काठमाडौं,मंसिर,६-सहिद स्मारक ‘ए’ डिभिजन लिग फुटबलमा आज दुई विभागिय टोलीहरु त्रिभुवन आर्मी क्लब र नेपाल पुलिस क्लब भिड्नेछन् ।
यो खेल दशरथ रंगशालामा दिनको १ बजे सुरु हुनेछ । आजै पौने ५ बजे सुरु हुने खेलमा मच्छिन्द्र क्लब र न्युरोड टिम एनआरटी भिड्नेछन् । साविक विजेता मच्छिन्द्र क्लबलाई पहिलो खेलमा आफ्नै छिमेकको एनआरटीले टक्कर दिन लागेको हो ।
यसअघि हिजोका खेलहरुमा विजयी हुँदै मनाङ मर्स्याङ्दी क्लब र ब्रिगेड ब्वाइजले विजयी सुरुवात गरेका छन् । उपाधि दावेदार मनाङले जावलाखेल युथ क्लबलाई १-० ले हराउँदा ब्रिगेड ब्वाइज क्लबले सशष्त्र प्रहरीको एपीएफ फुटबल क्लबलाई ३-२ ले पराजित गर्यो ।
