काठमाडौं, चैत ११ –
नेपालबाट ठूलो परिमाणमा विदेशी मुद्रा लिएर जान लागेका चारजना थाइ महिलालाई प्रहरीले आज त्रिभुवन अन्तर्राष्ट्रिय विमानस्थलबाट पक्राउ गरेको छ ।ती महिलाहरुबाट ३ करोडभन्दा बढी नेपाली रुपैयाँ मूल्य बराबरको विभिन्न देशका विदेशी मुद्रा बरामद भएको प्रहरीले जनाएको छ ।
उनीहरुको साथबाट दुई लाख ८६ हजार एक सय ६२ अमेरिकी डलर, दुई लाख ७३ हजार एक सय ८० भारतीय रुपैयाँ र ४६ हजार ८ सय थाइ भाट बरामद भएको छ ।शुक्रबार बिहान थाइ एअरवेजबाट थाइल्यान्ड जानेक्रममा विमानस्थलमा चेकजाँच गर्दा सो मुद्रा बरामद गरिएको हो ।
उनीहरु चारैजनाले आफूहरु भिक्षुणी भएको र भारतको बोधगयामा बौद्धस्तुप र अस्पताल बनाउन नेपालमा चन्दा संकलनबाट उठेको रकम लैजान लागेको बताएको प्रहरीले जनाएको छ ।प्रारम्भिक अनुसन्धानबाट उनीहरु पटक–पटक नेपाल आउने–जाने गरेको खुलासासमेत भएको छ ।साभार ईमेज खबरबाट
