काठमाण्डौं,पुष,२४-नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ लाई कोरोना संक्रमण भएको छ।शुक्रबार साँझ परीक्षण गर्दा अध्यक्ष प्रचण्डलाई कारोना संक्रमण पुष्टि भएको हो।
प्रचण्डको सचिवालयको तर्फबाट छोरी गंगा दाहालले सामाजिक सञ्जाल मार्फत् प्रचण्डलाई कोरोना संक्रमण भएको जानकारी दिनुभएको हो ।
आजै माओवादी केन्द्रका अर्का नेता नारायणकाजी श्रेष्ठलाई पनि कोरोना संक्रमण पुष्टि भएको थियो। श्रेष्ठ पनि होम आइसोलेसनमा बस्नु भएको छ।
केही दिनअघि मात्रै आफ्नो पार्टीको राष्ट्रिय महाधिवेशन सकेका माओवादी केन्द्रका धेरै नेतामा कोरोना संक्रमण भएको आशंका गरिएको छ। एकैपटक धेरै नेता र कर्मचारीमा संक्रमण पुष्टि भएपछि माओवादी केन्द्रको केन्द्रीय कार्यालयसमेत बन्द गरिएको छ।
