टोकियो,मंसिर,१५-नेपाल प्रिमियर लिग (एनपीएल) फ्रेन्चाइज क्रिकेट प्रतियोगिता आज शनिवार देखी हुने नेपाल क्रिकेट सङ्घ(क्यान)ले जनाएको छ।
प्रतियोगिताको उद्घाटन खेलमा आज जनकपुर बोट्ल्सले विराटनगर किङ्सको सामना गर्नेछ। दुवै टोलीले जित निकाल्ने उद्देश्यका साथ मैदानमा उत्रदैछन्। जनकपुरका कप्तान अनिल शाहले भने प्रतियोगितामा राम्रो खेल्दै विराटनगरविरूद्धको खेलमा जित निकाल्ने विश्सास व्यक्त गरे।
त्यसैगरी विराटनगरका कप्तान सन्दीप लामिछानेले आफ्नो टोलीको तयारी राम्रो भएकाले भोलिको खेल जित्ने विश्सास व्यक्त गरे।उनले भने,“सबैले जित्नको लागि नै खेल्ने हो सो हामी पनि जित्न कै लागि खेल्छौँ।”
यसैवीच : नेपाल प्रिमियर लिग (एनपीएल) को खेल टिकटमा त्रिभुवन विश्वविद्यालय (टीयू) पढ्ने विद्यार्थीहरूले ५० प्रतिशत छुट पाउने भएका छन् ।
विद्यार्थीहरूले टिकटमा ५० प्रतिशत छुट पाउने नेपाल क्रिकेट संघ (क्यान) ले जनाएको छ । क्यानले त्रिभुवन विश्वविद्यालयसँगको सम्झौतापछि विद्यार्थीलाई ५० प्रतिशत छुट दिइएको विज्ञप्तिमार्फत जानकारी गराएको छ।
एनपीएल मंसिर १५ देखि पुस ६ गतेसम्म टीयू क्रीकेट मैदानमा चल्नेछ ।
