एजेन्सी,जेठ १५-
उत्तर कोरियाले ब्यालेस्टिक मिसाइल परीक्षण गरेको छ । उत्तर कोरियाले छोटो दूरीमा मार हान्न सक्ने ब्यालेस्टिक मिसाइल परीक्षण गरेको हो । पछिल्ला केही हप्तामा उत्तर कोरियाले गरेको यो तेस्रो मिसाइल परीक्षण हो ।
यसअघिका दुईवटा परीक्षण असफल भएकोमा यो छोटो दूरीको मिसाइल भने सफल भएको हो । उत्तर कोरियाले प्रहार गरेको मिसाइल ४ सय ५० किलोमिटर दूरी पार गरेर जापानको समुद्री क्षेत्रमा खसेको अनुगमनकर्ताले बताएका छन् ।
संयुक्त राष्ट्रसंघले उत्तर कोरियामाथि कुनै पनि किसिमको आणविक गतिविधि गर्न तथा मिसाइल परीक्षण गर्न नपाउने गरी प्रतिबन्ध लगाएको छ । तर उसले लगातार मिसाइल परीक्षण गर्दै आएको छ । यसले गर्दा कोरियाली प्रायद्विपमा तनाव बढेको छ ।साभार उज्यालोवाट
