बाँके,पौष ९-शुक्रबार नेपाल जुनियर रेडक्रस सर्कल ज्ञान दीप माध्यमिक विद्यालय कम्दी–९ डलैयपुरको आयोजनामा निःशुल्क कान स्वास्थ्य शिविर आयोजना भएको छ ।बालबालिकाहरुमा बढी देखिने कान स्वास्थ्य समस्यालाई न्यूनीकरण गर्नका लागि विद्यालयमा अध्ययनरत छात्र÷छात्राहरुलाई लक्षित गरि कान स्वास्थ्य शिविर संचालन गरिएको आयोजकले जानकारी दिनुभयो ।
ब्रिनोज कान स्वास्थ्य सामुदायिक सेवा केन्द्र नेपालगन्जको प्राविधिक सहयोगमा संचालन भएको शिविरमा ३ सय ६८ जना बालबालिकाहरुको कान परीक्षण गरिएको थियो । परीक्षणका क्रममा सब भन्दा बढी कानमा फोहर जम्मा हुने समस्या देखिएको थियो । साथै कानको जाली फुटेको १२ जना मध्ये ५ जनाको अप्रेशनका लागि सिफारिस गरिएको ज्ञानदीप मा.वि.का जुरेस शिक्षक नायक राजेन्द्र प्रसाद सिग्देलले जानकारी दिनुभयो ।
