काठमाडौं,मंसिर,१६-नेपालमा कोरोनाभाइरसको संक्रमणका कारण पछिल्लो २४ घन्टामा २१ जनाको मृत्यु भएको छ ।
योसँगै कोरोनाका कारण मृत्यु हुनेको संख्या १५ सय २९ पुगेको स्वास्थ्य तथा जनसंख्या मन्त्रालयले जनाएको छ ।
थप १,३०४ जनामा संक्रमण
पछिल्लो २४ घन्टामा देशभर एक हजार ३०४ जना कोरोना संक्रमित थपिएका छन् ।
आठ हजार ५८३ जनाको ‘पीसीआर’ परीक्षण गर्दा ८०३ पुरुष र ५०१ जना महिलामा संक्रमण पुष्टि भएको हो ।
थपिएका संक्रमितमा काठमाडौं उपत्यकामा ५३० जना छन् । जसमध्ये काठमाडौंका ४०९ जना, ललितपुरका ८५ जना र भक्तपुरका ३६ जना छन् ।
योसँगै नेपालमा कोरोना संक्रमितको संख्या दुई लाख ३३ हजार ४५२ पुगेको छ ।
थप २,०७३ कोरोनामुक्त
पछिल्लो २४ घन्टामा देशभरबाट कोरोनामुक्त हुनेको संख्या दुई हजार ७३ रहेको छ । अहिलेसम्म कोरोनामुक्त हुनेको संख्या दुई लाख १६ हजार ५९४ जना पुगेको छ ।
हाल देशभर सक्रिय संक्रमितको संख्या १६ हजार ६३३ रहेको मन्त्रालयले छ ।
