चितवन,कार्तीक,१६-
नेपालबाट बाहिर बिभिन्न देशहरुमा छरिएर रहेका चितवनेहरुको साझा संस्था चितवन युवा समुह अन्तर्राष्ट्रिय समन्वय समिति नेपाल द्वारा आयोजित भेटघाट तथा पिकनिक कार्यक्रम शनीवारका दिन रत्ननगर नगरपालिका ७ मा रहेको रमाइलो डाडामा भव्यताका साथ सम्पन्न गरेको छ।
भर्खर मात्र सम्पन्न छैंठो साधारण सभा तथा तेस्रो विश्व सम्मेलनबाट नवनिर्बाचित कार्यसमिति तथा चाडपर्ब मनाउन आफ्नो जन्मथलो आएका बिभिन्न ९ वटा देशमा क्रियाशील चितवन बासीहरुको संस्था चितवन समाजलाई जोड्दै भेटघाट तथा सहयोग आदान प्रदान गर्ने कामलाई निरन्तरता दिने कार्य यस समन्वय समितिले गरेको संस्थाका सचिव निमकान्त पाण्डे ले जानकारी दिनुभयो ।
चितवन युवा समुह अन्तर्राष्ट्रिय समन्वय समिति नेपाल विसुद्ध सामाजिक सस्था भएकाले चितवनबासी बिच आपसमा भाईचारा सदभाव कायम गर्ने उदेस्य लिदै बार्षिक रुपमा भेटघाट कार्यक्रमहरु आयोजना गर्दै आएकोमा यस पटक पनि चितवनका एन आर एन ए , राष्ट्रिय कलाकारहरु तथा बैदेशिक रोजगारीमा रहेका साथै विदेशबाट फर्केकाहरु बीच परिचयात्मक तथा मनोरन्जनात्मक कार्यक्रमहरु गरिएको उहाँले जानकारी दिनुभयो ।
संस्थाका अध्यक्ष मुक्ति अधिकारीले छोटो मन्तव्यका क्रममा बैदेशिक रोजगारीबाट फर्केका चितवन बासि नेपाल आएपछि यस संस्थामा जोडिन आग्रह गर्दै गरेका थिए साथै बिदेशमा रहदा पनि चितवनेहरुले स्थापना गरेको चितवन समाजमा जोडिए सबैकुराबाट सहकारी गर्न सकिने बताउनुभयो ।उहाँले सामाजिक कार्यमा सबै लाग्नु पर्ने र यसैबाट आफ्नो जिवन सुख तथा चितवनको बिकासमा केहि सार्थकता हुने विचार व्यक्त गर्नु भएको थियो ।
