टोकियो,भदौ,२२-नेपाल मगर संघ जापानको २२ औं  केन्द्रीय महाधिवेशन आउदो अक्टोबर ११ तारिख शनिबारका दिन हुने भएको छ।

संघले आफ्नो २१ औं कार्यसमितिको कार्यकाल सफलतापूर्वक पूरा गर्दै अर्को कार्यसमिति चयन गर्नुपर्ने आवश्यकतालाई ध्यानमा राख्दै टोकियो स्थित ईकेबुकुरोमा रहेको तोशिमा वार्ड प्रदर्शन कला केन्द्रको सभाहलमा अधिवेशन गर्न लागेको हो।

सन् १९९५ मा स्थापना भएको नेपाल मगर संघ जापानले विभिन्न संघ संस्थाहरुसँग सहकार्य र समन्वय गर्दै तिन दशक लामो इतिहासको यात्रामा विविध अप्ठ्यारो परिस्थितिको सामना गर्दै आफ्नो जातीय भाषा, धर्म, रीतिरिवाज, अस्तित्व तथा पहिचानको संरक्षण र सम्बर्द्धनमा टेवा पुर्याउँदै आईरहेको नेपाल मगर संघ जापानका केन्द्रीय महासचिव भिक्टर ठाडा मगरले बिहानी अनलाईनलाई जानकारी दिनुभयो।

जापानभरी मगर संघले आफ्नो ६ शाखा विस्तार गरिसकेको छ,भने सेन्दाईमा पनि क्षेत्रिय समितिको चाडैँ विस्तार गर्ने तयारी भैई रहेको जनाएको छ।

यसैविच : नेपाल मगर संघ जापान क्षेत्रिय समितिको अधिवेशनले गुम्मा केनको अध्यक्ष पदमा बालकृष्ण पुर्जा मगर लाई चयन गरेको छ भने क्षेत्रिय समिती सिजोउका केनको अध्यक्षमा शोभा पुर्जा मगर यस्तै क्षेत्रिय समिति तोकाई (नागोया) को अध्यक्ष पदमा रोशन थापा मगर चयन हुनु भएको थियो।

यसगरी : क्षेत्रिय समिती कान्साई ( ओसाका )को अध्यक्षमा पूर्ण गर्बुजा मगर लाई चयन गरेको छ भने क्षेत्रिय समिती क्युस्यु (फुकुओका) केनको अध्यक्ष पदमा युकेश राना मगर र क्षेत्रिय समिती ओकिनावामा अध्यक्ष पदमा राम बहादुर थापा मगर लाई चयन गरिएको नेपाल मगर संघ जापानका केन्द्रिय समितिका महासचिव भिक्टर ठाडा मगरले जानकारी दिनुभयो।

यस संघले स्थापनाकाल देखी नै आफ्नो मुख्य पर्वहरु माघे संक्रान्ती लगायत नेपाली संस्कृती झल्किने विभिन्न सांगितिक कार्यक्रम तथा सामाजीक कार्य गर्दै आईरहेको छ।

संघको २२ औं केन्द्रीय अधिवेशन सफलतापूर्वक सम्पन्न गर्न शाखाका अध्यक्ष, पदाधिकारीहरु एवं सदस्यहरु, संस्था सम्बद्ध सल्लाहकारहरु, विभागीय प्रमुखहरु, खेलाडीहरु, संस्थाका समस्त शुभचिन्तक, मगर दाजुभाई तथा दिदीबहिनीहरुलाई गरिमामय उपस्थितिको लागी आयोजकले अनुरोध गरेको छ।

नेपाल मगर संघ केन्द्रिय समितीको महाधिवेशन हुने स्थान र समय तालिका तल उल्लेख गरिएको छ।

स्थान :Tokyo to Toshimaku Higashi Ikebukuro 4-5-2 Toshima Ward Performing Arts Center

काठमाडौंमा शनिबार भोलि “स्कुटर एण्ड मोटरसाइकल र्‍याली “कार्यक्रम हुनेभएको छ।

लायन्स क्लब अफ काठमाडौं आधारको आयोजनामा भोलि उक्त कार्यक्रम सम्पन्न हुनेभएको हो। काठमाडौंको बुद्धमलदेखी र्‍याली सुरु हुने आयोजकले जनाएको छ।

आयोजकका अनुसार कार्यक्रम बिहान साढे सात बजेदेखि सुरु हुनेछ। र्‍याली बुद्धमल देखि चक्रपथ , चक्रपथ देखि लाजिम्पाट , लाजिम्पाट देखि किङस वे, भद्रकाली ,माइतीघर र बानेश्वर हुँदै कोटेश्वर पुगेर टुंगिने छ।

कार्यक्रममा र्‍याली सङ्गै ट्राफिक नियमको पालना सम्बन्धी सतर्कता कार्यक्रम रहेको र र्‍यालीमा उपस्थित हुनेलाई निशुल्क टि-सर्टको व्यवस्था रहेको पनि आयोजकले जनाएको छ।

युवाहरूलाई ट्राफिक नियम पालना गर्नुपर्छ, ट्राफिक नियम सम्बन्धी सबैजनालाई जनचेतना फैलाउनु पर्छ भन्ने भावना जागृत गराउने मुख्य उद्देश्यले “स्कुटर एण्ड मोटरसाइकल र्‍याली “को आयोजना गर्न लागेको आयोजकले बताएको छ।

रेड बर्ड ब्यानरको निर्माणमा बनेको चलचित्र “पोइ पर्यो काले”को एउटा गीत बाहेक सम्पुर्ण सुटिङ सकिएको छ।

मल्टीस्टारर उक्त चलचित्रको सम्पुर्ण छायांकन पोखरामा सकिएको निर्माण टिमले बताएको छ। शिशिर राणाको लेखन तथा निर्देशन रहेको उक्त चलचित्र तिहारलाई लक्षित गरि कात्तिक ८ गते प्रदर्शन हुँदैछ।

चलचित्रमा सौगात मल्ल,पूजा शर्मा, आकाश श्रेष्ठ, सृष्टि श्रेष्ठ, सुरक्षा पन्त, सोहित मानन्धर राजाराम पौडेल लगायतका कलाकारको मुख्य भूमिका रहने छ ।

दिपक मनाङ्गे र अ देवी राइको लगानी रहेको चलचित्रमा किरण नेपाली र रघु परियार कार्यकारी निर्माताको रुपमा रहेका छन् । चलचित्रको प्रस्तुतकर्ता भने श्याम बहादुर थापा रहेका छन।

कमेडी कथावस्तुमा निर्माण हुन लागेको चलचित्रलाई शिव ढकालले छायांकन गरेका छन। त्यस्तै चलचित्रमा सुवाष भुषाल र पुरुषोत्तम न्यौपानेले मिठो संगीत भरेका छन। कविराज गहतराज, रामजी लामिछाने र राहुल शाहको उक्त चलचित्रमा कोरियोग्राफी रहेको छ ।

बाँकेको कोहलपुर नगरपालिका वडा नम्बर १ कौशिलानगरका हेमन्त सिंह ठकुरीको दुबै मृगौला फेल भएपछी उनलाई उपचार अभाव भएको छ ।

फाल्गुन महिनादेखि ओछ्यानमै थला परेका हेमन्तको घरको आर्थिक अवस्था निकै दयनिय भएपछि उपचार गराउन नसकेर ओछ्यानमै थलिनुपरेको छ । २८ वर्षीया हेमन्त हिडडुल मात्र नभएर उठेर बस्न पनि नसक्ने अवस्थामा पुगिसकेका छन । उनको शरीरमा अहिले हाड र छाला बाहेक अरु केही छैन ।

गत मंसिर ७ गते भेरी अञ्चल अस्पताल नेपालगन्जबाट दुईवटै मृगौला फेल भएको थाहा भएपछि उनलाई उपचारको लागि काठमाडौ र भारतको लखनउसम्म लगिएको थियो । नेपालगन्जको सोल्टी होटलमा सिकेको कुकको सिपलाई उनले सदुपयोग गर्न सकिरहेका छैनन । उनलाई हेर्दा लाग्छ उनी मृत्युलाई पर्खिरहेका छन ।

उनको दयनीय अवस्था भएकाले सबैमा उनले सहयोगको अपिल गरेका छन । दुबै मृगौला पिडित हेमन्तले प्लस टु सम्मको अध्ययन गरेका छन । भाइको स्याहारसुसार अहिले उनकी दिदी सुमित्रा सिंह ठकुरीले गर्दै आएकि छिन । सुमित्रा भाडामा बस्छिन । एउटा सटरमा सानोतिनो सिलाईकटाई गर्छिन ।

त्यही पसलबाट कमाएको केही पैसाले आफू र भाइ हेमन्तलाई खर्च गर्ने गरेको बताउँछिन । भाइको त्यस्तो दयनीय अबस्था देख्दा सुमित्रा भक्कानिदै भनिन् मेरो भाईलाई बचाइदिनुस । सुमित्राका अनुसार हेमन्त कामको सिलसिलामा गत कार्तिक महिनामा पोखरा गएका थिए । गएको १७ दिन हुन नपाउँदै हेमन्तको घाँटी लगायत शरिरमा घाउ देखा पर्न थाल्यो ।

त्यसपछि हेमन्तले पोखरामा काम गर्न सकेनन । उनी कोहलपुर फर्किए । फर्किएपछि उनलाई भेरी अञ्चल अस्पताल नेपालगन्जमा डाइगोनोसिस गराइयो। डाइगोसिसपछि पत्ता लाग्यो हेमन्तको दुबै मृगौला फेल भएछन । परिवारमा निराशा छायो । हेमन्त पहिले जस्तो बोल्न सक्दैनन ।

उनको परिवारमा अहिले आमा, बुवा र उनकी श्रीमती छ्न। श्रीमती लगायत आमा बुवा सल्यानमा रहेको हेमन्त बताउँछन । हेमन्तले बिहे गरेको डेढ वर्ष भयो । उनलाई बचाउन गाउँलेले पहल समेत गरेका थिए । उनको बुवाले एउटा मृगौला दिए हेमन्त बाँच्न सक्ने बताइएको थियो । हेमन्त रुँदै भन्छन्, “बुवाले म मृगौला कुनै हालतमा दिन्न भन्नुभयो । त्यसपछी बाँच्ने आश हरायो । अहिले उपचार अनि मृगौला फेर्न आफुसंग पैँसा छैन । उपचार गर्नको लागि डाक्टरले १५ र २० लाख भन्दा सम्म लाग्छ भनेको हेमन्तको भनाई छ ।

आफू संग हजार छैन कसरी यत्रो पैसा ल्याउनु उनले भावुकहुदै भने, – ‘अब मृत्यु कुर्न बाहेक केही उपाय छैन ।’ सबैले सहयोग गर्दिए आफू पहिलेकै अवस्थामा फर्किन सक्ने उनी बताउँछन । उनले सबैलाई आर्थिक सहयोग गरिदिन समेत आगामी गरेका छन। उनकी दिदी सुमित्राले पनि आफ्नो भाइलाई बचाईदिन आग्रह गरेकी छिन। सुमित्रा रुँदै भन्छिन,“सबैले सहयोग गरिदिनु भयो भने मेरो भाइ बाँच्ने थियो ।

हेर्नुस भिडियो…

नेपालगन्जमा जारी अन्तर वडा स्तरीय क्रिकेट प्रतियोगितामा वडा नं. २३ र ३ विजयी भएका छन् ।

नेपालगन्जको मंगलप्रसाद माविमा आइतबार भएको प्रतियोगिताको पहिलो खेलमा वडा नं. २१ लाई ३३ रनले पराजित गर्दै वडा नम्बर २३ बिजयी भएको हो । खेलमा टस जितेर पहिला व्याटिङ गरेको वडा नं. २३ ले निर्धारित १५ ओभरमा ६ विकेट गुमाउँदै १ सय ४९ रन बनाएको थियो । त्यसका लागि हसिब सिद्धीकिले ३२,साहिद अन्सारिले २७ र अतिस शेखले २२ रनको पारी खेलेका थिए । २१ का बलर गौरभ जग शाही र सहिद रिजाले २ /२ बिकेट लिए ।

जवाफि व्याटिङगमा आएको वडा नं. २१ ले १५ ओभरमा ८ बिकेट गुमाएर १ सय १६ रन मात्र बनाउन सक्यो। उसका लागि बिक्रम बुढाथोकि ३३ र पुष्कर शर्माले १२ रन बनाउनु बाहेक अन्य ले राम्रो प्रदर्शन गर्न सकेनन् । २३ का अक्रम शेख,अनिश शेख, बलर नसि मुल्लाले समान २/२ बिकेट लिए ।खेलमा हसिब शेख म्यानअफ द म्याच घोषित भए ।

त्यस्तै दोस्रो खेलमा वडा न ३ बिजयी भयो । उसले वडा नम्बर १ लाई ६ बिकेटले पराजित गरेको हो । खेलमा पहिला व्याटिङ गरेको १ ले निर्धारित १५ ओभरमा ७ बिकेट गुमाउदै १ सय ३७ रन वनायो । उसका लागि राष्ट्रिय खेलाडी समेत रहेका सिद्धान्त राज शाहीले ४८ अमित पौडेलले ४१ र रोहन केसीले १५ रन बनाए ।

शाहीले २७ बलमा २ चौका र ४ छक्का प्रहार गरे । उनी रन आउट हुन पुगे । ३ का बलर मुजिब अन्सारीले २,रिजवान अन्सारी र दिल्साद अन्सारीले १ बिकेट लिए । जबाफी व्याटिङमा आएको ३ ले १४ ओभर २ बलमा लक्ष्य भेटायो । उसका लागि अब्दुला अन्सारीले ३९,सोयब हल्बाइले ३८ र मुजिब अन्सारी ३५ रन बनाए ।

१ का बलर रकिब रानाले २ तथा सुगम बिसि ले १ बिकेट लिए । प्रतियोगितामा मुजिब अन्सारी म्यान अफ द म्याच घोषित भए । प्रतियोगितामा मंगलबार पहिलो खेलमा ७ र ११ तथा दोस्रोमा १२ र १४ वडा बिच खेल हुने प्रतियोगिताका संयोजक तरुन बज्राचार्यले जानकारी दिए ।

प्रतियोगिताको विजेताले १ लाख रुपैयाँ नगद पुरस्कार प्राप्त गर्नेछ भने उपविजेताले ५० हजार नगद प्राप्त गर्ने छ । एक्सपर्ट एजुकेशन एण्ड भिसा सर्भिसले मुख्य प्रायोजन, कैलपाल कलेजको सह प्रायोजन रहेको छ । नेपालगन्ज उपमहानगरपालिकाको कार्यालय, वडा नं. ७, १०, ११ र १२ को आर्थिक सहयोगमा द गु्रप अफ सिक्टिनले सो प्रतियोगिताको आयोजना गरेको हो ।

प्रतियोगितामा खेलाडी तथा दर्शकले एक हातले बल क्याच गरेमा नगद १ हजार पुरस्कारको व्यवस्था गरिएको छ । अहिले सम्म ११ जनाले सो नगद पाएका छ्न । एक्सपर्ट एजुकेशन एण्ड भिसा सर्भिसले यसको व्यवस्था गरेको हो । त्यसै गरि खेल हेर्न आउने दर्शक मध्य प्रत्येक दिन१ जना लाई गोला प्रथाबाट फ्यान अफ द डे घोषणा गरि आकर्षक पुरस्कर दिइने छ । सो पुरस्कार पनि एक्सपर्टले नै प्रदान गरेको छ । सोमबार सो पुरस्कार नेपालगन्जका शाहले प्राप्त गरे ।

आदर्श मावि नेपालगन्जमा शुक्रबार हाउस वाईज वक्तित्वकला प्रतियोगिता गराइएको छ।

आधारभुत तह कक्षा ६ देखि ८ र मावि तह कक्षा ९ र १० कक्षा सम्मका विद्यार्थीहरुबिच वक्तित्वकला प्रतियोगिता गराइएको छ।आधारभुत तहका लागि वक्तित्वकलाको शिर्षक “हाम्रो आदर्श, हाम्रो अनुशासन ” भन्ने थियो भने माविका लागि शिर्षक “द्वन्द व्यवस्थापनमा युवाहरुको भुमिका ” रहेको आदर्शका अध्यापक तथा कोअर्डिनेटर विष्णु गिरीले जानकारी दिनुभयो।

प्रतियोगितामा आधारभुत र मावि तहका विभिन्न हाउसका ३० जना विद्यार्थीहरुले सहभागीता जनाएका थिए।

आधारभुत तहको वक्तित्वकला प्रतियोगितामा ग्रीन हाउसकी प्रकृति न्यौपाने प्रथम, रेड हाउसकी आकृती पुन द्वितीय र ब्लु हाउसकी बिबिका भण्डारी तृतीय भएका छन।

त्यस्तै कक्षा ९ र १० अन्तर्गत चार वटा हाउसका सदस्यहरुबिच गराइएको “द्वन्द व्यवस्थापनमा युवाहरुको भुमिका” शिर्षक वक्तित्वकला प्रतियोगितामा ग्रीन हाउसकी सृष्टि सापकोटा प्रथम भएकी छिन। त्यस्तै रेड हाउसकी सुप्रीया पौडेल दोस्रो , रेड हाउसकै दिया रजौरे तृतीय र ग्रीन हाउसकै अशिम पोखरेल चौँथो भएका छन।

प्रतियोगितामा प्रथम ,द्वितीय , तृतीय र चौँथो हुने विद्यार्थीहरुलाई आदर्श माविका चिफ डाइरेक्टर ईश्वर प्रसाद पोखरेल र आदर्श माविका पृन्सिपल बिरभान केसीले अविर लगाइदिएर प्रमाणपत्र वितरण गर्नुभएको थियो।

विद्यार्थीहरुलाई चौतर्फी ज्ञानले पोख्त बनाउने उद्देश्यले वक्तित्वकलाको आयोजना गरिएको र साथै हरेक शुक्रबार विद्यालयमा विभिन्न अतिरिक्त क्रियाकलाप गराउँदै आएको आदर्शका चिफ डाइरेक्टर पोखरेलले बताउनु भयो।

प्रतियोगितामा प्रथम , द्वितीय , तृतीय र चौँथो हुने विद्यार्थीहरुलाई बधाई दिँदै बिरभान केसीले भन्नुभयो, ” विद्यार्थीको सेल्फ मोटिभेटको लागि वक्तित्वकला गराएका हौँ। विद्यार्थीको क्षमतामा विकास गराउनको लागि एक्स्ट्रा नलेजको आवस्यक पर्दछ। त्यसै अनुरुप हरेक शुक्रबार अतिरिक्त कार्यक्रम आदर्शमा हुँदै आएको छ।”

शिक्षक-शिक्षिका लगायत विद्यार्थीको निकै उत्साहजनक उपस्थिति रहेको उक्त प्रतियोगिताको सन्चालन शिक्षक रामजित चौधरीले गर्नुभएको थियो। कार्यक्रमको सहजीकरण अन्जली जैन, रामदास दहित , अर्चिता क्षेत्री, यशोदा बस्नेत र लक्ष्मी गौतमले गर्नुभएको थियो।

बाँकेमा आफ्नै श्रीमानको बन्चरो प्रहारबाट श्रीमती गम्भीर घाइते भएकी छिन् ।

बाँके जानकी गाउँपालिका वडा न ३ मानपुर निवासी ५९ वर्षीया श्रीमान पन्चराम हरिजनले शनिबार बिहान ९ बजेतिर आफ्नै श्रीमती ४५ वर्षीया कप्तरा हरिजनमाथी बन्चरो प्रहार गरि गम्भीर घाइते बनाएका हुन। श्रीमान-श्रीमतीबिच करिव १५/१६ दिन अघिदेखि नै झगडा हुँदै आएको बताइएको छ।

इलाका प्रहरी कार्यालय मानपुरका प्रहरी नायब उपरीक्षक राजकुमार सिंहका अनुसार पन्चराम हरिजनले श्रीमतीमाथी बन्चरो प्रहार गरेपछि पन्चराम आफै प्रहरी कार्यालय पुगेका थिए। उनी अहिले प्रहरीको नियन्त्रणमा रहेका छन।

घाइते कप्तरलाई अहिले उपचारका नेपालगन्ज मेडिकल कलेजमा लगिएको छ।

लायन्स क्लब अफ नेपालगन्ज एभरेस्टले नेपालगन्जमा निशुल्क स्वास्थ्य शिविर गरेको छ।

सामाजिक क्षेत्रमा काम गर्ने संस्था लायन्स क्लब अफ नेपालगन्ज एभरेस्टले अाज(शुक्रबार ) नेपालगन्जको सेतु बि-क- चोक नजिकै रहेको उज्यालो बचत तथा ऋण सहकारी संस्था लिमिटेड संस्थाका पदाधिकारी तथा बचतकर्ताहरुको निशुल्क स्वास्थ्य परिक्षण गरेको हो ।

लायन्स क्लबका कार्यसमितिका पदाधिकारी तथा प्राविधिक कर्मचारीहरुको उपस्थितिमा कार्यक्रम गरिएको थियोे । क्लबका अध्यक्ष ध्रुबराज शर्माको अध्यक्षता, क्लबका प्रथम उपाध्यक्ष के-पी- घिमिरे ,सचीव दिपक कुमार गुप्ता, कोषाध्यक्ष सुमन गिरी, सदस्यहरु पुर्ण देव गिरी, हिरा खरेल, बसन्ता शर्मा , फनकला बस्याल, लगायतकाको सहभागी रहेको थियो ।

उक्त सहकारी संस्थासंग अाबद्द रहेका बचतकर्ता तथा पदाधिकारीहरुको डाइवेटिज सुगरको जाँच , ब्लड प्रेसर चेकजाँच गरिएको उक्त सहकारी संस्थाकी अध्यक्ष हिरा खरेलले बताउनुभयो ।

क्लबले उक्त सहकारीमा ५५ जना जतिको स्वास्थ्य परिक्षण गरेको क्लबकी कोषाध्यक्ष सुमन गिरीले बताउनु भयो । उक्त सहकारीमा अाएर यसरी लायन्स क्लबले निशुल्क स्वास्थ्य चेकजाँच गरेकोमा सहकारीकी सचीव बसन्ता शर्माले क्लब परिवारलाई धन्यवाद दिनु भएको थियोे ।

लायन्स क्लब अफ नेपालगन्ज एभरेस्टले विभिन्न क्षेत्रमा यस्तो कार्यहरु गर्दै अाईरहेको क्लबका सचिब दिपक गुप्ताले बताउनुभयो ।
उक्त स्वास्थ्य चेकजाँच गर्न नेपालगन्ज मेडिकल कलेज नेपालगन्जमा कार्यरत कर्मचारीहरु कविता गिरी , जानुका कंडेल , सुमन गिरी लगायतले सहयोग गरेका थिए । उक्त कार्यक्रम लायन्स क्लबको अायोजना र उज्यालो बचत तथा ऋण सहकारी संस्था लिमिटेडको सह अायोजकमा उक्त कार्यक्रम गरिएको क्लबका अध्यक्ष ध्रुवराज शर्माले बताउनुभयो ।

बाँकेको बैजनाथ गाउँपालिका स्थित सुर्योदय माबि मा सञ्चालित वालिका शिक्षा कार्यक्रम प्रभावकारी बन्दै गएको छ ।

यसअन्तर्गत कक्षा ८,९ र १० मा अध्ययनरत वालिका, वालिकाका अभिभावक र सम्बन्धित गाउँपालिकाका सरोकारवालाहरुसंग मंगलवार अन्तरक्रिया गरिएको छ ।

रुम टु रिड् र पढनको लागि कोठा नामक संस्थाले उक्त बिद्यालयमा अध्ययनरत वालिकाहरुलाई जीवन उपयोगी सीप शिक्षा तालिम मार्फत वालिकाहरुको नेतृत्व विकास, सम्बन्ध बिस्तार सिप, सञ्चार सिप र बचत गर्न सक्ने सिप तथा वालिकाहरुको जीवनमा आएको परिवर्तन र अभिभावक संगको भूमिकाको बारेमा अन्तरक्रिया तथा सयुक्त अनुगमन समेत गरेको छ ।

समस्या मा परेका वालिकाहरुलाई शैक्षिक सामाग्री, जीवन उपयोगी शिक्षा मार्फत बालिकाहरुलाई नियमित बिधालयमा उपस्थित गराउने उनिहरु लाई तालीम, सिविर तथा नियमित मेनटोरीङ समेत गर्ने गरेको छ ।
कार्यक्रममा १९० जना भन्दा बढी वालिका, वालिकाका अभिभावक, शिक्षक, गाउँपालिका जनप्रतिनिधि लगायतको सहभागिता रहेको थियो ।

अन्तरक्रिया कार्यक्रममा सहभागी वालीकाहरुले आफूमाथि आएको परिवर्तनको बिषयमा सबै सामु आफ्ना भनाईहरु राखेका थिए । उक्त संस्थाले सन् २०१५ बाट बाकेका ११ विद्यालयहरुमा वालिका शिक्षा कार्यक्रम संचालन गर्दै आइरहेको छ । कक्षा ६ मा लगातार तीन बर्ष कार्यक्रममा आवद्ध गरिएका वालिकाहरुलाई माध्यमिक शिक्षा सुरक्षित रुपमा उत्तिर्ण हुने वातावरणको श्रृजना गरेको हो ।

कार्यक्रमका प्रमुख अतिथि जिल्ला समन्वय समिति बाँकेका संयोजक अजयकुमार श्रीवास्तवले यस संस्थाले लागु गरेको कार्यक्रमले बिद्यालयमा अध्ययन गर्ने वालिकाहरुको शिक्षामा परिवर्तन ल्याउने बताए ।

बैजनाथ गाउँपालिका प्रमुख मान बहादुर रुचालले वालिकाहरुमा पढाईमा रुची बढ्नुका साथै बालिकाहरु आफुलाई हुने हरेक हिंसाबाट बचाउँदै र आफुले सिकेका कुराहरु आफ्नो जिबनमा लागु गरेर अगाडी बढ्न शुझाब दिनु भयो यो कार्यक्रम प्रभावकारी देखिएकोले गाउँपालिकाका अरु बिद्यालयमा पनि समन्वय गरेर अगाडी बढ्ने जनाए र यो कार्यक्रमको निरन्तरताको लागि गाउँपालिकाले ब्यबस्था गर्ने समेत बताए ।

काठमाडौँको बाजा नेपाल र नेपालगंजको उडान नेपालबीच गत जेष्ठ १२ गते नेपालगंजमा पनि बाजा तथा संगीत सम्बन्धि उधमशिलता बिकाश गर्ने सम्झौता भएको छ ।
काठमाडौँको सामाखुसीमा रहेको बाजा नेपाल पिछडिएका बाजा बजाउन जान्ने संगीतकर्मीहरुलाइ रोजगार बनाउने लक्ष्य लिएको संस्था हो । यसैगरी उडान नेपाल युबाहरुको नेतृत्व तथा ब्यक्तित्व बिकाश नारा बोकेको संस्था हो ।

दुवै संस्थाले नेपालगंज क्षेत्रका बाजा बजाउन जान्ने संगीतकर्मीलाई बाजा नेपाल को अनलाइन प्ल्याटफर्ममा संगठीत गर्ने भनि सम्झौता गरेका छन् । बाजा नेपाल का तर्फबाट अध्यक्ष सुदर्शन जि सी र उडान नेपालका तर्फबाट अध्यक्ष जनक थापा बीच सम्झौता भएको हो ।

उक्त कार्यबाट सिप भएर पनि बेरोजगार हुन बाध्य भएका युबाहरुलाई ठुलो सहयोग पुग्ने आशा गरिएको छ । यसअघि बाजा नेपाल र उडान नेपालले नेपाल टुरिजम बोर्डको सहकार्यमा सांगीतिक कार्यक्रम आयोजना गरेका थिए। “बाजा नेपालको सदस्य बन्न कुनै पैसा लाग्दैन । नाम र सम्पर्क विवरण भए पुग्छ ।” अध्यक्ष जनक थापाले जानकारी दिए ।