कैलाली,असोज,१-कैलालीको धनगढीमा उपचाररत कोरोना संक्रमित महिलाको मृत्यु भएको छ ।
धनगढी उपमहानगरपालिका-५ की ५७ वर्षीया संक्रमित महिलाको उपचारको क्रममा सेती प्रादेशिक अस्पतालमा मृत्यु भएको अस्पतालका सूचना अधिकारी दिलिप श्रेष्ठले जानकारी दिनुभयो ।
मृतकलाई भदौ १७ गते कोरोना पुष्टि भएको थियो । कडा खालको लक्षण देखिएपछि १९ गते अस्पतालमा भर्ना गरिएको थियो ।
संक्रमितको प्लाज्मा थेरापीमार्फत उपचार भइरहेको थियो । मृतकलाई रेम्डेसिभिर औषधिसमेत प्रयोग गरिएको सुचना अधिकारी श्रेष्ठले बताउनुभयो ।यो सँगै सुदूरपश्चिममा संक्रमित मृतकको संख्या १५ पुगेको छ ।
