थ्री नेसन्स कप:आज नेपाल र बंगलादेश बिच फाईनल खेल

‘हामीले दुई खेल खेल्यौं ।  प्रदर्शन राम्रै गरेका छन् । सोचेअनुसार खेलेका छौँ । तर, गोल गरिरहेका छैनौँ,’ महर्जनले भन्नुभयो, ‘हाम्रो भोलिको मुख्य लक्ष्य भनेकै गोल गर्दै नतिजा निकाल्नु हुनेछ ।’

प्रतियोगितामा नेपाल दोस्रो स्थानमा रहदै फाइनल पुगेको हो । बंगलादेश भने शीर्ष स्थानमा रहेर फाइनल पुगेको हो ।लिग चरणको भेटमा नेपाल र बंगलादेशले गोलरहित बराबरी खेलेको थियो ।यस्तै नेपालले पछिल्लो ७ अन्तराष्ट्रिय खेलमा गोल गर्न सकेको छैन ।

यस्तै महर्जनले फाइनलमा टिममा केहि परिवर्तन हुने समेत बताउनुभयो ।’भोलिको खेलमा सुरुवाती-११ मा केही परिवर्तन हुन सक्छ । त्यसका लागि हेर्दैछु,’ उहाँले भन्नुभयो ।नेपालले अघिल्ला दुई खेलमा सुरुवाती-११ परिवर्तन गरेको थिएन् ।

नेपाली टिमका कप्तान किरण चेम्जोङले उपाधि दिलाउन आफु उत्सुक रहेको बताउनुभयो।’सबै कप्तानलाई आफ्नो कप्तानीमा उपाधि जित्दा सुखी लाग्छ । आफ्नो कप्तानीमा उपाधि दिलाउन म पनि उत्सुक छु,’ उहाँले भन्नुभयो !

बंगलादेशका मुख्य प्रशिक्षक जेम्स डेले फाइनल खेल प्रतिस्पर्धात्मक हुने बताउनुभएको थियो ।’यस खेल निकै प्रतिस्पर्धात्मक हुनेछ । घरेलु टोलिलाई दर्शकको समर्थन छ । हामी फाइनलमा पुग्यो यो नै ठुलो विषय हो,’ उहाँले भन्नुभयो।

बंगलादेशका कप्तान जमल भुयाले सोमबार उपाधि जित्नका लागि सुनौलो मौका रहेको बताउनुभयो।’हामीलाई उपाधि जित्न यो सुन्दर अवसर हो । हामीसँग राम्रा खेलाडी छन् । अनुभवी खेलाडी पनि छन्,’ उहाँले भन्नुभयो।

यसैबिच:दशरथ रंगशालामा नेपाल र बंगलादेशका फुटबल टोलीबीच यसअघि दुई पटक फाइनल खेल भएको थियो । दक्षिण एसियाली महासंघिय खेलकुद (साफ) हालको दक्षिण एसियाली खेलकुद (साग) को पहिलो संस्करण (सन् १९८४) र आठौं सस्करण (१९९९) को फुटबल फाइनलमा नेपाल र बंगलादेशबीच प्रतिस्पर्धा भएको थियो । पहिलोमा नेपाल ४–२ ले र आठौंमा बंगलादेश १–० ले विजयी भएको थियो ।

त्यसैगरी :थ्री नेसन्स कप फुटबल प्रतियोगिताको फाइनल खेलमा प्रधानमन्त्री केपी ओली प्रमुख अतिथीको रुपमा उपस्थित हुनुहुनेछ।अखिल नेपाल फुटबल संघ (एन्फा)ले थ्री नेसन्स कप फाइनलमा प्रधानमन्त्री ओलीलाई प्रमुख अतिथीको रुपमा आमन्त्रण गरेको छ ।