![](https://bihanionline.com/wp-content/uploads/2021/05/24E802BB-1F9B-4283-B192-E2542ABDF1B3.jpeg)
काठमाण्डौं,जेठ,३-उत्तर कोरियाले फिफा विश्वकप छनोट र एसियन कप छनोटको बाँकी खेल नखेल्ने भएका छन् ।
एसियन फुटबल फेडेरेसन (एएफसी) ले आइतबार उत्तर कोरियाले छनोटबाट नाम फिर्ता लिएको जनाएको छ ।
उत्तर कोरिया छनोटको समूह ‘एच’ मा रहेको छ । यस समूहमा उत्तर कोरिया आठ अंक जोडेर चौंथो स्थानमा रहेको छ ।एएफसीले उत्तर कोरियाले नाम फिर्ता लिनुको कारण बताएको छैन ।
तर, एएफसीले यस समूहको छनोटको बाँकी खेल दक्षिण कोरियामा गराउने निर्णयको कारण उत्तर कोरियाले नाम फिर्ता लिएको बताईएको छ ।
एएफसीले उत्तर कोरियाको यस निर्णय फिफाको आयोजक समितिलाई पठाइएको जनाएको छ ।
यस समूहमा उत्तर कोरिया, दक्षिण कोरिया, तुर्किमिनिस्तान, लेबनान र श्रीलंका रहेको छ ।एजेन्सी