काठमाण्डौं,साउन,२३-
सांगितिक यात्राको छोटो समयमै दर्शक एवं स्रोताहरुको मन मुटुमा बस्न सफल लोक तथा दोहोरी गायक गोपाल जंग थापाले स्वरबद्ध गर्नु भएको नाच्ने बुढी चाहियो बोलको तिज गित बजारमा आएको छ । मेलोडी नेपालले तयार पारेको यस गितको म्युजिक भिडीयो विन्ध्यवासिनी म्युजिक कम्पनी मार्फत बजारमा ल्याइएको छ ।
यस गितमा केटीतर्फ भने माधवी घर्तीमगरको स्वर रहेको छ । गोविन्द मधुरले संगित संयोजनमा सघाएका छन । गितमा गायक थापा र घर्तीमगरको संयुक्त शब्द रहेको छ । अमृत सुनुवारले छायांकन गरेको यस म्युजिक भिडीयोको निर्देशन विपिन श्रेष्ठले गरेका हुन् भने कोरियोग्राफरमा कृष्ण लामा छन ।
यो गितले दर्शकहरुको मन जित्नेमा आफू आशावादी रहेको गायक थापाले बताए । उनले आगामी दिनमा अझै राम्रा गितहरु दर्शक माझ ल्याउने योजना रहेको बताए । थापाले यसअघि आधा दजर्न गित बजारमा ल्याइसकेका छन ।
क्या राम्रो रैछनी साँफेबगरबाट गायन क्षेत्रमा लागेका थापाले नेपालका नेता, बर पिपल छायाले, धेरै भए फटाहा जाली लगायतका गितहरु बजारमा ल्याइसकेका छन । गायक थापा हाल नेपाल वातावरण पत्रकार समूहमा कार्यरत छन ।
भिडीयो हेर्नुहोस्
