मनिष अन्जान,
काठमाण्डौ,बैशाख,१७
छविराज प्रोडक्सनको ब्यानरमा बनेको सुपरहिट फिल्म ुकिस्मतु बाट भित्रिएका नायक आर्यन सिग्देल एक समयका सर्वाधिक महंगा हिरो हुन् ।
आफ्नो मार्केट गज्जबकै चलेको बेला आर्यनले एक फिल्मका लागि ६ लाख पारिश्रमिक लिएको खबरले सिनेवृत खुबै तातेको थियो । तर, लगातार एकपछि अर्को फिल्महरु बक्सअफिसमा नराम्रोसँगपछारिन थालेपछि आर्यनको मार्केट पनिखस्कदै गयो र गुम्दै गयो क्रेज पनि ।
बर्ष २०७२ मा रिलिज भएको फिल्म क्लासिक पछि उनले उद्घोष गरे कि अब आफ्नो होम प्रोडक्सन बाहेक अन्य बाहिरी ब्यानरका फिल्ममा उनी काम गर्ने छैनन् । उनले आफ्नो वचन पूरा पनि गरेका छन् । क्लासिक पछि उनले आफ्नो होम प्रोडक्सन भन्दा बाहिरको ब्यानरमा काम गरेका छैनन् ।
क्लासिक पछि उनी बर्ष २०७३, जेठ ७ गते रिलिज भएको गोपीकृष्ण मुभिजको फिल्म होमवर्क मा देखिए तर फिल्मले बक्सअफिसमा कमाल नगर्दा उनलाई दर्शकहरुले नोटिस गर्न पाएनन् ।
बर्ष २०७२ मा रिलिज भएको ुक्लासिकु बाट उनले गएको बर्ष उत्कृष्ट नायकको तीन अवार्ड आफ्नो पोल्टामा पारे । यसले पनि उनलाई अब आगामी फिल्ममा राम्रै दुख गर्न चुनौती दिएको छ । त्यसैले त उनी अहिले बाहिरी ब्यानरका फिल्महरु नकार्दै आइरहेका छन् । 
केही बर्ष अगाडीसम्म हप्तै पिच्छे भित्तामा आर्यन अभिनित फिल्मका पोष्टर टाँसिन्थे तर बर्ष वित्यो आर्यनको टाउको अटेको पोष्टर समेत भित्तामा टाँसिएका छैनन् । कथावस्तु र भूमिका दमदार भन्दा पनि पारिश्रमिक राम्रै भेटे फिल्म नछुटाउने आर्यन अहिले आफ्नो कमजोर बन्दै स्टारडम जोगाउनका लागि एक बर्षदेखी कुनै पनि फिल्ममा नदेखिएको स्रोत बताउँछ ।
आफ्नो होम प्रोडक्सनभन्दा बाहेकका फिल्म नखेल्ने उद्घोष गरेसँगै उनले निर्देशक दिनेश राउतको निर्देशनमा एक फिल्म निर्माण गर्ने बताएका थिए 
तर अहिलेसम्म उक्त अनटाइटल फिल्मको काम अगाडी बढ्न सकेको छैन् । बरु उनी विदेशमा हुने विभिन्न सांस्कृति कार्यक्रमहरुमा ठुम्का लगाउनमै व्यस्त छन् ।
प्राप्त जानकारी अनुसार, आर्यनले यस बर्ष आफ्नो होम प्रोडक्सनमा बन्ने नयाँ फिल्मको घोषणा गर्दैछन् भने सकभर यसै बर्ष रिलिज गर्ने तयारीमा समेत उनी देखिएका छन् । 
आफ्नो होम प्रोडक्सन भन्दा बाहिरी ब्यानरमा बन्ने फिल्म नखेल्ने घोषणा गर्नु अगाडी नै उनले एक बाहिरी ब्यानरको फिल्म मरिना साइन गरिसकेका छन् । सञ्चारकर्मी श्याम अर्यालको निर्माणमा बन्न लागेको ुमरिनाु मा आर्यनको लिड रोल छ तर निर्माण घोषणा गरिएको बर्ष दिन वित्दा पनि यो फिल्म फ्लोरमा जान सकेको छैन् । 
नायिका नम्रता श्रेष्ठसँग पर्फेक्ट जोडी देखिने आर्यनलाई एक बर्षदेखी फिल्ममा देखिँदा दर्शकहरु निराश हुनु स्वभाविकै हो तर अहिले दर्शकहरु उनको नयाँ फिल्मको रिलिज कुरेर बसेका छन् । चकलेटी अनुहारका धनी आर्यनको नयाँ फिल्म कहिले आउँछ भन्ने प्रश्न पालेर बसेका दर्शकहरुलाई अब यसको उत्तर त आर्यन बाहेक अरु कसले नै पो दिन सक्छ होला र
