काठमाडौं,चैत,४- नेपालमा पछिल्लो २४ घण्टामा ९४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २७ सय ८१ जनाको पीसीआर परीक्षण गराउँदा ९४ जनामा कोरोना भाइरस संक्रमण पुष्टि भएको हो ।
योसँगै नेपालमा हालसम्म कोरोना संक्रमितको संख्या २ लाख ७५ हजार ५१८ पुगेको छ ।यस्तै, पछिल्लो २४ घण्टामा ५५ जना संक्रमणमुक्त भएका छन् ।
योसहित संक्रमणमुक्त हुनेको संख्या २ लाख ७१ हजार ५५० पुगेको छ ।हाल ९५४ जना सक्रिय संक्रमित छन् ।बुधबार कोरोनाबाट कसैको पनि मृत्यु भएको छैन ।हाल कोरोनाबाट मृत्यु हुनेको संख्या ३ हजार १४ पुगेको छ ।
