काठमाण्डौं,पुष,१-नेपाली काँग्रेसका नेता तथा रक्षामन्त्री समेत रहनु भएको मिनेन्द्र रिजालले राजीनामा दिनुभएको छ । नेपाली कांग्रेसको महामन्त्रीमा उम्मेदवारी दिनुभएका उहाँले प्रारम्भीम मत परिणाम आए लगतै राजीनामा दिने घोषणा गर्नुभएको हो ।
रिजाललाई प्रधानमन्त्री शेरबहादुर देउवाले असोज २२ गते रक्षामन्त्रीमा नियुक्त गर्नु भएको थियो ।
बिहीबार पहिलो चरणको १०० मतको मतपरिणाम अनुसार रिजालले जम्मा २१ मत पाउनु भएको थियो । जबकि उहाँकै प्यानमा रहेका गगन थापाले ७० मत पाउनु भएको थियो।पछिल्लो परिणाम अनुसार रिजाले डाक्टर राजाराम कार्कीलाई मात्रै उछिन्नु भएको छ ।
नेपाली काङ्ग्रेसको चौधौं महाधिवेशनमा मैले प्रतिस्पर्धा गरेको महामन्त्री पदको प्रारम्भिक परिणामबाट नै स्पष्टरूपमा प्राप्त सन्देशलाई दृष्टिगत गर्दै रक्षामन्त्रीको पदबाट राजीनामा दिने निर्णय लिएको छु। अन्तिम परिणाम प्राप्त हुनासाथ सम्माननीय प्रधानमन्त्रीसमक्ष राजीनामा पेश गर्नेछु।
— Minendra Rijal (@MinendraRijal) December 16, 2021
