एजेन्सी,असोज,२४-डेमोक्रेटिक रिपब्लिक अफ कङ्गोमा डुङ्गा दुर्घटना हुँदा १ सयजना भन्दाबढी मानिसको मृत्यु भएको अनुमान गरिएको छ।
कङ्गोमा भइरहने सामुद्रिक दुर्घटनाको यो पछिल्लो शृङ्खला थियो। कंगोका नागरिक देशकै ठूलो कङ्गो नदीमा असुरक्षित यात्रा गर्न बाध्य छन्।
उत्तर पश्चिमी प्रान्त मोंगलाका गभर्नरका प्रवक्ता नेस्टर मग्बाडोले एएफपीलाई जनाएअनुसार सोमबारदेखि मङ्गलबार रातिसम्म उक्त दुर्घटनामा हराइरहेका ६१ जानको शव निकालिएको छ भने अन्य ६० जना अझै बेपत्ता रहेका अन्तर्राष्ट्रिय सञ्चार माध्यमले जनाएका छन्।
उक्त दुर्र्घटनामा परेका ३९ जना यात्रुहरू भने बाँच्न सफल भएका छन्। डुंगामा सवार यात्रुको यकिन सङ्ख्या भने यकिन भइसकेको छैन। यो सङ्ख्या भने डुङ्गाको क्षमताको आधारमा गरिएको अनुमान मात्र हो।
परम्पारागतरूपमा बनाइएको काठको ढुङ्गामा बसेर यात्रा गर्दा ढुंगा दुर्घटनामा परेको हो। त्यहाँको सरकार प्रवक्ता मग्बाडोका अनुसार उक्त दुर्घटना रात्रीको समयमा खराब मौसम वा अत्यधिक यात्रुहरूको चापका कारण भएको हुनसक्छ।
पीडितहरुमा प्रायः प्रान्तीय राजधानी बुम्बामा यात्रा गर्ने फेरीवाला र विद्यार्थीहरु रहेका छन्। प्रवक्ता मग्बाडोले उक्त घटनाको थप अध्ययन र उद्धार कार्य जारि रहेको बताउनुभयो।एजेन्सी
