफ गरेका छन् ।

चलचित्र हेरीसके पछि दर्शकले राम्रो कथावस्तु भएको चलचित्र हेर्न पाएको बताए । एउटा सानो गाउ र त्या रहेको सरकारी स्कुलका ३ शिक्षक र १ अंग्रेजी शिक्षिकाको वरिपरि घुमीरहेको माया प्रेम , सामाजिक विषय र हास्य संवादले दर्शकलाई बाधि राख्छ ।

।

 हास्य र पानी सरि छल्किदै बगी रहेको कथामा अचानक आउने टुइस्ट नै चलचित्रको मेरोदण्ड हो । कि शिक्षिकाको हत्या कस्ले गर्यो ? यस्का लागि एकपल्ट चलचित्र हेर्न जरुरि छ । समाज र पारिवारिक कथामा बाधीयको चलचित्रले एउटा राम्रो संदेश भने पक्कै दिन्छ । चलचित्र हेरिसके पछी आफैमा आउने एउटा प्रश्न कतै हामी पनि गलत त छैनौ ? जस्ले गर्दा समाज संगै परिवारमा पनि नकारात्मक असर परिरहेको छ । करिब १ घण्टा ४७ मिनेट लामो रहेको यस चलचित्रमा कालाकारको काम तारिफ योग्य छ । हरेक पात्र आफ्नो अभिनयमा अब्बल छन् ।

आकाश पल इन्टेर्टेन्मेन्टको ब्यानरमा निर्माण भएको चलचित्र ” कुम्भ करण ”मा नायिका निशा अधिकारी ,गौरब पहाडी, भोलाराज सापकोटा , अभय बराल, प्रमोद अग्रहरी , आकाश पल, कुलदिप अधिकारी , कमल गाउले , प्रतिभा छेत्री, सुधब थापा लगाएतको अभिनय रहेको छ ।

 
दीपक ओली निर्देशित चलचित्रमा महेश दवाडीको कथा/पटकथा/संवाद, हरि घले लामाको छायाँकन, मिलन श्रेष्ठको सम्पादन र गोविन्द मधुर आचार्यको संगीत रहेको छ । जहाँ चित्रबहादुर घर्तिमगर, क्षितिज बस्नेत र चुपनिधि रिजालले निर्माण गरेको चलचित्रको कार्यकारी निर्माता रोम ओली हुन् ।

आउने शुक्रबार जेष्ठ १७ गतेबाट प्रदर्शनमा आउन लागेको चलचित्र ‘कप्स’मा पृथक विषयवस्तुलाई उठान गरिएको निर्देशक सम्राट सापकोटाले बताएका छन् ।

लामो समय अभिनयमा सक्रिय सापकोटाले चलचित्र `कप्स´प्रथम पटक निर्देशन गरेका हुन् ।आइतबार राजधानीमा चलचित्रको जानकारी दिनको लागि आयोजित पत्रकार सम्मेलनमा `कप्स´मा एक कर्तव्यनिष्ठ नेपाल प्रहरीको कथालाई उतारिएको उनले जानकारी दिए।

पछिल्लो समयमा हास्य र लभस्टोरी जनराका चलचित्रले बढी सफलता पाइरहेको समयमा यथार्थपरक र समय सापेक्ष चलचित्र आफ्नो टिमले निर्माण गरेको पनि निर्देशक सापकोटाले बताए।

चलचित्रमा निर्देशक सापकोटा संगै अनुप बिक्रम शाही ,सन्दिपा लिम्बू, अनुपा भट्टराई, रामराज क्षेत्री, पुरन जोशी, नन्दु श्रीवास्तब, सुन्दर श्रेष्ठ, बब्लु विक्रम थापा, अनुपमा भण्डारी, रोशन सुवेदीलगायतका कलाकारहरुको पनि अभिनय रहेको छ ।

‘आर्या मुभिज’ र ‘सारा श्री मुभिज’ को संयुक्त ब्यानरमा निर्मित चलचित्रमा सुशान्त प्रजापतिको छायांकन र अष्ट महर्जनको द्वन्द्व रहेको छ । त्यस्तै कविराज गहतराज र शिशिर खातीको कोरियोग्राफी , विजय घिमिरे र स्वयम्भुराज शाक्यको संगीत रहेको छ ।

राम शाक्य चलचित्रका निर्माता हुन भने चलचित्रलाई विपिन मल्लले सम्पादन गरेका छन् ।

जेष्ठ १७ गते शुक्रबारबाट प्रदर्शनमा आउन लागेको चलचित्र “कुम्भ करण” टिमले फुटसल खेल खेलाउने भएको छ।

राजधानी स्थित सेतोपुलमा रहेको फुटसल मैदानमा चलचित्र टिमले आइतबार(भोलि) फुटसल खेल खेलाउने भएको हो। टिमका अनुसार आइतबार दिउँसो १ बजेदेखि खेल सुरु हुनेछ। साथै खेलमा चलचित्र “कुम्भ करण”को टिम, पत्रकार ,होस्टेल टिम र कलेज टिमले सहभागिता जनाउन सक्ने चलचित्र टिमले जानकारी दिएको छ।

चलचित्रको प्रचारप्रसारका लागि निर्माण टिम कलेज-कलेजमा हिडिरहेको बेला प्रचारप्रसारलाई अझ प्रभावकारी बनाउने उद्देश्यले उक्त फुटसल खेलको आयोजना गरिएको हो। खेलमा सहभागीको लागि निमन्त्रणा स्वरुप चलचित्र टिमले एक पोस्टर समेत तयार पारेको छ।

दिपक वली निर्देशित उक्त चलचित्र एक ग्रामीण विद्यालयका शिक्षक-शिक्षिकाबिचमा हुने प्रेम सम्बन्ध, द्वन्द र सस्पेन्समा आधारित रहेको छ।
आकाश पल इन्टरटेनमेन्टको व्यानरमा निर्मित
उक्त चलचित्रमा निशा अधिकारी, भोलाराज
सापकोटा, गौरव पहारी , अभय बराल संगै आकाश पल, कुलदीप अधिकारी, कमल गाउले, प्रतिभा क्षेत्री, सदभाव थापा लगायतका कलाकारहरुको पनि अभिनय देख्न सकिन्छ।

 महेश दवाडीको कथा,पटकथा तथा संवाद रहेको उक्त चलचित्रमा हरि घले लामाको छायाँकन, मिलन श्रेष्ठको सम्पादन र गोविन्द मधुर आचार्यको संगीत रहेको छ । चलचित्रलाई चित्रबहादुर घर्तिमगर, क्षितिज बस्नेत र चुपनिधि रिजालले संयुक्त रुपमा निर्माण गरेका हुन भने चलचित्रको कार्यकारी निर्माता रोम ओली रहेका छन।

आकाश पल इन्टरटेनमेन्टको व्यानरमा निर्मित चलचित्र “कुम्भ करण” जेष्ठ १७ गते (शुक्रबार) बाट देशभर एकसाथ प्रदर्शन हुनेभएको छ।

दिपक वली निर्देशित उक्त चलचित्र एक ग्रामीण विद्यालयका शिक्षक-शिक्षिकाबिचमा हुने प्रेम सम्बन्ध, द्वन्द र सस्पेन्समा आधारित रहेको छ।
चलचित्रमा निशा अधिकारी, भोलाराज
सापकोटा, गौरव पहारी , अभय बराल संगै आकाश पल, कुलदीप अधिकारी, कमल गाउले, प्रतिभा क्षेत्री, सदभाव थापा लगायतका कलाकारहरुको पनि अभिनय देख्न सकिन्छ।

 महेश दवाडीको कथा,पटकथा तथा संवाद रहेको उक्त चलचित्रमा हरि घले लामाको छायाँकन, मिलन श्रेष्ठको सम्पादन र गोविन्द मधुर आचार्यको संगीत रहेको छ । चलचित्रलाई चित्रबहादुर घर्तिमगर, क्षितिज बस्नेत र चुपनिधि रिजालले संयुक्त रुपमा निर्माण गरेका हुन भने चलचित्रको कार्यकारी निर्माता रोम ओली रहेका छन।

चलचित्रको ट्रेलर हेर्नुस..

नेपालमा बनेको सबैभन्दा पहिलो चलचित्र`आमा´ तेस्रो पटक फेरि निर्माण हुने भएको छ।

सुपरहिट चलचित्र `पशुपती प्रसाद´ फेम्ड सफल निर्देशक दीपेन्द्र के खनालले दुईपटक निर्माण भइसकेको चलचित्र आमाको नाम सापट लिएर तेस्रोपटक बनाउने भएका हुन।

यस भन्दा अगाडि आमा नामक चलचित्र वि.सं. २०२० मा हीरासिंह खत्रीले र वि.सं. २०५१ सालमा रेसराज आचार्यले बनाईसकेका थिए।

दिपेन्द्र के खनालले नै छायांकन अनि निर्देशन गर्ने उक्त चलचित्रमा कथा पनि उनकै रहने छ।
एक आमा र छोरीबिचको सम्बन्धको कथामा आधारीत रहेर निर्माण हुने उक्त चलचित्रलाई शर्मिला पाण्डेले निर्माण गर्नेछिन।
चलचित्रको टाइटल क्यारेक्टरमा सुर्यमाला खनाल र छोरीको भुमिकामा सुरक्षा पन्त अनुबन्धित भैसकेको निर्माण टिमले जनाएको छ।

चलचित्रमा भुपेन्द्र खड्काले गीत लेख्ने छन। असार दोस्रो हप्ताबाट छायांकन सुरु हुने उक्त चलचित्रमा देशभक्त खनाल,सरिता गिरी, आशान्त शर्मा, मनिष निरौला, पदम बुढा लगायतको पनि अभिनय रहने छ। चलचित्रको प्रदर्शन मिति आउँने फाल्गुन ९ गते तय गरिएको पनि निर्माण टिमले जानकारी दिएको छ।

नेपालगन्ज,बैशाख,१६-

नेपालगन्जमा पहिलो पटक शैक्षिक चलचित्र निर्माण हुने भएको छ।

शैक्षिक गुणस्तर, विद्यालय सुधार र प्राबिधिक एवम व्यवहारिक शिक्षाको महत्व सम्बन्धि जानकारीको लागी नेपालगजमा शैक्षिक चलचित्र निर्माण हुने भएको हो ।

रोचक कथा बस्तु एवम कलाकारीको माध्यायमबाट सरल र सहज रुपमा आम नागरिक तथा शिक्षक, विद्यार्थी, अभिभावक एवम् राज्यलाई सजक र सचेत गराउने उदेश्यका साथ चलचित्र निर्माण गर्ने
लागको चलचित्र लेखक तथा निर्देशक बिपिन खड्काले जानकारी गराउनु भयो ।

खड्काका अनुसार हरेक पेषा, व्यवसायहरुका बालबालिकाहरु अध्ययन गर्ने र सबै भन्दा महत्वपुर्ण समय बिताउने शैक्षिक संस्थाहरुलाई गुणस्तर एवम व्यवहारिक शिक्षाको लागी खबरदारी गर्नु, सल्लाह सुजाव दिनु तपाइ हामी सबैको कर्तव्य हो । यस कारण उज्यालो अभियान मिडिया प्रा.लि. नेपालगंजले बाँके जिल्लालाई शैक्षिक हव बनाउन बिभिन्न शिक्षा प्रेमी, बौद्धिक व्यक्तिहरुसंगको सहकार्य तथा सल्लाह सुजावको आधारमा शैक्षिक चलचित्र निर्माण हुदै छ ।

सरल तथा रोचक कथा बस्तुको प्रयोग गरी शिक्षा क्षेत्रमा देखियका बिभिन्न बिकृति बिसंगती हटाउदै शिक्षकलाई आफ्नो पेशा प्रति बढि जिम्मेवार बनाउन, विद्यार्थीहरुलाई आफ्नो शिक्षा र भविष्य प्रति सजग र सचेत बनाउन, अभिभावकलाई आफ्ना सन्तान अध्यान गरिरहेको बिद्यालयमा बेला मौकामा खोज खबर गर्ने बानिको बिकास गराउन, राज्यलाई शैक्षिक निति निर्माणसंगै प्रभावकारी अनुगमन एवम निगरानी गर्न दवाब दिने यस चलचित्रको उदेश्य रहेको छ ।

चलचित्र हेरिसके पछि हरेक नागरिक एवम विद्यार्थी, अभिभावक, शिक्षकहरुको व्यवहार मा सकारात्मक परिवर्तण ल्याउने निर्देशक खड्काको भनाइछ ।
अबको केही दिनमै शैक्षिक चलचित्रको लागी नयाँ कलाकारहरुको अडिशन लिने लेखक तथा निर्देशक खड्काले जानकारी गराउनु भयो ।

चलचित्र निर्माताहरुको एक समिति निर्माण कार्य अन्तिम तरण मा पुगेको र बैशाख २० गते सम्म निर्माता समिति निर्माण गरी चलचित्रको गीत तथा राष्ट्रिय स्तरमा चलेका केही चर्चित कलाकारहरुसङ्ग सम्झौता गर्ने जानकारी निर्माण टिमले जानकारी गराउनु भयो ।

निर्माण टिमका अनुसार चलचित्रको छायाँकन यही जेठ बाट गरीने छ । चलचित्र देशका बिभिन्न हलहरुमा प्रदर्शन एवम च्यारेटि शो गरिने छ । बिदेशहरुमा पनि चलचित्र प्रदशन गरिने छ र देशका बिभिन्न स्कुल तथा क्याम्पसहरुमा पनि चलचित्र प्रदर्शन गरिने छ।

साथै चलचित्र निर्माणका लागी आवश्यक सबै प्राबिधिक उपकरण र प्राभिधिक टिम काठमान्डौँ बाट आउने र चलचित्र क्षेत्रमा लामो अनुभव बटुलेका प्राबिधिक टिम बाट यो चलचित्रको छायाँकन गरिने चलचित्रका लेखक तथा निर्देशन खड्काले बताउनु भयो।