काठमाडौं,फागुन,२१-नेपालमा पछिल्लो २४ घण्टामा एक सय जनाभन्दा कममा कोरोना संक्रमण पुष्टि भएको छ ।
६ हजार २ सय २० जनामा गरिएको परीक्षणमा ९१ जनामा संक्रमण देखिएको स्वास्थ्य तथा जनसंख्या मन्त्रालयले जानकारी दिएको छ ।
यो अवधिमा कोरोना संक्रमणका कारण कसैको पनि मृत्यु भएको छैन । यसैगरी पछिल्लो २४ घण्टामा ३ सय ६२ जना संक्रमणमुक्त भएका छन् ।
मन्त्रालयका अनुसार अहिले देशभर ६ हजार ९ सय ४७ जना कोरोनाका सक्रिय संक्रमित रहेका छन् ।
