बुटवल,मंसिर,२७-
नेपाली कांग्रेसका नेता चन्द्र भण्डारीले बहुमतको मातमा कांग्रेसलाई कमजोर ठानेर अघि बढे बाम सरकारको आयु निकै छोटो हुने चेतावनी दिनुभएको छ ।
निर्वाचन परिणामबाट कांग्रेस आत्तिनुनपर्ने समेत उहाँले बताउनुभयो ।बुधबार बुटवलमा पत्रकारहरुसँग कुरा गर्दै भण्डारीले ‘कांग्रेसले चुनाव हारे पनि उसको शक्ति र क्षमता भने हराएको छैन । नयाँ शिराबाट पार्टी अघि बढ्छ ।
अब पनि स्थिर सरकार नहुने उहाँले बताउनुभयो । ‘बहुमतको मातमा बुद्धि नपुर्याउने र कांग्रेसलाई सामान्य ठानी बाहिर राख्ने काम गर्नु हुँदैन’ कांग्रेस नेता भण्डारीले भन्नुभयो ‘यसो भएमा वामसरकारको आयु १८ महिनामै सकिन्छ ।
नेपाली समाजमा बढी राजनीतिकरण गर्ने रोग लागेको र यसको सहि उपचारका रुपमा विकासको इन्जेक्सनलाई आफूले चुनावमा प्रयोग गर्दा फेल भएको बताउनुभयो । भण्डारीले पार्टीका तत्कालिन सभापति सुशील कोइरालालाई संविधान जारी गरेपछि पुनः प्रधानमन्त्रीमा उठाएपछि नै काग्रेसको कमजोरी शुरु भएको दाबी गर्नुभयो ।
भारतले नाकाबन्दी गर्दा पार्टीले त्यसको प्रतिवाद गर्न नसक्नु, पाँच नम्बर प्रदेशका पहाडी जिल्ला टुक्रयाउने प्रस्तावमा समर्थन गर्नु र माओवादीका नेता कार्यकर्ता वाम गठबन्धनमा धेरै ईमान्दार बनेका कारण कांग्रेसले हार व्यहोर्नु परेको र आफुपनि त्यसैको शिकार भएको उहाको भनाइ छ ।
प्रतिनिधिसभा सदस्यका लागि गुल्मी १ मा उठेका भण्डारी एमाले सचिप प्रदिप ज्ञवालीसँग पराजित हुनुभएको थियो । साभार अनलाईन खबरबाट
