काठमाडौं,साउन,२४-च्याम्पियन्स लिगमा युभेन्ट्सलाई हराउँदै लियोन क्वार्टरफाईनलमा प्रवेश गरेको छ ।गएराति भएको अन्तिम १६ को दोस्रो लेगको खेलमा युभेन्ट्सबिरुद्ध अवे गोलमा जित निकाल्दै फ्रेन्च क्लब लियोनले अन्तिम ८ मा पुगेको हो ।
घरेलु मैदानमा क्रिस्टियानो रोनाल्डोले दुई गोल गरेपनि युभेन्ट्सलाई च्याम्पियन्स लिगमा अघि बढाउन सकेनन् ।
दोस्रो लेगको खेल २-२ गोलको बराबरीमा सकिएपछि अवे गोलका आधारमा लियोन क्वार्टरफाईनलमा प्रवेश गरेको हो । पहिलो लेगको खेलमा लियोनले १-० को जित निकालेको थियो ।
गएराति नै भएको अर्को खेलमा म्यान्चेष्टर सिटीले रियल मड्रिडलाई पराजित गर्दै क्वार्टरफाइनलमा प्रवेश गरेको छ ।
प्रतियोगिताको अन्तिम १६ को दोस्रो लेगको खेलमा स्पेनिस महारथी रियललाई २-१ गोल अन्तरले हराउँदै सिटीले अन्तिम ८ मा स्थान पक्का गर्यो ।समग्रमा ४-२ को नतिजा सहित सिटी क्वार्टरफाईनल प्रवेश गरेको हो । पहिलो लेगमा सिटीले २-१ को अग्रता लिएको थियो ।
