काठमाण्डौं,फागुन,२१-रुसले युक्रेनमाथि आक्रमण सुरु गरेको आज १० औं दिन पुगेको छ।रुसले आम मानिसको सहायताका लागि भन्दै युक्रेनका मारिउपोल र भोल्नोभाखा सहरमा अस्थायी युद्धविरामको घोषणा गरेको छ।
रुसको रक्षा मन्त्रालयले शनिबार बिहान १० बजेदेखि मानिसहरुलाई यी दुई सहरबाट सुरक्षितरुपमा जान दुई कोरिडोरहरु खुला गरिने जनाएको छ।
मन्त्रालयले जारी गरेको एक विज्ञप्तिमा युक्रेनका अधिकारीहरु पनि युद्धविरामको लागि सहमत भएको उल्लेख छ।यद्यपि युक्रेनको तर्फबाट भने यस विषयमा कुनै प्रतिक्रिया आएको छैन।
