![](https://bihanionline.com/wp-content/uploads/2021/07/EE129A37-B101-4C9A-B3FD-F7118F62F658.jpeg)
एजेन्सी,असार,२३-कोपा अमेरिका फुटबलको दोस्रो सेमिफाइनलमा आज (बुधबार) बिहान अर्जेन्टिनाले कोलम्बियासँग प्रतिस्पर्धा गर्दैछ ।अर्जेन्टिना र कोलम्बियाबीचको खेल नेपाली समय अनुसार बिहान ६:४५ बजे सुरु हुनेछ ।
कोलम्बियाविरुद्ध मैदान उत्रदा अर्जेन्टिना जित निकाल्दै फाइनल पुग्ने योजनामा हुनेछ । कोलम्बिया पनि अर्जेन्टिनालाई हराएर फाइनल पुग्न चाहन्छ ।
अर्जेन्टिना र कोलम्बियाबीचको विजेताले फाइनल ब्राजिलसँग खेल्नेछ । आयोजक ब्राजिल पेरुलाई १-० ले हराएर फाइनल प्रवेश गरिसकेको छ ।
लियोनल मेस्सीको कप्तानीमा रहेको अर्जेन्टिनाले क्वाटरफाइनलमा इक्वेडरलाई ३-० ले हराएको थियो । सेमिफाइनलमा अर्जेन्टिना उक्त जितलाई कायम राख्न चाहन्छ ।
समूह चरणमा अपराजित अर्जेन्टिनाले ४ खेलमा १० अंक जोडेको थियो । समूह ‘ए’ को अर्जेन्टिना समूह विजेता बन्दै क्वाटरफाइनलमा पुगेको हो ।
कोलम्बियाले क्वाटरफाइनलमा उरुग्वेलाई पेनाल्टी सुटआउटमा ४-२ गोल अन्तरले हराएको थियो ।
समूह चरणमा कोलम्बियाले ४ खेलमा ४ अंक जोडेको थियो । समूह ‘बी’ मा रहेको कोलम्बिया तेस्रो स्थानमा रहदै नकआउट चरणमा पुगेको हो ।