काठमाडौं,चैत्र,१०-नेपाल र थाईल्याण्डबिचको खेल आज (बिहिबार) हुदैछ ।नेपाली राष्ट्रिय फुटबल टोलीले थाइल्याण्डको राष्ट्रिय टोलीसँग मैत्रीपूर्ण खेल खेल्न लागेको हो।
नेपाल र थाइल्याण्डब्चको खेल चोन बुरी रंगशालामै नेपाली समय अनुसार अपरान्ह ५:४५ बजेबाट सुरु हुनेछ।
थाइल्याण्ड नेपालभन्दा निकै बलियो टोली र हाल फिफा वरियताको ११२ औं स्थानमा रहेको छ । नेपालले थाइल्याण्ड संग अहिले सम्म तीन पटक खेलिसकेको छ।नेपालले एक पटक किगंस् कप र दुई पटक अन्तराष्ट्रिय मैत्रिपूर्ण खेल खेलेका छन्।
पहिलो पटक किगंस् कप ३१ मे १९८२ मा खेल्दा थाइल्याण्डले नेपाललाई ३-१ गोलले पराजित गरेको थियो। त्यसरीनै दोस्रो पटक अन्तराष्ट्रिय मैत्रिपूर्ण खेल २७ नोभेम्बर १९९८ मा खेल्दा नेपाललाई २-० गोलले पराजित गरेको थियो।
तेस्रो पटक पनि अन्तराष्ट्रिय मैत्रिपूर्ण खेल २० मे २००८मा खेलेको थियो। त्यस खेलमा नेपाललाई थाइल्याण्डले ७-० को फराकिलो गोल अनतरले पराजित गरेको थियो।
त्यसैगरी:दोस्रो खेल थाइल्याण्डको स्थानिय क्लब चोनबुरी फुटबल क्लबसंग मैत्रीपूर्ण खेल खेल्नेछ। यस दोस्रो खेल नेपालले मार्च २७ मा थाइल्याण्डको चोन बुरीमा नै खेल्नेछ।
