महाकालीमा पुलको शिलान्यास

इन्द्र कार्की
महेन्द्रनगर,भाद्र,१६   प्रधानमन्त्री शेर वहादुर देउवाले विहिवार एक कार्यक्रमका वीच महाकाली नदीमा वन्न लागेको चार लेनको पक्की पुलको शिलान्यास गरेका छन् । भीमदत्त नगरपालिका १२ ऐरी र ओदालीको सीमा पर्ने विपी नर्सरी महाकाली नदी किनारमा पुलको शिलान्यास गरिएको हो । निवार्चन आयोगले मंसिरमा हुने प्रदेश सभा र प्रतिनिधि सभा निर्वाचनका लागि वुधवार देखि निर्वाचन आचार संहिता लागु गरिएको दोस्रो दिन पुल शिलान्यास गरेकाले प्रधानमन्त्री वाटै निर्वाचन आचार संहिता उल्लङ्घन गरेको आरोप समेत देउवा माथि लागेको छ । यदपी पुलको शिलान्यास कार्यक्रम पुर्व निधारित भएकोले आचार संहिता नलाग्ने दाबी भौतिक पुर्वाधार तथा यातायात मन्त्रालयका अधिकारीहरुले गरेका छन् । पुल शिलान्यास कार्यक्रममा देउवा संगै भौतिक पूर्वाधार तथा यातायात मन्त्री वीर वहादुर वलायर, राज्य मन्त्री सीता गुरुङ्ग,बाणिज्य तथा आपुर्ति मन्त्री नर बहादुर चन्द सहित साँसद,मन्त्रालयका अधिकारीहरु कार्यक्रममा सहभागी भएका थिए । प्रधा3v नमन्त्री देउवाले महाकालीमा पुल वनाएर छाड्ने बताए । पुलले समग्र सुदुर पश्चिमको अर्थतन्त्रलाई फाइदा पुग्ने उल्लेख गर्दै उनले यो पुल वाट भारतलाई पनि लाभ पुग्ने बताए । भीमदत्तनगर पालिकाको ऐरी र महाकाली नगरपालिका को चाँदनी जोड्ने ८ सय मिटर लामो पुल निर्माणको ठेक्का ३ अर्व २७ करोड ९३ लाख ३४ हजारमा कुमार सिएफइसि जेभी महेन्द्रनगरले पाएको छ । पुल निमार्ण संगै गडडचाकी देखि चाँदनी सम्म ७ किलोमिटर चार लेनको पक्की सडक समेत वन्नेछ । चालु आर्थिक वर्षमा पुल निमार्णका लागि एक अर्व वजेट विनियोजन गरिएको छ । कार्यक्रममा पञ्चकन्याहरुले प्रधानमन्त्री शेर वहादुर देउवालाई स्वागत गरेका थिए । उक्त कार्यक्रममा सुदुरपश्चिमको गौरा र आदिवासी समुदायका साँस्कृतिक झाँकीहरु पनि प्रस्तुत गरिएका थिए । महाकालीमा वन्न लागेको पुल निमार्णको यहाँका उद्ममी व्यवसायी, यातायात, निमार्ण व्यवसायी, स्थानिय निकाय तथा स्थानियहरुले स्वागत गरेका छन् । महाकाली पुल भौतिक पूर्वाधार तथा यातायात मन्त्रालय अन्र्तगतको महाकाली पुल आयोजनाले बनाउन लागेको हो ।